Panchvaan Ehmaq - Article No. 1888
پانچواں احمق - تحریر نمبر 1888
ایک بادشاہ نے اپنے سب سے قابل وزیر سے کہا کہ اس کی مملکت میں سے پانچ احمق ترین لوگوں کو ایک مہینے میں تلاش کرکے اس کے حضور پیش کیا جائے
منگل 2 فروری 2021
ایک بادشاہ نے اپنے سب سے قابل وزیر سے کہا کہ اس کی مملکت میں سے پانچ احمق ترین لوگوں کو ایک مہینے میں تلاش کرکے اس کے حضور پیش کیا جائے۔ایک مہینے کی جدوجہد کے بعد وزیر نے صرف دو احمقوں کو پیش کیا۔
بادشاہ نے ناراضگی کا اظہار کرتے ہوئے کہا:”میں نے پانچ احمقوں کو پیش کرنے کے لئے کہا تھا۔“
وزیر نے کہا:”حضور!مجھے ایک ایک کرکے احمقوں کو پیش کرنے کی اجازت دی جائے۔“
وزیر نے پہلا احمق پیش کرتے ہوئے کہا:”یہ بڑا احمق اس لئے ہے کہ بیل گاڑی میں سوار ہونے کے باوجود اس نے سامان اپنے سر اُٹھایا ہوا تھا۔“
دوسرے احمق کو پیش کرتے ہوئے کہا:”اس شخص کے گھر کی چھت پر بیج پڑے تھے۔ان بیجوں کی وجہ سے چھت پر گھاس اُگ آئی۔
(جاری ہے)
یہ شخص اپنے بیل کو لکڑی کی سیڑھی سے چھت پر لے جانے کی کوشش کر رہا تھا،تاکہ بیل چھت پر چڑھ کر گھاس چَر لے۔
“وزیر نے کہا:”عالمی جاہ!بطور وزیر مجھے اہم امور سلطنت چلانے تھے،مگر میں نے ایک مہینہ احمقوں کی تلاش میں ضائع کیا اور صرف دو احمق تلاش کیے،اس لئے تیسرا احمق تو میں خود ہوا۔“
وزیر نے ذرا سا توقف کیا تو بادشاہ چلایا:”چوتھا احمق کون ہے․․․․؟
وزیر نے عرض کہا:”عالم پناہ!جان کی امان پاؤں تو عرض کروں۔“
بادشاہ نے کہا:”کہو،تمہیں کچھ نہیں کہا جائے گا۔“
وزیر نے کہا:”عالی مرتبت!آپ بادشاہ وقت ہیں اور تمام رعایا اور سلطنت کے امور چلانے کے ذمے دار ہیں،مگر قابل ترین اور اہل افراد کو تلاش کرنے کے بجائے آپ نے احمق ترین لوگوں کو تلاش کرنے میں نہ صرف اپنا وقت برباد کیا،بلکہ ایک اہم وزیر کا وقت بھی برباد کیا،لہٰذا چوتھے احمق آپ ہیں۔“
بادشاہ نے تلملاتے ہوئے سوال کیا:”اچھا اب بتا بھی دو پانچواں احمق کون ہے؟“
وزیر نے عرض کیا:”جہاں پناہ!پانچواں احمق یہ شخص ہے جو فیس بک سے چمٹا ہوا ہے،اپنے دفتری اور کاروباری فرائض اور خاندان کے بہت سے کاموں سے لاپرواہی برت رہا ہے۔اسے اپنا قیمتی وقت ضائع ہونے کا احساس تک نہیں اور حد تو یہ ہے کہ ابھی تک ڈھیٹ بن کر یہ اسٹیٹس پڑھتا چلا جا رہا ہے۔
بادشاہ سلامت اچانک اُٹھ کھڑے ہوئے۔غصے کی حالت میں بادشاہ سلامت نے تقریباً چیختے ہوئے کہا:”وائی فائی آف۔“
اور پورے دربار پر سناٹا چھا گیا۔
Browse More Funny Stories
آقا اور نوکر
Aaqa Aur Noker
مسٹر اُلٹ پلٹ
Mister Ulat Palat
منشی منقی نے شیر مارا
Munshi Munaqqa Ne Sher Mara
مچھلی اور عقل
Machli Aur Aqal
دہشت زدہ
Dehshat Zada
بھالو اور لومڑی
Bhalu Aur Lomri
Urdu Jokes
دو افیمی رات کو
do afeemi raat ko
ایک دوست
Aik Dost
دور اندیش لڑکی
door andesh larki
ایک آدمی ڈاکٹر سے
Aik admi Doctor se
باپ
Baap
ایک شخص اپنے دوست سے
Aik shakhs apne dost se
Urdu Paheliyan
اٹھ نہیں سکتا ہے
uth nahi sakta hai
رنگ برنگی چھیل چھبیلی
rang birangi chel chabeli
اس سے خود بولا تو نہ جائے
us sy khud bola tu na jaye
بن در کے ہے ایک حویلی
bin dar ke hai aik haweli
سب نے مل کر حلقہ باندھا
sab ne mil kar halqa bandha
ہو گر ایک تو ہے بے کار
ho agar aik tu hai bekar