- Home
- Islam
- Prayer Timings
- Ramadan
- Quran Kareem
- Hadith
- Hajj/Umrah
- Muslim Calandar
- Islamic Info
-
Naats
- Famous Naat Khawan
- Atif Aslam Naats
- Junaid Jamshed Naats
- Amir Liaquat Hussain Naats
- Abdul Rauf Rufi Naats
- Siddique Ismail Naats
- Yousaf Memon Naats
- Shehbaz Qamar Fareedi Naats
- Amjad Sabri Naats
- Khursheed Ahmed Naats
- Marghoob Hamdani Naats
- Waheed Zafar Qasmi Naats
- Owais Raza Qadri Naats
- Fasih Ud Din Soherwardi Naats
- Sami Yusuf Naats
- Listen Urdu Naats
- Arabic Naats MP3
- 12 Rabi-ul-Awal Naats MP3
- More
Hazrat Abu Huraira RA K Waqiye Per Muskurana - Article No. 3252
حضرت ابو ہریرہ رضی اللہ عنہ کے واقعے پر مسکرانا - تحریر نمبر 3252
حضرت ابو ہریرہ رضی اللہ عنہ روایت کرتے ہیں کہ اللہ کی قسم!میری بھوک کا یہ حال ہوتا کہ میں اپنا کلیجہ زمین پر ٹیک کر لیٹ جاتا تھا اور کبھی پیٹ پر پتھر باندھ لیتا تھا۔
جمعہ 11 اکتوبر 2019
پروفیسر مولانا محمد رفیق
حضرت ابو ہریرہ رضی اللہ عنہ روایت کرتے ہیں کہ اللہ کی قسم!میری بھوک کا یہ حال ہوتا کہ میں اپنا کلیجہ زمین پر ٹیک کر لیٹ جاتا تھا اور کبھی پیٹ پر پتھر باندھ لیتا تھا۔
ایک دفعہ میں راستے میں بیٹھ گیا۔وہاں پر حضرت ابو بکر رضی اللہ عنہ کا گزر ہوا۔میں نے اُسے قرآن کی ایک آیت کے بارے میں سوال کیا۔
(جاری ہے)
میں نے وہاں دودھ کا ایک پیالہ دیکھا۔آپ صلی اللہ علیہ وسلم نے گھر والوں سے پوچھا:یہ دودھ تمہارے پاس کہاں سے آیا۔
اُنہوں نے بتایا کہ فلاں گھر والوں نے ہدیہ بھیجا۔آپ صلی اللہ علیہ وسلم نے فرمایا:اے ابو ہریرہ !میں نے کہا:لبیک یارسول اللہ صلی اللہ علیہ وسلم!آپ صلی اللہ علیہ وسلم نے فرمایا کہ اہل صفہ کو بلا لاؤ۔
حضرت ابو ہریرہ رضی اللہ عنہ کہتے ہیں کہ اہل صفہ سب کے مہمان تھے۔ان کا کوئی گھر نہ تھا اور نہ وہ مالدار تھے ۔نبی صلی اللہ علیہ وسلم کے
پاس جب کوئی ہدیہ آتا تو آپ صلی اللہ علیہ وسلم اس میں سے کچھ لے لیتے اور جو باقی بچتا وہ ان حضرات کے پاس بھیج دیتے تھے۔اگر صدقے کا مال ہوتا تو وہ سارے کا سارا
اہل صفہ کو بھیجتے (کیونکہ صدقہ آپ صلی اللہ علیہ وسلم کے لیے حلال نہ تھا۔)
حضرت ابو ہریرہ رضی اللہ عنہ بیان کرتے ہیں کہ نبی صلی اللہ علیہ وسلم کی اس بات سے کہ اہل صفہ کو بلالاؤ میں غمگین ہو گیا۔مجھے تویہ اُمید تھی کہ اس دودھ سے چند گھونٹ مجھے بھی مل جائیں گے اورمیری بھوک کچھ کم ہوجائے گی۔میں نے خیال کیا کہ میرے بلانے پر جب وہ سارے لوگ آجائیں گے تومیں ان کو دودھ پلاؤں گا ،خودمیرے لیے کچھ نہیں بچے گا۔لیکن اللہ کے رسول صلی اللہ علیہ وسلم کے فرما ن کی تعمیل ضروری تھی۔
چنانچہ میں جاکر اہل صفہ کو بلا لایا۔وہ آئے اور اجازت لے کر بیٹھ گئے۔پھر نبی صلی اللہ علیہ وسلم نے فرمایا:
اے ابو ہریرہ!ان کو دودھ پلاؤ!
میں نے دودھ کا پیالہ اُٹھایا اور ان سب کو پلانا شروع کیا۔ہر آدمی نے خوب سیر ہو کر پیا۔جب میں ان سب کو پلا کر فارغ ہوا تو وہ پیالہ میں نے نبی صلی اللہ علیہ وسلم کو پیش کر دیا اور اس پیالے میں بھی کچھ دودھ باقی تھا۔
آپ صلی اللہ علیہ وسلم نے سرمبارک اُٹھایا۔میری طرف دیکھا اور مسکرادیے۔پھر فرمایا:اے ابوہریرہ !میں نے عرض کیا:لبیک یا رسول صلی اللہ علیہ وسلم !آپ صلی اللہ علیہ وسلم نے فرمایا:بیٹھ جاؤ اور یہ دودھ کا پیالہ پیو۔میں بیٹھ گیا اورمیں نے وہ دودھ پیا۔آپ صلی اللہ علیہ وسلم نے دوبارہ فرمایا کہ پیو۔میں نے پھر پیا۔آپ صلی اللہ علیہ
وسلم نے بار بار فرمایا کہ پیو۔میں ہر بار پتیا رہا۔آخرمیں نے کہہ دیا یا رسول اللہ صلی اللہ علیہ وسلم !قسم ہے اس ذات کی جس نے آپ صلی اللہ علیہ وسلم کو حق دے کر بھیجا ہے کہ میں اب اور نہیں پی سکتا۔
پھر آپ صلی اللہ علیہ وسلم نے فرمایا:اچھا ،لاؤ یہ پیالہ مجھے دے دو۔میں نے وہ پیالہ آپ صلی اللہ علیہ وسلم کو دے دیا۔آپ صلی اللہ علیہ وسلم نے وہ بچا ہوا دودھ نوش فرمایا۔
Browse More Islamic Articles In Urdu
حضرت فاطمہ رضی اللہ عنہ کی شادی
Hazrat Fatima RA Ki Shaadi
میرے آقا ﷺ کا جانثار ساتھی ابوبکر صدیق رضی اللہ عنہ
Meere Aaqa SAW Ka Jan Nisar Saathi
حضرت ابوبکر صدیق رضی اللہ تعالیٰ عنہ کے سبق آموز اقوال
Hazrat Abu Bakar Siddique RA K Sabaq Amooz Aqwal
صفرکامہینہ اور توہمات
Safar Ka Mahina Or Tohmaat
محرم الحرام اور عاشورہ کی فضیلت اور تاریخی پس منظر
Moharram Ul Haram Or Ashura Ki Fazeelat
سکھائے کس نے اسماعیل کو آداب فرزندی
Sikhaye Kis Ne Ismail Ko Adaab e Farzandi
پیکر تسلیم و رضا سیّدنا ابراہیم علیہ السلام
Pekar Tasleem o Raza Syedna Ibrahim AS
حضرت سعد بن ربیع رضی اللہ تعالی عنہ
Hazrat Saad Bin Rabi RA
شوال کے روزے چھے اور ثواب پورے سال کا
Shawal K Roze 6
معجزہ شق القمر
Mojza shaq ul qamar
سیدنا امام محمد بن سیرین رضی اللہ عنہ
syedna imam Muhammad bin Sirin razi Allah anho
شب قدر کی فضیلت
Shab e Qadar Ki Fazeelat