شارجہ کی بلند و بالا رہائشی عمارت میں آگ بھڑک اٹھی

شارجہ کے علاقے ال نہد کی رہاشی عمارت میں آگ لگنے کے بعد فائر برگیڈ کا عملہ آگ بھجانے میں مصروف

عثمان خادم کمبوہ بدھ 6 مئی 2020 00:08

شارجہ (اردوپوائنٹ اخبار تازہ ترین۔06مئی 2020ء) : شارجہ کی بلند و بالا رہائشی عمارت میں آگ بھڑک اٹھی ہے۔ تفصیلات کے مطابق شارجہ کے علاقے ال نہد کی ایک بلند رہاشی عمارت میں آگ بھڑک اٹھی۔ پولیس کو آگ لگنے سے متعلق اطلاع ملی جس کے بعد آگ بجھانے والا عملہ عمارت کی جانب روانہ کردیا گیا جہاں اب فائر برگیڈ کا عملہ آگ بھجانے میں مصروف ہے۔

آگ لگنے کے بعد اردگرد موجود تمام عمارتوں کو خالی کروا لیا گیا ہے۔

ابھی آگ لگنے وجہ معلوم نہیں ہوسکی ہے اور نہ ہی کسی جانی نقصان کے بارے میں بتایا گیا ہے۔ سول ڈیفنس حکام کے مطابق 48منزلہ آبکو ٹاور میں آگ لگنے کے حوالے سے شام 9بجے کے قریب اطلاعات ملی تھیں جس کے بعد آگ بھجوانے والی گاڑیاں اور عملہ وہاں بھیجا گیا اور وہاں موجود 5عمارتوں کو بھی خالی کروالیا گیا۔

(جاری ہے)

جلتی ہوئی عمارت سے ملبے کے گرنے سے کئی کاریں کو بھی نقصان پہنچا ہے۔

ال نہد میں رہائشی عمارت میں آگ بڑھک اٹھی

غیرملکی خبررساں ادارے کے مطابق آگ ال نہد میں تاج بنگلور ریسٹوران کے قریب موجود عمارت میں آگ لگی۔ ابھی تک اس حوالے سے کوئی خبر سامنے نہیں آئی ہے کہ عمارت میں پاکستانی رہائش پزیر تھے یا نہیں، اس حوالے سے سفارت خانے کی جانب سے موقف کا انتظار کیا جارہا ہے۔