Mister Ulat Palat - Article No. 2240
مسٹر اُلٹ پلٹ - تحریر نمبر 2240
ٹھیک ہے،ٹھیک ہے،جب اپنی مرضی کرنی تھی تو مجھ سے مشورہ مانگا ہی کیوں تھا؟تمہیں رکشے میں بٹھانا اور اونٹ کو سمجھانا ایک ہی بات ہے
ہفتہ 23 اپریل 2022
مسٹر اُلٹ پلٹ اپنے بھتیجے وقار کے گھر رہنے آئے ہوئے تھے۔ان کی اکثر باتیں اُلٹی ہوتی تھیں۔وقار آٹھویں کا طالب علم تھا۔مسٹر اُلٹ پلٹ کیا آئے،اس کا گھر کشت زعفران بن کر رہ گیا۔مسٹر اُلٹ پلٹ کی باتوں پر ہنسی روکنا مشکل ہو جاتی تھی۔مسٹر اُلٹ پلٹ البتہ تلملا کر رہ جاتے کہ ان کی باتوں کو کوئی ”سیریس“ ہی نہیں لیتا۔ایک روز انھوں نے وقار کو سوچوں میں گم دیکھا تو اس کے پاس چلے آئے:”کیا بات ہے بدخورار!“انھوں نے جلدی سے پوچھا۔
وقار چونکا:”کیا کہا بدخورار؟ہا ہا ہا چچا!برخوردار ہوتا ہے۔“وقار ہنستے ہوئے بولا۔
”وہی،ایک ہی بات ہے۔تم لوگ تو مذاق ہی بنا لیتے ہو؟“چچا خفگی سے بولے۔
”آپ کچھ فرما رہے تھے۔
(جاری ہے)
“وقار نے مسکراتے ہوئے یاد دلایا۔
”ہاں،ہاں۔یاد ہے ہمیں۔“مسٹر اُلٹ پلٹ نے اسے گھورا:”ہم پوچھ رہے تھے کہ بات کیا ہے،یوں سوچوں میں گم بیٹھے ہو؟“
”وہ چچا!میری سمجھ میں نہیں آ رہا ہے کہ کون سے مضمون کا انتخاب کروں،امی کہہ رہی ہیں کہ کمپیوٹر لو،ابو کا کہنا ہے حیاتیات کا مضمون لو،نویں میں کوئی ایک منتخب کرنا ہوتا ہے۔“وقار نے اپنی پریشانی بتا دی۔
”لو یہ کون سی مشکل بات ہے۔کمپیوٹر لو میاں کمپیوٹر۔بہت فائدے میں رہو گے۔“چچا فوراً بولے۔
”لیکن چچا․․․․․کمپیوٹر سے مجھے نیند آتی ہے۔“وقار منمنایا۔
”نیند آتی ہے؟ارے کیسے طالب علم ہو تم۔لڑکے تو کمپیوٹر ہی لیتے ہیں،ارے حیاتیات میں پودوں کا آپریشن کرکے کون سا گولڈ میڈل مل جائے گا۔“مسٹر اُلٹ پلٹ بھنا گئے۔
”لل․․․․․لیکن چچا!وہ دلچسپ مضمون ہے،کمپیوٹر کے بارے میں پڑھ پڑھ کر دماغ خراب کرنے سے تو بہت بہتر ہے۔“وقار نے تنک کر کہا۔
”ٹھیک ہے،ٹھیک ہے،جب اپنی مرضی کرنی تھی تو مجھ سے مشورہ مانگا ہی کیوں تھا؟تمہیں رکشے میں بٹھانا اور اونٹ کو سمجھانا ایک ہی بات ہے۔“مسٹر اُلٹ پلٹ بھنا کر کہتے ہوئے اُٹھے اور باہر نکل گئے۔جب کہ وقار ہنس ہنس کر لوٹ پوٹ ہوا جا رہا تھا۔
Browse More Funny Stories
بھیڑیا اور خرگوش
Bherya Or Khargosh
بیل اور گدھا
Bail Or Gadha
بغل میں بچہ
Baghal Mein Bacha
سائن بورڈ
Sign Board
چوہے نے کیا بس کا سفر
Chuhe Ne Kiya Bus Ka Safar
کار بے کار
Car Bekar
Urdu Jokes
کیوں؟
kyun?
ایک لڑکی اپنی سہیلی
Aik larki apni saheli
25 سال
25 Saal
ایک شخص
Aik shakhs
اقبال احمد سے
Iqbal ahmad se
پاگل خانے کی نرس
pagal khane ki nurse
Urdu Paheliyan
مت جانو کچھ ایسا ویسا
mat jano kuch aisa waisa
اک شے جب بھی ہاتھ میں آئے
ek shay jab bhi hath me aye
اک برتن دیکھا ہے نرالا
ek bartan dekhna hai nirala
نیچے سے جب اوپر جائے
neechy se jab oper jae
تیز یا ہلکی چال دکھا کر
tez ya halki chaal dikha kar
ہاتھ میں پکڑے اور مروڑے
hath ma pakra aur marody