ورلڈ کپ 2019ء، آئی سی سی کا دونوں سیمی فائنلز کیلئے میچ آفیشلز کا اعلان،

علیم ڈار آسٹریلیا اور انگلینڈ کے درمیان میچ میں بطور فورتھ ایمپائر فرائض انجام دیں گے

اتوار 7 جولائی 2019 21:30

ورلڈ کپ 2019ء، آئی سی سی کا دونوں سیمی فائنلز کیلئے میچ آفیشلز کا اعلان،

دبئی۔ (اُردو پوائنٹ اخبارتازہ ترین - اے پی پی۔ 07 جولائی2019ء) انٹرنیشنل کرکٹ کونسل (آئی سی سی) نے انگلینڈ میں جاری ورلڈ کپ کرکٹ ٹورنامنٹ کے دونوں سیمی فائنلز کیلئے میچ آفیشلز کا اعلان کر دیا، پاکستان علیم ڈار آسٹریلیا اور انگلینڈ کے درمیان شیڈول دوسرے سیمی فائنل میں بطور فورتھ ایمپائر فرائض انجام دیں گے۔ انگلینڈ میں رواں ورلڈ کپ ٹورنامنٹ اختتامی مراحل کی طرف گامزن ہے اور چار ٹیموں دفاعی چیمپئن آسٹریلیا، انگلینڈ، نیوزی لینڈ اور بھارت نے سیمی فائنل میں جگہ بنا رکھی ہے۔

آئی سی سی نے دونوں سیمی فائنلز کیلئے میچ آفیشلز کااعلان کر دیا، پہلا سیمی 9 جولائی کو بھارت اور نیوزی لینڈ کے درمیان کھیلا جائے گا جس میں رچرڈ ایلنگ ورتھ اوررچرڈ کیٹل بورو فیلڈ ایمپائرنگ کے فرائض انجام دیں گے جب کہ آسٹریلیا کے روڈ ٹکر تھرڈ ایمپائر اور نیجل فور تھ ایمپائر اور ڈیوڈ بون میچ ریفری ہوں گے۔

(جاری ہے)

11 جولائی کو آسٹریلیا اور انگلینڈ کے درمیان ہونے والے سیمی فائنل میں سری لنکا کے کمار دھرما سینا اور جنوبی افریقہ کے ماریس ایراس مس آن فیلڈ ایمپائرنگ کی ذمہ داری نبھائیں گے، نیوزی لینڈ کے کرس گیفینی تھرڈ اور علیم ڈار فورتھ ایمپائر کے فرائض انجام دیں گے، سری لنکا کے راجن میچ ریفری ہوں گے۔

ورلڈ کپ کا فائنل 14 جولائی کو کھیلا جائے گا جس کیلئے آفیشلز کا اعلان بعد میں کیا جائے گا۔