- Home
- Islam
- Prayer Timings
- Ramadan
- Quran Kareem
- Hadith
- Hajj/Umrah
- Muslim Calandar
- Islamic Info
-
Naats
- Famous Naat Khawan
- Atif Aslam Naats
- Junaid Jamshed Naats
- Amir Liaquat Hussain Naats
- Abdul Rauf Rufi Naats
- Siddique Ismail Naats
- Yousaf Memon Naats
- Shehbaz Qamar Fareedi Naats
- Amjad Sabri Naats
- Khursheed Ahmed Naats
- Marghoob Hamdani Naats
- Waheed Zafar Qasmi Naats
- Owais Raza Qadri Naats
- Fasih Ud Din Soherwardi Naats
- Sami Yusuf Naats
- Listen Urdu Naats
- Arabic Naats MP3
- 12 Rabi-ul-Awal Naats MP3
- More
Lawatat - Aik Kabeera Gunah - Article No. 3525
لواطت ۔ ایک کبیرہ گناہ - تحریر نمبر 3525
لواطت کا معنی ہے لڑکوں کے ساتھ بدفعلی کرنا،سب سے پہلے یہ بے شرمی کا کام حضرت لوط علیہ السلام کی قوم نے کیا
ابو حمزہ محمد عمران مدنی منگل 8 دسمبر 2020
لواطت کا معنی ہے لڑکوں کے ساتھ بدفعلی کرنا،سب سے پہلے یہ بے شرمی کا کام حضرت لوط علیہ السلام کی قوم نے کیا ،اللہ ربّ العالمین نے قرآن پاک میں کئی مقامات پر حضرت سیّدنا لوط علی نبینا وعلیہ الصلوۃ والسلام کی قوم کایہ قصّہ ہمارے لیے بیان فرمایا کہ اللہ تعالیٰ نے اُنہیں اُن کے اس ناپاک فعل کے سبب انہیں ہلاک فرمادیا۔مسلمانوں کا اور دیگر تمام مِلّتوں کا اس پر اتفاق ہے کہ لڑکوں کے ساتھ بدفعلی کرنا کبیرہ گُناہ ہے۔
لواطت کی مذمّت قرآن کی روشنی میں
وَلُوۡطًا اِذْ قَالَ لِقَوْمِہٖۤ اَتَاۡتُوۡنَ الْفٰحِشَۃَ مَا سَبَقَکُمۡ بِہَا مِنْ اَحَدٍ مِّنَ الْعٰلَمِیۡنَ اِنَّکُمْ لَتَاۡتُوۡنَ الرِّجَالَ شَہۡوَۃً مِّنۡ دُوۡنِ النِّسَآءِ بَلْ اَنۡتُمْ قَوْمٌ مُّسْرِفُوۡنَ (الاعراف :81.80/7)
ترجمہ کنزالایمان: اور لوط کو بھیجا جب اس نے اپنی قوم سے کہا:کیا وہ بے حیائی کرتے ہو جو تم سے پہلے جہان میں کسی نے نہ کی۔
(جاری ہے)
(اَتَاْتُوْنَ الذُّکْرَانَ مِنَ الْعٰلَمِیْنَ وَ تَذَرُونَ مَا خَلَقَ لَکُمْ رَبُّکُمْ مِّنْ اَزْوَاجِکُم بَلْ اَنتُمْ قَوْمٌ عَادُونَ)
ترجمہ کنزالایمان: کیا مخلوق میں مَردوں سے بدفعلی کرتے ہو، اور چھوڑتے ہو وہ جو تمہارے لیے تمہارے ربّ نے جو روئیں بنائیں بلکہ تم لوگ حد سے بڑھنے والے ہو۔
وَ لُوۡطًا اٰتَیۡنٰہُ حُکْمًا وَّ عِلْمًا وَّ نَجَّیۡنٰہُ مِنَ الْقَرْیَۃِ الَّتِیۡ کَانَتۡ تَّعْمَلُ الْخَبٰٓئِثَ اِنَّہُمْ کَانُوۡا قَوْمَ سَوْءٍ فٰسِقِیۡنَ (الانبیاء:74/21)
اور لوط کو ہم نے حکومت اور علم دیا اور اسے اس بستی سے نجات بخشی جو گندے کام کرتی تھی۔ بیشک وہ بُرے لوگ تھےنافرمان تھے۔
لواطت ایسا کام ہے جو مردوں کی اس اصل فطرت کے برعکس ہے جس پراللہ تعالی نے انہیں پیدا فرمایا ہے ،لواطت پر قدرت دینے والوں نے اپنی اس طبعیت کوبھی بدل دیا جواللہ تعالی نے مردوں میں رکھی ہے انہوں نے اللہ تعالی کے بنائے فطری قانون کی خلاف ورزی کی، ہم جنس پرستی جیسا گناہِ عظیم کیا ، سارا معاملہ الٹ پلٹ کردیاتواللہ تعالی نے انہیں ان کے اس عملِ معکوس کی سزا یوں دی کہ ان پر اُن کے گھروں کوالٹ دیا اوران کی بستی کے نچلے حصہ کواوپری حصّہ کردیا اورعذاب میں انہیں سرکے بل گرا دیا ۔
فَلَمَّا جَآءَ اَمْرُنَا جَعَلْنَا عٰلِیَہَا سَافِلَہَا وَ اَمْطَرْنَا عَلَیۡہَا حِجَارَۃً مِّنۡ سِجِّیۡلٍ مَّنۡضُوۡدٍ مُّسَوَّمَۃً عِنۡدَ رَبِّکَ وَمَا ہِیَ مِنَ الظّٰلِمِیۡنَ بِبَعِیۡدٍ )ھود:83/11)
پھر جب ہمارا حکم آیا ہم نے اس بستی کے اوپر کو اس کا نیچا کردیا اور اس پرکنکر کے پتھر لگاتار برسائے جو نشان کئے ہوئے تیرے رب کے پاس ہیں اور وہ پتھر کچھ ظالموں سے دور نہیں ۔
لواطت کی مذمّت احادیث کی روشنی میں
نبی پاک ﷺ نے ارشاد فرمایا:”فعلِ لواطت کے فاعل اور مفعول دونوں کو قتل کردو۔
نبی پاک ﷺنے ارشاد فرمایا:”جو قومِ لوط کا سا عمل کرے اس پر اللہ کی لعنت ہے“۔ اس حدیث پاک کی سند حسن ہے۔
نبی پاک ﷺ نے ارشاد فرمایا: عورتوں کو آپس میں شرمگاہیں رگڑنا،اُن کا باہمی زنا ہے۔
لواطت کی سزا:حضرت ابن عباس رضی اللہ تعالیٰ عنہما فرماتے ہیں: بستی کی سب سے بلند عمارت دیکھی جائے،پھر لوطی کو اس کے اوپر سے گرا کر، اُس پر پتھر برسائے جائیں۔
امام شافعی علیہ رحمۃ اللہ الکافی کا مذہب یہ ہے کہ زنا، اور لواطت دونوں کی حدّ یکساں ہے۔اور احناف کا نظریہ بیان کرتے ہوئے صدر الافاضل علیہ الرحمۃ اپنے تفسیری حاشیہ میں سورۂ نورکی آیت نمبر۲:(الزَّانِیَۃُ وَالزَّانِی)الخ کے تحت فرماتے ہیں:لواطت،زنا میں داخل نہیں، لہٰذا اس فعل سے حدّ واجب نہیں ہوتی،لیکن تعزیر واجب ہوتی ہے۔
صدرالشریعہ،بدرالطریقہ مفتی امجد علی اعظمی اغلام کی تعزیر کو بیان کرتے ہوئے فرماتے ہیں:اغلام، یعنی: پیچھے کے مقام میں وطی(جماع) کی، تو اُس کی سز ا یہ ہے کہ اُس کے اوپر دیوار گرادیں، یا اونچی جگہ سے اُسے ا وندھا گرائیں، اور اُس پر پتھر برسائیں،یا اُسے قید میں رکھیں، یہاں تک کہ وہ مرجائے، یا توبہ کرے، چند بار ایسا کیا ہو، تو بادشاہِ اسلام اُسے قتل کرڈالے۔ الغرض یہ فعل نہایت خبیث ہے، بلکہ زنا سے بھی بدتر ہے، ا سی وجہ سے (عند الأحناف) اِس میں حدّ نہیں کہ بعضوں کے نزدیک حدّ قائم کرنے سے اُس گُناہ سے پاک ہوجاتا ہے۔ اور یہ اتنا بُرا ہے کہ جب تک توبہ خالصہ نہ ہو، اُس میں پاکی نہ ہوگی، اور اِغلام کو حلال جاننے والا کافر ہے، یہی مذہب جمہور (مسلمانوں کا )ہے۔
لواطت کے بعض طبّی نقصانات :1 ایڈز ، 2 - :جگرکی بیماریاں ،3 :بواسیر۔4 :مرض سیلان ۔5 :جرثومی میلان کی جلن ۔6 :ٹائیفائڈ ۔7 :ایمیاء کا مرض ۔8 :انتڑیوں میں کیڑے پڑنا ۔9 :خارش ( چنبل کا مرض)10 :مردانہ کمزوری ۔
Browse More Islamic Articles In Urdu
ام المومنین حضرت ام حبیبہ بنت ابو سفیان رضی اللہ عنہا
ummul momineen hazrat umm habiba bint abu sufyan RA
ولادت باسعادت مدینہ علم کا دروازہ۔مولا علی رضی اللہ عنہ
Wiladat Basadat Madina Ilam Ka Darwaza - Maula Ali RA
اسلام کا تیسرا اہم رکن زکوٰة
Islam Ka Teesra Ehem Rukan Zakat
شب قدر۔ فضائل مسائل
Shab e Qadar - Fazail Masail
رمضان کا عشرہ مغفرت !
Ramzan Ka Ashra Maghfirat
جابر ابن حیان
Jabir ibn Hayyan
شب برات کی عظمت وفضیلت
Shab e Barat Ki Azmat O Fazeelat
شعبان المعظم استقبال رمضان کا مہینہ
Shaban Al Muazzam
حضرت فاطمہ رضی اللہ عنہ کی شادی
Hazrat Fatima RA Ki Shaadi
زکوۃ ادا نہ کرنے کا گناہ
Zakat Ada Naa Karne Ka Gunah
سورۂ اخلاص کا اجر وثواب
Sorah Ikhlas ka Ajar o Sawab
میرے آقا ﷺ کا جانثار ساتھی ابوبکر صدیق رضی اللہ عنہ
Meere Aaqa SAW Ka Jan Nisar Saathi