Khofnak Bangla - Article No. 2002

خوفناک بنگلہ

ان کے گھر سے کچھ دور ایک پرانی کھنڈر نما عمارت جو بہت عرصے سے ویران تھی

پیر 28 جون 2021

Khofnak Bangla
عائشہ فردوس،کراچی
حامد،حارث اور ماریہ تینوں بہن بھائی تھے۔انھیں سیر کرنے کا اور ڈراؤنی کہانیاں پڑھنے اور سننے کا بہت شوق تھا۔
ان کے گھر سے کچھ دور ایک پرانی کھنڈر نما عمارت جو بہت عرصے سے ویران تھی۔
ایک دن انھوں نے فیصلہ کیا کہ تینوں سیر کے بہانے باہر جائیں گے اور ایک رات کھنڈر میں گزار کر واپس آجائیں گے۔امی ابو کو تو اصل بات نہیں بتائی جا سکتی ورنہ وہ منع کر دیتے۔
آخر مقررہ رات آپہنچی اور وہ گھر سے نکل گئے۔وہ کھنڈر کہانیوں کے کھنڈرات سے زیادہ خوفناک تھا آج وہاں روشنی بھی ہو رہی تھی۔
ہمت کرکے تینوں ایک ساتھ اندر داخل ہوئے۔اندر ہر چیز گرد اور مٹی سے اَٹی پڑی تھی۔اونچی اونچی دیواروں پر مکڑیوں کے جالے بنے ہوئے تھے اور چھت پر ایک عجیب سی چمک تھی۔

(جاری ہے)

یہ سب کچھ دیکھ کر وہ مزید خوف زدہ ہو گئے۔انھوں نے سامنے دیکھا تو پانچ کمرے تھے اور ان سب کے دروازے بند تھے۔

حارث ایک کمرے کی طرف بڑھا اور دروازے کو دھکیلا تو وہ ایک ہلکی سی چرمراہٹ کے ساتھ کھلنے لگا۔اسی لمحے ایک بڑا سا پرندہ اس کے سر کے اوپر سے اُڑتا ہوا باہر نکل گیا۔حارث چیخ کر پیچھے ہٹا اور اس نے اوپر دیکھا۔پوری چھت پر چمگادڑیں لٹکی ہوئی تھیں۔
ان کی آنکھیں ہی تھیں جو اندھیرے میں چمک رہی تھیں۔
اتنے میں وہ دروازہ جو حارث نے کھولا تھا آہستہ آہستہ پورا کھل چکا تھا۔اس کے ساتھ ہی باقی کمروں کے بھی دروازے خود بخود کھلنے لگے۔ وہ تینوں باہر نکلنے کے لئے مڑے تو دیکھا کہ بڑا دروازہ انتہائی خاموشی کے ساتھ بند ہو چکا تھا۔

اچانک دروازوں میں سے دھواں خارج ہونا شروع ہو گیا۔اور پھر دھواں اتنا زیادہ بڑھ گیا کہ راستہ نظر آنا بند ہو گیا اور ساتھ ہی عجیب عجیب سی آوازیں بھی سنائی دینا شروع ہو گئیں۔ایک عجیب سا ہیولا ان کی طرف بڑھ رہا ہے۔انھوں نے ڈر کے مارے دروازے کی طرف دوڑ لگا دی۔
اگرچہ اندھیرے اور دھوئیں میں دیکھنا بہت مشکل تھا،لیکن وہ کسی نہ کسی طرح سے دروازے تک پہنچ گئے۔انھوں نے اس خوف ناک منظر کو دیکھنے سے بچنے کے لئے اپنی آنکھیں بند کر لیں۔تینوں نے مل کر زور لگایا۔دوسری ہی کوشش پر دروازہ کھل گیا اور وہ باہر آکر گرے۔

مزید اخلاقی کہانیاں

Peechay Hato Aur Jeet Jao

پیچھے ہٹو اور جیت جاؤ

Peechay Hato Aur Jeet Jao

Laalchi Azdaha

لالچی اژدھا

Laalchi Azdaha

Rah E Haq

راہِ حق

Rah E Haq

Behan Ki Mehnat

بہن کی محنت

Behan Ki Mehnat

Aaya Ramzan Aaya

ٓآیا رمضان آیا

Aaya Ramzan Aaya

Ahmad Ka Ghora

احمد کا گھوڑا

Ahmad Ka Ghora

Mil Jul Kar

مِل جُل کر

Mil Jul Kar

Imaandari Ka Anjam

ایمانداری کا انعام

Imaandari Ka Anjam

Haqeeqi Khazana

حقیقی خزانہ

Haqeeqi Khazana

Adam Khor

آدم خور

Adam Khor

Sheer Ki Badshahat

شیر کی بادشاہت

Sheer Ki Badshahat

Gulehri

گلہری

Gulehri

Your Thoughts and Comments