- Home
- Islam
- Prayer Timings
- Ramadan
- Quran Kareem
- Hadith
- Hajj/Umrah
- Muslim Calandar
- Islamic Info
-
Naats
- Famous Naat Khawan
- Atif Aslam Naats
- Junaid Jamshed Naats
- Amir Liaquat Hussain Naats
- Abdul Rauf Rufi Naats
- Siddique Ismail Naats
- Yousaf Memon Naats
- Shehbaz Qamar Fareedi Naats
- Amjad Sabri Naats
- Khursheed Ahmed Naats
- Marghoob Hamdani Naats
- Waheed Zafar Qasmi Naats
- Owais Raza Qadri Naats
- Fasih Ud Din Soherwardi Naats
- Sami Yusuf Naats
- Listen Urdu Naats
- Arabic Naats MP3
- 12 Rabi-ul-Awal Naats MP3
- More
Shariat Ki Nazar Mein Ghar Mein Kutta Paalna Kaisa Hai - Article No. 2788
شریعت کی نظر میں گھر میں کتا پالنا کیسا ہے؟ جانئے - تحریر نمبر 2788
اگر چہ غیر مسلم اقوام میں کتے کو بہت اہمیت حاصل ہے حتیٰ کہ وہ گھر کے ایک فرد کی حیثیت اختیار کرگیا ہے اور ان کے ہاں یہ محاورہ بن گیا ہے کہ اگر
بدھ 12 دسمبر 2018
مُبشّر احمد رَ بّاَنی
اگر چہ غیر مسلم اقوام میں کتے کو بہت اہمیت حاصل ہے حتیٰ کہ وہ گھر کے ایک فرد کی حیثیت اختیار کرگیا ہے اور ان کے ہاں یہ محاورہ بن گیا ہے کہ اگر تمہیں مجھ سے محبت ہے تو میرے کتے سے بھی محبت کرنا ہو گی۔یہاں تک کہ اب یہ محبت بڑھ کر غلط مراحل میں داخل ہو چکی ہے ۔اسلام میں کتا ایک ناپسند یدہ ،جانور ہے اسے گھر میں رکھنے سے رحمت کے فرشتے گھر میں داخل نہیں ہوتے:
”ابو طلحہ راوی ہیں کہ رسول اللہ صلی اللہ علیہ وسلم نے فرمایا(رحمت کے)فرشتے اس گھر میں داخل نہیں ہوتے جس میں کتا ہویا تصویریں ہوں “
ایک دفعہ وعدہ باوجود جبریل علیہ السلام گھر میں نہیں آئے ۔
(جاری ہے)
2)اگر کتاکسی برتن میں مُنہ ڈال دے تو اس کا پانی گرادینے اور اسے سات دفعہ دھونے کا حکم ہے:
”ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا:جب تم میں سے کسی شخص کے برتن میں کتامُنہ ڈال جائے تو اسے پاک کرنے کا طریقہ یہ ہے کہ اسے سات مرتبہ دھوئے جن میں سے پہلی مرتبہ مٹی کے ساتھ ہو۔
3)خالص سیاہ رنگ کا کتا نمازی کے آگے سے گزر جائے تو نماز ٹوٹ جاتی ہے اگر اس کے سامنے سترہ نہ ہو اور اس کی وجہ یہ بیان فرمائی کہ:
”سیاہ کتا شیطان ہے“۔
4)خالص سیاہ کتے کو قتل کرنے کا حکم دیا گیا ہے :
”عبداللہ بن مغفل راوی ہیں کہ نبی صلی اللہ علیہ وسلم نے فرمایا اگر یہ بات نہ ہوتی کہ کتے امتوں میں سے ایک اُمت ہیں تو میں تمام کتے مارڈالنے کا حکم دے دیتا تو تم ان میں سے خالص سیاہ کو ماردو“
5)اسی طرح دو نقطوں والے سیاہ کتے کو بھی مارنے کا حکم دیا:
”جابر رضی اللہ عنہ کہتے ہیں رسول اللہ صلی اللہ علیہ وسلم نے ہمیں کتے مارڈالنے کا حکم دیا یہاں تک کہ بادیہ سے کوئی عورت اپنا کتا لے کر آتی تو ہم اسے مارڈالتے ۔پھر رسول اللہ نے انہیں قتل کرنے سے منع فرما دیا اور فرمایا تم دو نقطوں والے کالے سیاہ کتے کو مارو کیونکہ وہ شیطان ہے (دو نقطوں سے مراد ہے جس کی آنکھوں کے اوپر نقطے ہوں )“۔
6)اللہ تعالیٰ کی آیات کا عِلم حاصل ہونے کے بعد خواہشاتِ نفس کی پیروی کی وجہ سے ان سے نکل جانے والے کی مثال کتے کے ساتھ دی گئی ہے
بدترین انسان یعنی بُرے عالم کی مثال کتے کے ساتھ دینے سے اس کی خست (ذلت)واضح ہے۔
7)اپنے ہبہ کو واپس لینے والے کی مثال کتے کے ساتھ دی گئی۔رسول اللہ صلی اللہ علیہ وسلم نے فرمایا:
”بری مثال ہمارے لیے نہیں ہے جو شخص اپنا ہبہ واپس لیتا ہے ‘وہ کتے کی طرح ہے جو اپنی قے دوبارہ چاٹ لیتا ہے “
اس سے معلوم ہوا کہ جولوگ اپنے آپ کو کتا قراردیتے ہیں خواہ وہ شیخ جیلانی کے کتے بنیں یا مدینہ کے کتے (سگ مدینہ)یا رسول اللہ صلی اللہ علیہ وسلم کے کتے ‘انہوں نے رسول اللہ صلی اللہ علیہ وسلم کی اس جانور کے ساتھ نفرت کو ملحوظ نہیں رکھا۔اس چیز کے ساتھ خود کو تشبیہ دینا کیسے درست ہو سکتا ہے جس سے نبی صلی اللہ علیہ وسلم سخت نفرت رکھتے ہوں ۔
﴿آپ کے مسائل اور اُن کا جلد نمبر 1﴾
﴿مُبشّر احمد رَبّاَنی﴾
Browse More Islamic Articles In Urdu
جدائی کا صدمہ
Judai Ka Sadma
ولادت باسعادت مدینہ علم کا دروازہ۔مولا علی رضی اللہ عنہ
Wiladat Basadat Madina Ilam Ka Darwaza - Maula Ali RA
شب قدر۔ فضائل مسائل
Shab e Qadar - Fazail Masail
رمضان کا عشرہ مغفرت !
Ramzan Ka Ashra Maghfirat
جابر ابن حیان آخری قسط
Jabir Ibn Hayyan Aakhri Qist
جابر ابن حیان قسط 2
Jabir ibn Hayyan Qist 2
شب برات کی عظمت وفضیلت
Shab e Barat Ki Azmat O Fazeelat
شعبان المعظم استقبال رمضان کا مہینہ
Shaban Al Muazzam
رسول اللہ ﷺ کے سردی سے متعلق عظیم معجزات
Rasool Ullah SAW K Sardi Se Mutaliq Azeem mojzaat
سردی اور روزہ
Sardi or Roza
حضور علیہ الصلوٰة والسلام کے معجزات
Hazoor SAW k mojzat
جامی
Jaami