Khand Kay Khilonay Recipe - Make Khand Kay Khilonay for Kids

کھانڈ کے کھلونے

khand kay khilonay Recipe In Urdu


(۱)چاشنی کے کھلونے جیسی ہاتھی گھوڑا ، چڑ یا ، طوطا ،آدمی ، اونٹ، مسجد، وغیرہ وغیرہ۔
(۲)سوکھی چینی کے پکے کھلونے جیسے آم، سنگترہ ، شریفہ وغیرہ
(۳)چینی کی پٹی کھینچ کر جیسے چوڑیاں ، گجرے ، چھڑیاں وغیرہ۔
ترکیب:
سب سے پہلے چینی کی چاشنی تیارکر کے اسے سانچے میں بھر دیا جاتا ہے اور پھر جلدی سے ہی سانچے کو الٹکر چینی کی فالتو چاشنی کو انڈیل دیا جاتا ہے۔ایسا کرنے سے کچھ چینی سانچے کے ساتھ چپک کر ویسا ہی کھونا بن جاتی ہے کہ جس قسم کا سانچہ ہوتا ہے ۔سانچے مختلف اقسام کے ہوتے ہیں اور ان میں سے کبوتر، ہاتھی ، گھوڑا، اونٹ ، چڑیا ، بطخ ، مرغا، مور ، مرغ ، آدمی ، گدھا، شیر، مچھلی، گائے ، لنگور ، بندر، چیتا ، اور اسی طرح دوسرے جانور اور شکلیں ہوتی ہیں ۔ عمارات کے سانچے بنوا کر تاج محل ، مسجد، قلعہ، وغیرہ کے کھلونے بن سکتے ہیں ، فیسا سانچہ ہوگا ویسا ہی کھلونا بنے گا ۔ ہر سانچے کے دو حصے ہوتے ہیں ۔ اور دونوں حصے اندر سے کھدے ہوتے ہیں جس قدر کھلونے تیار کرنے ہوں ان تمام کے سانچے اکٹھے جو ڑ جوڑ کر کسی دھاگے سے باندھے جاتے ہیں اور ان کو تتی میں ترتیب سے الٹا رکھتے ہیں جب تمام سانچے درست کر کے رکھ لیے جاتے ہیں۔ تو چاشنی کو بھٹی پر چڑھا دیتے ہیں ۔ جب چاشنی گولی بندھنے کے قوام پر آجائے تو سانچوں میں بھر بھر کر ا لٹاتے جائیں ۔ فالتو چینی کا قوام نکل جائے ۔ اگر کھلونا کھو کھولا تیار کرنا منظور نہ ہو تو سانچے کو الٹا کر فالتو چینی نہ نکالیں ۔اس کے بعد سانچوں کے دھاگے کھول کر ان کے دونوں حصے الگ الگ کرکے درمیان سے کھلونا نکال لیں۔

Your Thoughts and Comments