Machli - Article No. 2164
مچھلی - تحریر نمبر 2164
ہم سب نے مچھلی کھانے کی خواہش کی۔اللہ تعالیٰ نے ایک ہی وقت میں ہم سب کی خواہش جس انداز میں پوری کی،یہ اس کی ذات کا ادنی سا کرشمہ ہے۔ہمیں اُس کا شکر ادا کرنا چاہیے
جمعہ 14 جنوری 2022
مچھیرے نے کہا،”بیٹا اللہ کا شکر ادا کرو کہ ایک مچھلی بچ گئی۔دوسری مچھلی ہماری قسمت میں نہیں تھی۔
جو چیز جتنی قسمت میں ہوتی ہے اتنی ہی ملتی ہے۔قسمت کو کوسنا ناشکروں کا کام ہے۔“
وہ چیل اُڑتی ہوئی ایک پہاڑی کی طرف جا پہنچی۔ایک دوسری چیل نے اس سے مچھلی چھیننے کے لئے اس پر حملہ کر دیا۔دونوں چیلوں میں چھینا جھپٹی ہونے لگی اور مچھلی چیل کے پنجوں سے پھسل کر پہاڑی پر رہنے والے ایک درویش کی جھونپڑی کے سامنے گر پڑی۔
(جاری ہے)
درویش نے مچھلی کو اُٹھایا اور آسمان کی طرف دیکھ کر کہا،”اے اللہ!آپ نے میری دعا قبول کر لی۔میں نے مچھلی ہی تو مانگی تھی۔مگر آپ کو تو معلوم ہے کہ میرے پاس مچھلی پکانے کے لئے نہ تو تیل ہے اور نہ مصالحہ۔مجھے تو پکی پکائی مچھلی چاہیے۔میں یہ مچھلی نہیں کھا سکتا۔اسے واپس منگوا لیجیے اور مجھے پکی ہوئی مچھلی بھجوائیے۔“
یہ کہہ کر درویش جھونپڑی میں چلا گیا اور تھوڑی دیر کے بعد جب وہ دوبارہ باہر آیا تو مچھلی وہاں نہیں تھی۔اسے ایک چیل نے اُٹھا لیا اور وہ دوسری چیلوں سے بچتی ہوئی،جو اس سے مچھلی چھیننے کے لئے اس کا پیچھا کر رہی تھیں،پہاڑی کی نیچے کی طرف اُڑ رہی تھی لیکن دو چیلوں نے اس پر حملہ کر دیا اور اس سے مچھلی چھیننے کی کوشش کی۔اس لڑائی میں چیل کے پنجوں سے وہ مچھلی نکل کر ایک غریب کسان کے آنگن میں جا گری۔
کسان کی بیوی نے دوڑ کر وہ مچھلی اُٹھا لی اور کسان سے بولی،”میں تم سے کتنے دنوں سے کہہ رہی تھی کہ میرا دل مچھلی کھانے کو چاہ رہا ہے۔تم نے تو لا کر نہ دی،اللہ میاں نے آج مجھے بھیج دی۔میں نے منّت مانی تھی کہ جب بھی مچھلی پکاؤں گی پہاڑی والے بابا کو بھیجوں گی۔
اب میں مصالحہ پیس کر مچھلی پکائے دیتی ہوں۔تم بابا کو جا کر دے آؤ اور کہنا کہ بابا دعا کریں کہ ہمارا ہونے والا بچہ زندہ اور سلامت رہے۔“
کسان کی بیوی نے مچھلی پکائی کہ اتنے میں کسان کا دوست مچھیرا وہاں آ گیا۔کسان نے اپنے دوست سے کہا،”تم اچھے وقت پر آ گئے۔آج مچھلی پکی ہے۔کھانا کھا کر جانا۔“
مچھیرے نے تعجب سے پوچھا،”مگر تم کو مچھلی کہاں سے مل گئی؟وہ تو میں ہی تم کو لا کر دیتا ہوں۔“
”بس یوں سمجھ لو اللہ میاں نے آسمان سے ٹپکا دی ہمارے آنگن میں۔“کسان نے سارا ماجرا سنایا کہ کس طرح چیل وہ مچھلی وہاں گرا گئی۔مچھیرا یہ سن کر مسکرایا مگر کچھ بولا نہیں۔
جب کسان پہاڑی بابا کو مچھلی دینے گیا تو مچھیرا بھی اس کے ساتھ گیا۔کسان نے پکی ہوئی مچھلی کا پیالہ پیش کیا اور دعا کی درخواست کی۔
درویش نے ان دونوں کو دیکھا اور پوچھا،”مچھلی کہاں سے آئی؟“
کسان نے کہا،”آسمان سے گری،بیوی نے منّت مانی تھی کہ اگر اسے مچھلی ملی تو وہ پہاڑی والے بابا کو پہلے کھلائے گی اور دعا کرائے گی کہ اس کا ہونے والا بچہ زندہ اور سلامت رہے۔“
اب درویش مچھیرے سے بولا،”تم کون ہو؟“
مچھیرے نے کہا،”میں مچھیرا ہوں۔آج صبح دو مچھلیاں پکڑی تھیں۔ایک میرے کنبے کی قسمت کی تھی اور دوسری چیل اُٹھا کر لے گئی۔“
درویش سارا ماجرا سن کر بولا،”ہم سب نے مچھلی کھانے کی خواہش کی۔اللہ تعالیٰ نے ایک ہی وقت میں ہم سب کی خواہش جس انداز میں پوری کی،یہ اس کی ذات کا ادنی سا کرشمہ ہے۔ہمیں اُس کا شکر ادا کرنا چاہیے۔
Browse More Moral Stories
کام والی
Kaam Wali
واپسی کا سفر
Wapsi Ka Safar
عظیم معلّم
Azeem Mualam
اب بلا نہیں آئے گا
Ab Bala Nehin Aye Gi
سمندری پریاں (قسط 2)
Samundari Pariyaan - Qist 2
بہادری کا کارنامہ
Bahaduri Ka Karnama
Urdu Jokes
شوہر بیوی سے
Shohar biwi se
دو ڈاکٹروں کی آمنے سامنے دکانیں تھیں
do doctoron ki amnay samnay dukanain theen
”یار دنیا سے ایمانداری بالکل ختم ہو گئی ہے
yar duniya se imandari bilkul khatam ho gayi hai
صحیح اندازہ
sahih andaza
ملا نصیر الدین
mullah nasser Aldeen
بڑی اچھی بات کہی
bari achi baat kahi
Urdu Paheliyan
دور پہاڑوں پر سے آئے
door paharo per sy ae
لکھنے کا ہے ڈھنگ نرالا
likhne ka hai dhang nirala
خالی کب ہو ایک گھڑا
khali kab ho aik ghara
دیکھا ہم نے ایک گدھا
dekha hamne ek gadha
گز بھر کی پانی کی دھار
ghar bhar ki pani ki dhaar
مت جانو کچھ ایسا ویسا
mat jano kuch aisa waisa