سعودی عرب میں دکان کے باہربیٹھا ایک غیرملکی گاڑی سے ٹکرانےکے باعث جاں بحق ، حادثے کی لرزہ خیز وڈیو سوشل میڈیا پر وائرل

بدھ 17 مئی 2017 17:19

نجران ، سعودی عرب (اردوپوائنٹ اخبارتازہ ترین۔17مئی2017ء):۔ سعودی عرب میں ایک غیر ملکی نجران میں واقع ایک دکان کے باہر بیٹھا ہوا تھا کے اچانک اس کے ساتھ ایک گاڑی آکرٹکرائی اور وہ جاں بحق ہوگیا۔ گلف نیوز کی تفصیلات کے مطابق بروز منگل ہونے والے حادثے کی وڈیوسرویلنس کیمرے سے لی گئی تھی جس میں دیکھا جا سکتا ہے کہ کس طرح ایک گاڑی بے ہنگم طریقے سے آئی اور دوسری کارکے ساتھ ٹکرائی ۔

جس کے باعث دوسری گاڑی نے اپنا توزان کھو دیا اوریوں گاڑی اس غیرملکی سے ٹکرائی جو کہ دکان کے باہر سیڑھیوں پر بیٹھا ہوا تھا۔

(جاری ہے)

عینی شاہدین کا کہنا ہے کہ غیر ملکی زخموں کی تاب نہ لاتے ہوئے جاں بحق ہوگیا۔ دوسری جانب جس شخص کی گاڑی کنٹرول سے باہر ہوئی تھی اس نے حادثے کے فوراً بعد اپنے بیوی بچوں کو گاڑی سے نکالا اور بعد ازاں اپنی گاڑی دیکھنا شروع ہوگیا۔

جس پر سوشل میڈیا صارفین نے اسے شدید تنقید کا نشانہ بناتے ہوئے کہا ہے کہ اسے اپنی گاڑی کے بجائے پہلے اس شخص کو دیکھنا چاہیے تھا جو کہ اس کی غلطی کے باعث جاں بحق ہوا تھا۔ کئی صارفین نے جاں بحق ہونے والے شخص کے خاندان سے اظہار افسوس کیا جس کا اس حادثے سے کسی قسم کا تعلق نہیں تھا اور وہ کسی اور کی غلطی کے باعث جاں بحق ہوگیا۔