یو اے ای ؛ نئی آسان پارکنگ پرمٹ سروس کا اعلان‘ جرمانے پر 25 فیصد رعایت بھی ملے گی

ابوظہبی ( اُردو پوائنٹ تازہ ترین اخبار ۔ 11 جنوری 2022ء ) متحدہ عرب امارات میں نئی آسان پارکنگ پرمٹ سروس کا اعلان کردیا گیا ، اب جرمانے پر 25 فیصد رعایت بھی ملے گی۔ خلیج ٹائمز کے مطابق محکمہ بلدیات اور ٹرانسپورٹ (DMT) کی نمائندہ انٹیگریٹڈ ٹرانسپورٹ سینٹر (ITC) نے رہائشی پارکنگ پرمٹ سروس ایپلی کیشن کو اپ ڈیٹ کرنے کا اعلان کیا ، جس کے تحت ڈارب پلیٹ فارم کی ویب سائٹ اور ڈارب ایپلی کیشن پر رہائشیوں کی پارکنگ پرمٹ سروس کے تجربے کو آسان بنانا ہے۔

معلوم ہوا ہے کہ نیا نظام صارفین کو اجازت دیتا ہے کہ وہ نئے رہائشیوں کے پارکنگ پرمٹ کے لیے درخواستیں جمع کرائیں ، میعاد ختم ہونے والے یا تقریباً ختم ہو چکے اجازت ناموں کی تجدید کریں ، جب کہ بغیر کسی دستاویزات کو اپ لوڈ کیے نیا سسٹم موجودہ رہائشیوں کے پارکنگ پرمٹ میں موجود معلومات میں ترمیم کرنے کی درخواستوں کو بھی قبول کرے گا ، جیسے گاڑی کی معلومات یا رہائشی معلومات کو تبدیل کرنا ، یہ خدمات 'Darb' پلیٹ فارم کی ویب سائٹ اور Darb ایپلی کیشن پر دستیاب ہیں۔

(جاری ہے)

آئی ٹی سی نے روشنی ڈالی ہے کہ اجازت نامہ درخواست جمع کرانے اور سروس فیس ادا کرنے کے فوراً بعد کسی زیر التواء جرمانے کی عدم موجودگی میں جاری کیا جائے گا ، موجودہ جرمانے کی صورت میں صارفین کو فوری طور پر اجازت نامہ حاصل کرنے کے لیے اسی کے ساتھ ساتھ سروس فیس بھی ادا کرنی ہوگی ، اس کے بعد صارف کو فوری طور پر کامیاب رہائشیوں کی پارکنگ پرمٹ کی درخواست کے بارے میں مطلع کیا جائے گا اور اس کے مطابق سسٹم کو اپ ڈیٹ کیا جائے گا۔

بتایا گیا ہے کہ آئی ٹی سی سپورٹ ٹیم اجازت نامے کے اجراء کی تاریخ سے 14 دنوں کے اندر درخواست کی معلومات کا جائزہ لینے پر بھی کام کرے گی ، ITC نے "Darb" پلیٹ فارم کے ذریعے انفرادی یا کمپنی کی گاڑیوں کے بارے میں پوچھ گچھ کرنے اور مواقف جرمانے ادا کرنے کا اختیار بھی فراہم کیا ہے ، جو صارفین کو ایک آسان قدم میں جرمانے ادا کرنے کی اجازت دیتا ہے اور اگر جرمانہ جاری ہونے کے 30 دنوں کے اندر ادا کیا جائے تو جرمانے کی کل رقم کا 25 فیصد ڈسکاؤنٹ بھی ملے گا ، سروس فیس اور جرمانے کے بارے میں مزید معلومات سمارٹ ڈارب ایپلی کیشن اور ڈارب پلیٹ فارم کی ویب سائٹ پر دستیاب ہیں۔