مدینہ منورہ کی مقدس فضاؤں میں کہکشاں کا ایسا منظر کہ سب ’سبحان اللہ‘ پکار اُٹھے

سعودی فوٹوگرافر اور فلکیاتی ماہر فہد الشنبری نے ’ملکی وے ‘ کا خوبصورت نظارہ اپنے کیمرے میں محفوظ کر لیا، دُنیا بھر میں یہ مناظر وائرل ہو گئے

Muhammad Irfan محمد عرفان منگل 16 مارچ 2021 11:30

مدینہ منورہ کی مقدس فضاؤں میں کہکشاں کا ایسا منظر کہ سب ’سبحان اللہ‘ پکار اُٹھے
مدینہ منورہ(اُردو پوائنٹ تازہ ترین اخبار۔16 مارچ2021ء) سعودی عرب کے مقدس شہر مدینہ منورہ کے علاقے میں 'الرائس' کی فضا میں رات کے وقت آسمان پر کہکشاں یا ملکی وے میں ایسے حیران کن اور دلفریب مناظر دیکھنے کو ملتے ہیں جنہیں دیکھنے والے حیرت زدہ رہ جاتے ہیں۔ہماری اس کہکشاں میں موجود ٹمٹاتے ستاروں کے یہ مناظر ہر رات نہیں دیکھے جا سکتے۔ ان مناظر کے لیے ایک خاص وقت متعین ہے جس میں ان پرلطف نظاروں سے لطف اٹھایا جا سکتا ہے۔

العربیہ نیوز کے مطابق سعودی عرب کے ایک فوٹو گرافر اور فکلیاتی علوم کی ایسوسی ایشن کے بانی فہد الشنبری نے 'ملکی وے' کے ان منفرد مناظر کو اپنے کیمرے میں محفوظ کیا ہے۔الشنبری نے کہا کہ شمالی سعودی عرب کے سیاحتی ماحول کے بعد مدینہ منورہ میں مقام بدر کے قریب الرائس کے ساحل پر رات کے وقت منظر قابل دید ہوتا ہے۔

(جاری ہے)

خاص طور پر نماز فجر سے قبل اگر موسم صاف ہو 'ملکی وے' کے نظارے دیکھنے والے ہوتے ہیں۔

الشنبری کا کہنا ہے کہ میں نے بہت سے فلکیاتی مظہر دیکھے ہیں مگر الرائس کے ساحل سے رات کے وقت دیکھا جانے والا جادوئی منظر آج تک اور کہیں دکھائی نہیں دیا۔ایک سوال کے جواب میں انہوں نے کہا کہ موسم بہار کے یہ دن روشنیوں سے دور رات کی تاریکی میں آسمان کی وسعتوں کے نظاروں کے لیے زیادہ موزوں ہوتا ہے تاہم اس کے لیے ضروری ہے کہ فضا میں بادل یا گردو وغبار نہ ہو۔

فکلیاتی فوٹو گرافر الشنبری نیمزید کہا کہ الرائس سے دکھائی دینے والی ملکی وے 'خم دار' شکل میں ہے۔ اس کہکشاں میں کھربوں ستارے اور سیارے موجود ہیں۔ اس ملکی وے کے اطراف میں ذرات، گیسوں اور بادلوں کا وسیع زخیرہ ہے جس نے ملکی وے کو گھیرے میں لے رکھا ہے۔خیال رہے کہ ملکی وے 'درب التبانہ' میں ایک اندازے کے مطابق 2 کھرب سے 4 کھرب کے درمیان ستارے اور سیارے موجود ہیں۔

متعلقہ عنوان :

مدینہ منورہ میں شائع ہونے والی مزید خبریں