Ju Hua Acha Hua - Article No. 855

جو ہوا اچھا ہوا

اٹلی کا ایک بادشاہ حکومت اور دولت کے گھمنڈ میں غریبوں سے بات کرنا بھی بْرا جانتا تھا اس لئے اکثر لوگ اسے ناپسند کرتے تھے۔ ایک دن یہ شکار میں کسی جانور کے پیچھے گھوڑا ڈالے اتنی دور نکل گیا کہ نوکر چاکر سب بچھڑ گئے اور بادشاہ اکیلا رہ گیا

ہفتہ اکتوبر

Ju Hua Acha Hua
اٹلی کا ایک بادشاہ حکومت اور دولت کے گھمنڈ میں غریبوں سے بات کرنا بھی بْرا جانتا تھا اس لئے اکثر لوگ اسے ناپسند کرتے تھے۔ ایک دن یہ شکار میں کسی جانور کے پیچھے گھوڑا ڈالے اتنی دور نکل گیا کہ نوکر چاکر سب بچھڑ گئے اور بادشاہ اکیلا رہ گیا۔
اتنے میں ایک کسان نے بادشاہ کے گھوڑے کی رکاب پکڑ لی۔ اس کی شکل ہو بہو بادشاہ سے ملتی تھی۔ فرق یہ تھا کہ اس کی پوشاک اور حالت غریب جیسی تھی۔ اس نے بادشاہ سے کہا کہ میں تین دن سے حضور کی ڈیوڑھی پر بھوکا پیاسا چلا آ رہا ہوں مگر کوئی میری فریاد نہیں سنتا۔
بادشاہ نے غریب کو میلے کچیلے کپڑوں میں دیکھ کر یہ کہتے ہوئے آگے بڑھ گیا کہ میں ذلیل آدمیوں سے بات نہیں کرتا۔ غریب کسان پھر بھی اس کے پیچھے پیچھے چلتا رہا۔ یہاں تک کہ بادشاہ ایک تالاب پر پہنچ کر گھوڑا سے اترا۔

(جاری ہے)

باگ ڈور ایک درخت سے اٹکائی۔

تاج اور کپڑے اتار کر ایک طرف رکھے اور نہانے کو تالاب میں اتر گیا۔ یہ تالاب ایسے نشیب میں تھا کہ نہانے والے کو اوپر کا آدمی نظر نہ آتا تھا۔ جب بادشاہ تالاب میں اتر چکا تو غریب کسان نے اپنے کپڑے اتار دیئے۔ بادشاہ کے کپڑے پہن کر تاج سر پر رکھ لیا اور بادشاہ ہی کے گھوڑے پر سوار ہو کر رفو چکر ہو گیا۔
کسان بادشاہ تھوڑی ہی دور گیا تھا کہ اسے بادشاہی نوکر چاکر مل گئے جنہوں نے اسے بادشاہ سمجھ کر ادب سے سلام کیا اور یہ بھی بے جھجھک شاہی محل میں جا پہنچا۔ اصلی بادشاہ تالاب سے نہا کر باہر نکلا تو کپڑے، تاج اور گھوڑا کچھ بھی موجود نہ تھا۔
بہت گھبرایا مگر اب کیا ہوسکتا تھا؟ ناچار غریب کسان کے میلے کپڑے پہنے اور کئی دن تک فاقے کرنے اور بھٹکنے کے بعد شہر پہنچا۔ مگر اب اس کی یہ حالت ہوئی کہ جس سے بات کرتا کوئی منہ نہ لگایا اور جب یہ کہتا کہ میں تمہارا بادشاہ ہوں تو لوگ اسے پاگل سمجھ کر ہنس دیتے۔
دو تین ہفتے اسی طرح گزر گئے۔ جب اس پاگل کا قصہ بادشاہ کی ماں نے سنا تو اسے بلوا کر اس کے سینے پر تل کا نشان دیکھا پھر اس کی سچائی کی تصدیق کی۔ کسان نے اصلی بادشاہ کی یہ حالت دیکھ کر کہا کیا تم وہی شخص ہو جو دولت اور حکومت کے گھمنڈ میں غریبوں کی فریاد نہ سنتے تھے؟ اسی کی سزا دینے کو میں نے یہ سوانگ بھرا تھا۔
اگر تم وہ گھمنڈ چھوڑ کر رحم و انصاف کا اقرار کرو تو میں تمہارا تاج و تخت واپس کرنے کو تیار ہوں ورنہ ابھی قتل کا حکم بھی دے سکتا ہوں۔ یہ سن کر بادشاہ نے عاجزی اور ندامت کے ساتھ اپنی غلطی تسلیم کی اور کسان اسے تاج و تخت دے کر گھر چلا گیا۔ جس کے بعد بادشاہ نے اپنی عادتوں کی اصلاح کر لی اور چند ہی دنوں میں نیک نام مشہور ہو گیا۔

مزید اخلاقی کہانیاں

Shahid Ki Billi Kaise Mari

شاہد کی بلی کیسے مری

Shahid Ki Billi Kaise Mari

Kaisa Bara Aadmi

کیسا بڑا آدمی

Kaisa Bara Aadmi

Safaid Kabutri

سفید کبوتری

Safaid Kabutri

Panch Humshakal Bhai

پانچ ہم شکل بھائی

Panch Humshakal Bhai

Bhalu

بھالو

Bhalu

Aazm Our Hosla

عزم اور حوصلہ

Aazm Our Hosla

Africa Bare Ju Ap Nahi Jante

افریقہ بارے جو آپ نہیں جانتے

Africa Bare Ju Ap Nahi Jante

Paraya Kandha

پرایا کندھا

Paraya Kandha

Bakhshi Mian

بخشی میاں

Bakhshi Mian

Jaddu Ka Button

جادُو کا بٹن

Jaddu Ka Button

Sam House Aakhri Qist

سام ہاؤس آخری قسط

Sam House Aakhri Qist

Badshah Ka Dushman

بادشاہ کا دشمن

Badshah Ka Dushman

Your Thoughts and Comments