Laalchi Azdaha - Article No. 1155

لالچی اژدھا

ایک مرتبہ کا ذکر ہے کہ کہیں ایک بہت لالچی اژدھا تھا ۔وہ پنیر ،ٹماٹر ،چا کلیٹ ،ٹا فیاں ،جیلی ،آڑو ،کریم ،کیلے ،کسٹرڈ کھاتا تھا ۔

جمعرات 9 اگست 2018

laalchi azdaha

احمد عدنان طارق
ایک مرتبہ کا ذکر ہے کہ کہیں ایک بہت لالچی اژدھا تھا ۔وہ پنیر ،ٹماٹر ،چا کلیٹ ،ٹا فیاں ،جیلی ،آڑو ،کریم ،کیلے ،کسٹرڈ کھاتا تھا ۔ بُرے لڑکے اور اچھی بچیاں بھی کھاجاتا تھا ۔ایک دن ایک چھوٹا سا بُرا لڑکا سیف اُس اژدھے کے پاس آیا ۔

وہ دونوں ایک دوسرے کو گھورنے لگے ۔اژدھے نے منہ کھول کرایک شعلہ سیف کی طرف پھینکا تو سیف نے زبان نکال کر اُسے چڑا یا ۔اژدھا ؛” میں تمہیں کھا جاؤں گا “سیف یہ سُن کر ہنسنے لگا اور بولا ”جاؤ جاؤ اگر ’تُم مجھے کھا ؤ گے تو میں تمہارے معدے میں پہنچ کر تمہیں وہ درد کروں گا کہ یاد رکھو گے ۔
“اژدھے کو بہت غصہ آیا ،اُس نے اپنی لمبی زبان منہ سے باہر نکالی ،سیف کی طرف دوڑ ا اور لالچی طبیعت کی وجہ سے سیف کو نگل لیا ۔

(جاری ہے)

لیکن جب سیف اُسکے منہ سے اُسکے پیٹ میں جارہا تھا تو وہ قہقہے مار کر ہنس رہا تھا ۔اژدھا حیرت سے سوچنے لگا کہ آخر اتنی خطر ناک جگہ پر سیف کو ہنسی کیوں آرہی ہے ؟پھر جلد ہی اُسے اِسکی وجہ معلوم ہوگئی ۔

سیف کی جیب میں بارود کے پٹاخے اور آگ جلانے والے دو پتھر موجود تھے (اُس کی جیب میں ہمیشہ ہی ایسی چیزیں پڑی ہوتی تھیں ) سیف نے دونوں پتھر وں کو ر گڑ اتو آگ کے ننھے ننھے شعلے نکلے ۔یہ شعلے بہت چھوٹے تھے مگر اژدھا چیخیں ما رنے لگا ۔
”میرا پیٹ اُف میر ا پیٹ “اور وہ زور سے پیٹ کھجانے لگا ۔اُدھر اُس آگ کے ننھے شعلوں کی مدد سے سیف نے دیکھا کہ بارودی پٹا خوں کو آگ کہاں لگانی ہے ؟اُس نے فوراََ اُن کو آگ لگا دی ۔اُ ن بارودی پٹا خوں پر ایک منتر بھی پڑھا ہوا تھا ۔
اِن کو آگ لگنے سے ایک زور دار دھما کہ ہوا اور لالچی اژدھا چلانے لگا ۔مدد ....مدد....آگ ....پانی ....پولیس “اِس دھما کے کی وجہ سے سیف اُچھلا اور اژدھے کے کھلے ہوئے منہ سے باہر نکل گیا اور فوراََ محفوظ جگہ پر چلا گیا لیکن جادو کے پٹاخوں کا کام ابھی مکمل نہیں ہوا تھا ۔
اُن کا دھواں اَژدھے کے سر کے چکر کاٹنے لگا ،ساتویں چکر پر منتر کا اثر ہوگیا ۔اتنے بڑے جسم کا اژدھا ایک بے ضرر سی مکھی میں تبدیل ہو گیا جسے بڑی مکھی کہتے ہیں اور جس کی شکل اژدھے سے ملتی ہے اور وہ پھر سے آسمان میں اُڑ گئی ۔رہا سیف وہ گھر کی طرف جارہا تھا اور بے تحاشہ ہنس رہا تھا ۔

مزید اخلاقی کہانیاں

BarooN Ki Naseehat

بڑوں کی نصیحت

BarooN Ki Naseehat

Mufeed Saaza

مفید سزا

Mufeed Saaza

Hiran Ki Nasehat

ہرن کی نصیحت

Hiran Ki Nasehat

Azadi Mil Gai

آزادی مل گئی

Azadi Mil Gai

Kar Bhala Ho Bhala

کر بھلا ہو بھلا

Kar Bhala Ho Bhala

Imdaad E Bahmi

امدادِ باہمی

Imdaad E Bahmi

Bad Gumani

بد گمانی

Bad Gumani

Amna Aur 3 Bhalu

آمنہ اور تین بھالو

Amna Aur 3 Bhalu

Bara Chooha Chhota  Khargosh

بڑا چوہا،چھوٹا خرگوش

Bara Chooha Chhota Khargosh

Badshah Ka Dushman

بادشاہ کا دشمن

Badshah Ka Dushman

Azaadi Aik Anmool Naimat

آزادی ایک انمول نعمت

Azaadi Aik Anmool Naimat

Dost Banay Dushman

دوست بنے دشمن

Dost Banay Dushman

Your Thoughts and Comments