سعودی عرب میں رواں سال انٹرنیشنل فلم فیسٹیول منعقد ہوگا

جدہ میں بحر الاحمر فیسٹیول 11 نومبر سے 20 نومبر 2021ء تک جاری رہے گا

Muhammad Irfan محمد عرفان جمعہ 21 مئی 2021 10:10

سعودی عرب میں رواں سال انٹرنیشنل فلم فیسٹیول منعقد ہوگا
ریاض(اُردو پوائنٹ تازہ ترین اخبار۔21مئی2021ء) آج سے چند سال پہلے تک کوئی سوچ بھی نہیں سکتا تھا کہ سعودی عرب میں فلم فیسٹیول منعقد ہو سکتے ہیں اور سینما گھروں میں دُنیا بھر کی فلمیں بھی دکھائی جا سکتی ہیں، تاہم موجودہ ولی عہد شہزادہ محمد بن سلمان نے گزشتہ تین چار سالوں کے دوران ایسے انقلابی فیصلے کیے ہیں جنہوں نے دُنیا بھرکو حیران کر دیا ہے۔

سعودی عرب میں بحر الاحمر فلم فیسٹیول کے لیے تاریخ کا اعلان کر دیا گیا ہے۔یہ فلم فیسٹیول 11 نومبر سے 20 نومبر تک ہو گا۔العربیہ نیوز کے مطابق فلم میں حصہ لیے لیے رجسٹریشن کا عمل 18 مئی سے شروع ہوچکا ہے جو 18 اگست 2021ء تک جاری رہے گا۔ میلے میں عرب فلموں سمیت ایشین اور افریقی فلموں کے لیے درخواستیں دی جا سکیں گی۔یہ میلہ تاریخی شہر جدہ میں منعقد ہونے والا ہے جس میں فلمی شائقین ، فلم بینوں اور عالمی سنیما انڈسٹری کے ماہرین کو شرکت کا موقع فراہم کیا جائے گا۔

(جاری ہے)

اس میلے کا انعقاد مارچ 2020ء کو ہونا تھا مگر وبا کی وجہ سے سے ڈیڑھ سال کے لگ بھگ موخر کرنا پڑا۔ ریڈ سی فلم فیسٹیول کے دوران شوبز کے 11 پروگرامات منعقد کیے جائیں گے۔ اس دوران مختصر اور لمبی ، فیچر اور تجرباتی سعودی فلمیں ، کلاسک سنیما کے شاہکاروں کے علاوہ مستقبل میں ورچوئل رئیلٹی ، تخلیق شدہ حقیقت اور انٹرایکٹو سنیما کی تخلیقات کو پیش کرنے کا موقع دیا جائے گا۔

میلے میں ریڈ سی کا مقابلہ ، بحر احمر کی مختصر فلم، ایک نیا سعودی سنیما۔ عالمی شاہکار ، عرب شاہکار ، عالمی انتخاب ، انٹرایکٹو سنیما جیسے فلمی پروگرامات اس کا حصہ ہوں گے۔ریڈ سی فلم فیسٹیول میں منتخب کردہ فلموں کو بین الاقوامی جیوری کے ذریعے یولسور ایوارڈز کے مقابلے کیلیے منتخب کیا جائے۔ ان میں گولڈن یسر برائے طویل فیچر فلم کے کیے ایک لاکھ ریال ، بہترین ہدایت کاری 30 ہزار خصوصی جیوری پرائز 20،000 ہزار ڈالر اور بہترین اسکرین پلے ، بہترین اداکار ، بہترین اداکارہ ، اور بہترین سنیما شراکت کے ایوارڈ کے علاوہ ، بہترین مختصر فلموں کے لیے5 ہزار ڈالر ایوارڈ جاری کیے جائیں گے۔

ریاض میں شائع ہونے والی مزید خبریں:

Your Thoughts and Comments