دبئی میں صحافیوں کے اعزاز میں شاندار افطار ڈنر کا اہتمام

اعجاز احمد گوندل منگل 18 مارچ 2025 04:15

دبئی(اُردو پوائنٹ اخبارتازہ ترین۔ 18 مارچ 2025ء) سپر فکس گروپ اور سپر فکس کرکٹ ٹورنامنٹ کے روحِ رواں نوید احمد اور میڈیا ڈائریکٹر ارشد انجم کی جانب سے دبئی میں مقیم صحافیوں کے اعزاز میں افطار ڈنر کا اہتمام کیا گیا۔ اس موقع پر سینئر اور نامور صحافیوں کی بڑی تعداد نے شرکت کی، جس نے تقریب کو یادگار بنا دیا۔ افطار کے بعد سینئر صحافی سبط عارف کے والد مرحوم کے ایصالِ ثواب کے لیے دعا بھی کی گئی۔

جب صحافی اکٹھے ہوں تو سیاست اور صحافت پر گفتگو لازمی ہوتی ہے۔

(جاری ہے)

تقریب میں موجود صحافیوں نے کہا کہ "جب آپ ہار جائیں تو دلیر بنیں، جب آپ جیت جائیں تو پرسکون رہیں۔ چہرہ بدلنے سے کچھ نہیں بدلتا، لیکن تبدیلی کا سامنا کرنا سب کچھ بدل سکتا ہے۔" تقریب میں نوجوان نسل کے کردار پر بھی بات ہوئی، اور اس بات پر زور دیا گیا کہ "اب نوجوانوں کو آگے بڑھنا چاہیے، اسی میں کامیابی ہے۔ جب کوئی کمٹمنٹ کر لی جائے تو اس پر قائم رہنا ضروری ہے۔" افطار کے بعد گروپ فوٹو کا سیشن بھی ہوا، جس میں تمام شرکاء نے یادگار لمحات کو قید کیا۔ آخر میں تمام مہمانوں نے نوید احمد اور ارشد انجم کا شاندار تقریب کے انعقاد پر شکریہ ادا کیا۔