Meri Kitab - Article No. 1221

میری کتاب

سورج کی پہلی کرن کمرے میں داخل ہوئی تو علی کی آنکھ کھل گئی اور وہ بستر سے چھلانگ لگا کر اُٹھا ،کیوں کہ آج اسکول کی چھٹی تھی

پیر نومبر

meri kitab

غزالہ احمد امام
سورج کی پہلی کرن کمرے میں داخل ہوئی تو علی کی آنکھ کھل گئی اور وہ بستر سے چھلانگ لگا کر اُٹھا ،کیوں کہ آج اسکول کی چھٹی تھی۔سوچا،گھر بیٹھے کیا کیا جائے۔ناشتے کے بعد باہر کھیل کود کا پروگرام بنالیا۔

ٹوپی اُٹھائی اور بَلاّ ہاتھ میں لے کر کھیلنے کے لیے باہر جانے کی تیاری کی ۔ابھی ٹوپی سر پر رکھنے ہی والا تھا کہ پاس ہی سے کسی کے کھانسنے کی آواز آئی۔اِدھر اُدھر دیکھا کوئی نظر نہ آیا ،لیکن آواز برابر آتی رہی ۔اچانک کتابوں کے شیلف(SHELF)پر سے ایک بوسیدہ کتاب گری۔
علی نے حیرت سے دیکھا تو کتاب نے لرزتی ہوئی آواز میں کہا:”میاں ! دیکھتے کیا ہو ،ہاتھ پکڑ کر سہارا دو۔“
علی حیران رہ گیا اور ہاتھ بڑھا کر کتاب اُٹھائی ۔پرانی کتاب نے اس کا شکریہ ادا کیا اور کہا:”میاں ! میری زندگی کے چند روز باقی ہیں ۔

(جاری ہے)

اس کے بعد مجھے ردی میں بیچ دیا جائے گا اور نہ جانے میرا وہاں کیا حال ہو گا۔میں نے بہت سے لوگوں کو علم کی روشنی سے منور کیا ہے ،لیکن افسوس کہ آج میری بوسیدہ حالت کوکوئی سہارا دینے والا نہیں ۔دیکھا جائے تو مجھ میں کیا نہیں ہے ۔
انسائیکلو پیڈیا نام ہے میرا ،لیکن پرانی ہونے کی وجہ سے میری کوئی قدر نہیں ہے ۔میاں ! اب تو کمپیوٹر اور ٹی وی نے بچوں کا دھیان بالکل ہم پر سے ہٹا دیا ہے ۔“یہ کہہ کر کتاب زاروقطار رونے لگی۔
علی کو بہت افسوس ہوااس نے سوچا کہ اگر ہم اپنی پر انی کتابوں کو درست حالت میں رکھیں تو ہمارے بعد اور بھی لوگ انھیں ضرورت کے وقت پڑھ سکتے ہیں ۔
علی نے فوراً کتاب اُٹھائی اور جلد ساز کے پاس پہنچا۔جلد ساز کے پاس اور بھی بوسیدہ کتابیں اپنی باری کا انتظار کررہی تھیں ۔جلد ساز نے علی کو دودن کے بعد آنے کو کہا۔دودن گزر گئے علی جلد ساز کے پاس گیا اور دیکھا کہ دکان پر کئی نئی کتابیں رکھی ہیں ۔

ان ہی کتابوں میں سے سیٹی کی آواز آئی اور ایک نئی کتاب نے علی کو اشارہ کیا:”پہچانا اے دوست ! میں وہی انسائیکلو پیڈیا ہوں ،جسے تم پرانی حالت میں چھوڑ گئے تھے ۔تمھارے توجہ اور جلد ساز کی محنت سے آج مجھے نئی زندگی ملی ہے ۔
اب میں نئی صورت میں ہوں اور میری چمک دمک واپس آگئی ہے ۔مجھے خوشی ہے کہ اب میں کار گر ہو گئی ہوں ،مزید علم بانٹ سکتی ہوں ۔“
علی یہ دیکھ کر بہت خوش ہوا اور جھٹ سے کتاب کو سینے سے لگا لیا۔جلد ساز کا شکریہ ادا کیا اور اس کی اُجر ت ادا کی۔اب علی کے پاس ہر کتاب نئی تھی ،کیوں کہ وہ کتابوں کی حفاظت اور ان سے محبت کرنا سیکھ گیا تھا۔

مزید اخلاقی کہانیاں

Nani Maan Ne Jaan Bachai

نانی ماں نے جان بچائی

Nani Maan Ne Jaan Bachai

Matlab Parast

مطلب پرست

Matlab Parast

Billi Sher Ki Khala

بلی شیر کی خالہ

Billi Sher Ki Khala

Bhola Huwa Sabaq

بھولا ہوا سبق

Bhola Huwa Sabaq

Doodh Ka Doodh Paani Ka Paani Kaise Hota Hai

دودھ کا دودھ پانی کا پانی کیسے ہوتا ہے

Doodh Ka Doodh Paani Ka Paani Kaise Hota Hai

Aik Naiki

ایک نیکی

Aik Naiki

Raqam Kahn Se Aayi

رقم کہاں سے آئی

Raqam Kahn Se Aayi

Azaadi Ka Din

آزادی کا دن

Azaadi Ka Din

دیانت داری

Dianat Daari

Tarbiyat

تربیت

Tarbiyat

Jinn Dost

جن دوست

Jinn Dost

Lakri Ke Sipahi

لکڑی کے سپاہی

Lakri Ke Sipahi

Your Thoughts and Comments