Dinosaur - Article No. 2181
ڈائنوسار - تحریر نمبر 2181
کوئی نہیں بتا سکتا تھا کہ اتنی بڑی پہاڑی حرکت میں کیسے آئی اور زمین میں چار بڑے سوراخ کیسے بن گئے جو بالکل ڈائنوسار کے پنجے جیسے تھے
جمعہ 4 فروری 2022
کہیں دور ایک پہاڑی کی چوٹی پر ایک چھوٹا سا قصبہ آباد تھا۔یہ بے ترتیب سا قصبہ تھا اور اتنا خوبصورت بھی نہیں تھا لیکن آخر یہ لوگوں کا گھر تھا۔ایک دن اس شہر میں عجیب و غریب واقعات ہونے شروع ہو گئے۔درخت اور مکان جیسے بڑے زلزلے سے اِدھر اُدھر ہلنے اور ڈولنے لگے،لوگوں نے فیصلہ کیا کہ فوراً قصبے سے نکل جائیں،سب اندھا دھند بھاگنے لگے اور پاگلوں کی طرح لوگ تیزی سے چوٹی سے نیچے اُترنے لگے۔صرف ایک لڑکا جسے ہر چیز کے بارے میں جاننے کا شوق تھا وہ نہیں بھاگا بلکہ وہ ایک چٹان پر بیٹھا رہا جو چوٹی سے نیچے تھی۔ اُس کا صبر میٹھا ثابت ہوا کیونکہ بجائے پورا قصبہ نیچے گر کر تباہ ہونے کے اوپر ہی اوپر جانے لگا۔
ایسا لگتا تھا کہ قصبہ بادلوں سے بھی بلند ہو گیا ہے اور پہاڑی کے نیچے ایک لمبی گردن اور چار ٹانگیں بھی نکل آئی ہیں۔
(جاری ہے)
وہ ایک ڈائنوسار تھا۔
ایک بہت بڑا اور سویا سویا ڈائنوسار۔ڈائنوسار نے سوئی سوئی نظروں سے لڑکے کو دیکھا پھر کہنے لگا ”تم تو بہت چھوٹے سے ہو“ اُس نے کہا ”نہیں تم بہت بڑے ہو“ لیکن ڈائنوسار صرف اِدھر اُدھر دیکھ رہا تھا پھر اُس نے ایک قدم آگے بڑھایا اور بڑی سی جمائی لی۔کہنے لگا ”میں بہت تھک گیا ہوں۔“لڑکے نے اُسے بتایا کہ اُس کے پیٹ پر ان کا پورا قصبہ ہے اور شاید وہ بڑی دیر سویا رہا ہے لیکن ڈائنوسار اس کی باتیں نہیں سن رہا تھا۔اس کی آنکھیں بند تھیں۔
اُس نے دوبارہ اپنی ٹانگیں اور گردن سکیڑی اور گہری نیند سو گیا۔جب ہر چیز معمول پر آ گئی تو قصبے کے لوگ جنگل سے گزر کر دوبارہ قصبے میں گھروں کو لوٹنے لگے۔اُنہوں نے دیکھا تو وہ لڑکا ابھی بھی بیٹھا ہوا پہاڑی کو گھور رہا تھا جب اُس نے سب کو بتایا کہ اصل معاملہ کیا تھا تو کسی نے اُس کا یقین ہی نہیں کیا۔سب کا خیال تھا کہ وہ جاگتے ہوئے بھی خواب دیکھتا رہتا ہے لیکن اُس کو حقیقت معلوم تھی۔کوئی نہیں بتا سکتا تھا کہ اتنی بڑی پہاڑی حرکت میں کیسے آئی اور زمین میں چار بڑے سوراخ کیسے بن گئے جو بالکل ڈائنوسار کے پنجے جیسے تھے۔صرف ایک بچہ اس کے بارے میں جانتا تھا جس کا نام عنریق تھا۔
Browse More Moral Stories
پہاڑی کے دوسری طرف
Pahari K Dosri Taraf
ذرا سی لاپرواہی
Zara Si Laparwahi
اشرفیوں کی تھیلی
Ashrafion Ki Thaili
حساب جوں کا توں کنبہ ڈوبا کیوں
Hisaab Jun Ka Tun Kunba Duba Kyun
خونی جھیل
Khooni Jheel
برداشت کرنا ہی زندگی ہے
Bardasht Karna Hi Zindagi Hai
Urdu Jokes
پروڈیوسر
producer
ایک صاحب
Aik sahib
شوہر اپنی بیوی سے
shohar apne biwi se
ایک عورت بہت غصے؟
aik aurat bahut ghusay?
دو پاگل
do pagal
نائی کی دکان
Nai ki Dukan
Urdu Paheliyan
وہ رہتی ہے گھر میں اکیلی کھڑی
wo rehti hai ghar me akeli khadi
نیچے سے جب اوپر جائے
neechy se jab oper jae
پہلے شوق سے کھائیے
pehle shok sy khaiye
نہیں انگوٹھے میں انگلی میں ہے
nahi angothe me ungli hai
سونے کا بن کر آتا ہے
sony ka ban kar ata hai
گلا تو ہے سر ساتھ نہیں ہے
gala tu hy sar sath nahi he