Dawa Number Ikees - Article No. 2375
دوا نمبر اکیس - تحریر نمبر 2375
ایک دن راحیل نے سنا کہ ایک نیا کلینک کھلا ہے اور ڈاکٹر کے پاس ہر قسم کی بیماری کا علاج ہے وہ بھی صرف تین سو روپے میں۔اگر علاج نہ ہو تو ایک ہزار روپے لے جائیں
بدھ 19 اکتوبر 2022
ایک دن راحیل نے سنا کہ ایک نیا کلینک کھلا ہے اور ڈاکٹر کے پاس ہر قسم کی بیماری کا علاج ہے وہ بھی صرف تین سو روپے میں۔اگر علاج نہ ہو تو ایک ہزار روپے لے جائیں۔
راحیل یہ سن کر خوشی سے پھولا نہ سمایا۔اسے شرارت سوجی۔اگلے ہی دن وہ ڈاکٹر کے پاس گیا اور کہا:”ڈاکٹر صاحب!مجھے کسی چیز کا ذائقہ محسوس نہیں ہوتا۔“
ڈاکٹر نے نرس سے کہا:”دوا نمبر 21 لے کر آؤ۔“ڈاکٹر نے ایک چمچہ دوا راحیل کو پلا دی۔
راحیل بے اختیار چیخا:”ڈاکٹر صاحب!یہ تو پیٹرول ہے۔“
ڈاکٹر نے کہا:”ماشاء اللہ!آپ کی زبان کا ذائقہ واپس آگیا ہے۔تین سو روپے فیس دے دیجیے۔“راحیل کو مجبوراً پیسے دینے پڑے۔
اگلے دن راحیل نے ڈاکٹر سے کہا:”ڈاکٹر صاحب!میری یادداشت ختم ہو گئی ہے،مجھے کچھ یاد نہیں رہتا۔
(جاری ہے)
ڈاکٹر نے نرس سے کہا:”دوا نمبر 21 لے کر آؤ۔“
”نہیں ڈاکٹر صاحب نہیں۔“راحیل چیخا:”یہ تو پیٹرول ہے۔“
”مبارک ہو،آپ کی یادداشت واپس آگئی،لائیے میری فیس۔“اس بار بھی مجبوراً راحیل کو پیسے دینے پڑے۔
اگلے دن راحیل نظر کی کمزوری کا بہانہ لے کر گیا:”مجھے کوئی چیز صاف نظر نہیں آرہی ہے۔رنگوں کی پہچان بھی مشکل ہو گئی ہے۔“
ڈاکٹر نے کہا:”اس کا میرے پاس کوئی علاج نہیں۔“
راحیل نے کہا:”ڈاکٹر صاحب!اعلان کے مطابق ایک ہزار روپے عنایت کر دیجیے۔“ڈاکٹر صاحب نے راحیل کو ایک نوٹ پکڑا دیا۔
راحیل بولا:”ڈاکٹر صاحب!یہ تو پانچ سو روپے کا نوٹ ہے۔“
ڈاکٹر نے نوٹ واپس لیتے ہوئے کہا:”ماشاء اللہ!آپ کی نظر کی کمزوری بھی دور ہو گئی،فیس ادا کر دیجیے۔“
راحیل کو اس بار بھی بہت مجبور ہو کر پیسے دینے پڑے۔پھر وہ دوبارہ ڈاکٹر صاحب کے پاس نہیں گیا،کیونکہ وہ مزید تین سو روپے گنوانا نہیں چاہتا تھا۔
Browse More Funny Stories
پانچ چینی بھائیوں کی کہانی
5 Cheeni Bhaiyyon Ki Kahani
پیاز کی باتیں
Pyaz Ki Baatein
سائن بورڈ
Sign Board
لڑائی کا نتیجہ
Larai Ka Natija
ملا جی کے کارنامے
Mulla Gee Kay Karnamay
بیوقوف گدھا
Bewakoof Gadha
Urdu Jokes
جواب کی تلاش
jawab ki talash
ماں بیٹے سے
maa bete se
ایک بڑھیا
aik budiya
ایک چھوٹی لڑکی
aik choti larki
باپ بیٹے سے
Baap bete se
استاد شاگرد سے
Ustad Shagird se
Urdu Paheliyan
اک شے سب کی دیکھی بھالی
ek shay sab ki dekhi bhali
سورج کے جانے پر تین
sooraj ke jane per teen
وہ رہتی ہے گھر میں اکیلی کھڑی
wo rehti hai ghar me akeli khadi
گوری ہے یا کالی ہے
gori hai ya kali hai
چیز میں ہے اک بالکل بے جان
cheez me hai ek bilkul bejan
چھوڑا مت تم اس کا ہاتھ
chodo mat tum uska hath