ابوظہبی میں گاڑی چلانے والوں کو بھاری جرمانے سے خبردار کردیا گیا

ابوظہبی ( اُردو پوائنٹ تازہ ترین اخبار ۔ 28 فروری 2022ء ) متحدہ عرب امارات کے دارالحکومت ابوظہبی میں گاڑی چلاتے ہوئے اوورٹیکنگ کرنے والوں کیلئے سخت وارننگ جاری کی گئی ہے کہ لین ڈسپلن کی خلاف ورزی کرنے والے ڈرائیورز پر 600 درہم تک جرمانہ عائد کیا جائے گا ۔ مقامی میڈیا کے مطابق ابوظہبی پولیس نے خبردار کیا ہے کہ لین ڈسپلن کی خلاف ورزی کرنے والے ڈرائیونگ کے طرز عمل پر گاڑی چلانے والوں پر 600 درہم تک جرمانہ عائد کیا جائے گا ، خاص طور پر ٹریفک لین کے اندر نہ رہنے ، پیچھے سے آنے والی گاڑیوں کو راستہ نہ دینے اور اوور ٹیکنگ کے مقصد سے بائیں طرف سے آنے والی گاڑیوں کو راستہ نہ دینے پر گاڑی چلانے والوں پر 400 درہم جرمانہ عائد کیا جائے گا ۔

اس کے علاوہ دائیں طرف سے دوسری گاڑیوں کو غیر قانونی طور پر اوور ٹیک کرتے ہوئے گاڑی چلانے والوں پر 600 درہم جرمانہ اور چھ ٹریفک بلیک پوائنٹس لگائے جائیں گے ۔

(جاری ہے)

ایک بیان میں ابوظہبی پولیس نے گاڑی چلانے والوں پر زور دیا کہ وہ ٹریفک کے ضوابط بشمول لین کے نظم و ضبط اور درست رفتار کو برقرار رکھیں ، چوراہے کو عبور کرتے وقت یا سڑک کو ملاتے یا باہر نکلتے وقت بھی لین کے نظم و ضبط کو برقرار رکھا جانا چاہیے اور اس میں ٹھوس لین لائنوں کے اندر رہنا بھی شامل ہے ۔

ابوظہبی پولیس ٹریفک اینڈ پیٹرولز ڈائریکٹوریٹ کے ڈائریکٹر بریگیڈیئر محمد الحمیری نے کہا کہ پولیس اس وقت گاڑی چلانے والوں کی عام ڈرائیونگ خلاف ورزیوں کے بارے میں آگاہی بڑھانے کے لیے ایک مہم چلا رہی ہے ، کیوں کہ یہ سڑک کی حفاظت کو نقصان پہنچاتے ہیں اور حادثات کو فروغ دیتے ہیں ، مہم سوشل میڈیا پلیٹ فارمز کے ذریعے متعدد زبانوں میں ڈرائیوروں تک پہنچ رہی ہے جس کا مقصد ٹریفک سیفٹی کے کلچر کو فروغ دینا ہے ۔

بیان میں مزید کہا گیا ہے کہ پولیس کسی بھی خلاف ورزی پر کڑی نظر رکھے گی اور اپنے سوشل میڈیا پلیٹ فارمز پر پوسٹس اور کلپس کے ذریعے بیداری پیدا کرے گی ، اس ضمن میں پولیس نے گاڑی چلانے والوں پر زور دیا کہ وہ لین کے نظم و ضبط کی درج ذیل خلاف ورزیوں سے گریز کریں؛