Badla Hua Farrukh - Article No. 2193
بدلا ہوا فرخ - تحریر نمبر 2193
فرخ کے ماں باپ نے خدا کا شکر ادا کیا کہ آخرکار اُن کا بچہ راہ راست پر آ گیا ہے
جمعہ 18 فروری 2022
فوزیہ فرخ کی بڑی بہن تھی اور نویں کلاس کی طالبہ تھی۔دوسری طرف فرخ پڑھائی میں ناکام تھا،وہ ساتویں کلاس میں مشکل سے پاس ہو کر آٹھویں میں پہنچا تھا۔فرخ تفریح باز قسم کا لڑکا تھا،ہر وقت ٹی وی کے سامنے بیٹھا رہتا اور شام کو دوستوں کے ساتھ باہر جا کر آوارہ گردی کرتا تھا۔
ماں باپ فرخ سے بہت تنگ تھے۔شروع میں اُنہوں نے اُسے سمجھایا مگر جب نہ مانا تو کئی بار اُس کی پٹائی بھی کی لیکن کوئی فائدہ نہ ہوا بلکہ وہ پہلے سے زیادہ بدتمیز ہو گیا۔فوزیہ پڑھائی میں بھی اچھی تھی،ماں باپ اور اساتذہ کا کہا بھی مانتی تھی اور ہر سال امتحان میں فرسٹ بھی آتی تھی۔
آج پھر ابو نے فرخ کی پٹائی کی تو فوزیہ کو اُس کی فکر ہوئی۔
(جاری ہے)
آخر اُس نے فرخ کو سمجھانے کی کوشش کی اور اُس سے بڑے پیار سے کہا۔
بھائی کیا بات ہے تم پڑھتے کیوں نہیں ہو۔ہر وقت کھیل اور لڑائی جھگڑا کیا ہے یہ؟فرخ نے جواب دیا:”باجی مجھ سے پڑھائی نہیں ہوتی،کیا کروں ٹیچر کو بھی تھوڑا کام دینا چاہیے تاکہ میں آسانی سے کر لوں“۔فوزیہ نے کہا تم اپنا ہوم ورک نہیں کرتے،اس طرح کیسے ہو گا؟چلو میں تمہاری مدد کروں گی مگر تمہیں بھی تو پڑھائی پر توجہ دینی ہو گی۔فوزیہ سمجھ چکی تھی کہ فرخ پڑھنا تو چاہتا ہے مگر کچھ گھبراتا ہے۔چنانچہ فوزیہ ہوم ورک کرنے اور مشکل سوال سمجھانے میں فرخ کی مدد کرنے لگی۔یہ سب تو وہ خود بھی پڑھ چکی تھی۔اس لئے سب بہت آسان تھا۔فرخ نے شروع میں تو اُسے تنگ کیا مگر اُس کی محنت رنگ لائی اور وہ پڑھائی میں توجہ دینے لگا۔اس دوران فوزیہ نے فرخ کو اَن پڑھ لوگوں کے مسائل اور ناکامیوں سے آگاہ کیا،اُس نے جو کچھ پڑھا اور سیکھا تھا وہ سب فرخ کو پڑھا دیا۔
فوزیہ نے اپنے امی ابو سے کہا:”اگر آپ کو فرخ پر غصہ آئے تو اُسے مارنے کی بجائے پیار سے سمجھائیں“۔امی ابو نے ایسا ہی کیا۔وہ پہلے سے زیادہ فرخ کا خیال رکھنے لگے۔فرخ نے بھی کھیل کو چھوڑ کر اپنی پڑھائی پر توجہ دی۔یہ سب فوزیہ کی محنت ہی تو تھی۔وہ فرخ کو سبق آموز کہانیاں اور دنیا کے کامیاب لوگوں کے بارے میں دلچسپ باتیں بتاتی جس سے فرخ بالکل بدل گیا۔ساتھ ہی فوزیہ اپنی پڑھائی پر بھی توجہ دے رہی تھی اور پھر اُن کے سالانہ امتحان ہوئے۔رزلٹ آیا تو فوزیہ تو کامیاب ہوئی ہی اس بار فرخ نے بھی پوزیشن لے لی۔امی ابو بہت خوش تھے۔انہیں فرخ ایک بدلے ہوئے روپ میں نظر آیا تو انہوں نے خدا کا شکر ادا کیا کہ آخرکار اُن کا بچہ راہ راست پر آ گیا ہے۔
Browse More Moral Stories
بارہ اسلامی مہینوں پر مختصر نظر
12 Islami Months Per Mukhtasar Nazar
لوہار کابیٹا
Lohaar Ka Beta
زینب کی سالگرہ
Zainab Ki Salgirah
بھولا ہوا وعدہ
Bhula Hua Wada
گدھے کے سر پر سینگ
Gadhey Ke Sar Par Seeng
بھوری کی کہانی
Bhoori Ki Kahani
Urdu Jokes
پاگل خانہ
Pagal khana
لکھنوٴ کے ایک مشاعرے میں
lucknow ky aik mushairay main
”یار
yaar
مینجر
Manager
ٹرین
Train
صاحب ڈاکٹر کے پاس گئے
sahib dr ke paas gaye
Urdu Paheliyan
سر ہے چمٹا منہ نوکیلا
sar hi chimta munh nokeela
گونج گرج جیسے طوفان
gounj garaj jesy toufan
توڑ کے اک چاندی کو کوٹھا
tour ke ek chandi ka kotha
دو چڑیا رکھتی ہیں پر
do chirya rakhti hen par
منہ ہے چھوٹا بڑی ہے بات
munh hai chota badi hai baat
صدیوں کا ہے اک گلزار
sadiyon ka hai ek gulzar