Ount Ki Gardan - Article No. 2154
اونٹ کی گردن - تحریر نمبر 2154
جو مشکل میں کام آئے وہ دوست ہے
پیر 3 جنوری 2022
کسی جنگل میں ایک مغرور اونٹ رہتا تھا۔اُسے اپنے لمبے قد اور چال ڈھال پر بڑا ناز تھا۔اس کا دعویٰ تھا کہ میں سب سے اعلیٰ ہوں۔اُس کا جہاں جی چاہتا منہ اُٹھا کر چلا جاتا اور سب جانوروں سے بدتمیزی کرتا رہتا۔کوئی جانور اگر اُسے چھیڑتا تو وہ اس کے پیچھے پڑ جاتا۔اُس کے گھر کے قریب چوہے کا بل تھا اور اونٹ کو اُس چوہے سے سب سے زیادہ نفرت تھی۔وہ اُس چوہے کو نہ جانے کیا کیا القابات دیتا رہتا لیکن چوہا ہنس کے ٹال دیتا تھا۔جنگل کے سب جانور ہی اونٹ سے اُس کے کبر کی وجہ سے تنگ تھے اور چاہتے تھے کہ اُسے اُس کے کئے کی سزا ملے مگر ابھی تک اونٹ کو کھلی چھٹی ملی ہوئی تھی۔
وہ بہار کا خوشگوار موسم تھا،ہر طرف پھول کھلے ہوئے تھے اور جنگل میں بھینی بھینی خوشبو پھیلی ہوئی تھی۔
(جاری ہے)
اونٹ سو کر اُٹھا تو اُسے بڑی زبردست بھوک محسوس ہوئی۔
وہ منہ اُٹھائے چرنے نکل گیا اور اپنی لمبی گردن اُٹھا کر درختوں کے پتے پھول اور پھل کھاتا رہا۔اسی دوران اُس نے ایک کانٹوں بھرے درخت کی ٹہنی دیکھی تو اُسے توڑنے کیلئے اپنی گردن اوپر اٹھائی۔اُس نے اپنے دانت خاردار ٹہنی میں گاڑے ہی تھے کہ اُس کی گردن ایک شاخ میں اُلجھ گئی۔اب تو اونٹ کی ساری شیخی ہوا ہو گئی۔وہ زور لگا لگا کر جب تھک گیا تو زور زور سے رونے لگا مگر کسی نے اُس کی نہ آواز سنی اور نہ ہی مدد کو آیا۔کچھ دیر بعد جب جنگل کے جانوروں کو اونٹ کی مشکل کا پتہ چلا تو وہ اس کو ہمدردی سے دیکھنے لگے لیکن اُس کی مدد پھر بھی نہ کر سکے۔
اسی دوران چوہا بھی وہاں پہنچ گیا،اُس نے اونٹ کی جو یہ حالت دیکھی تو درخت پر چڑھنا شروع کر دیا۔جانوروں نے اُسے منع کیا مگر چوہے نے کسی کی نہ مانی اور اُس شاخ تک جا پہنچا جہاں اونٹ کی گردن پھنسی ہوئی تھی۔
کمزور ہونے کے باوجود اُس نے کسی نہ کسی طرح اُس شاخ کو بلا بلا کر اونٹ کی گردن آزاد کی تو اونٹ کی جان میں جان آئی۔اب اونٹ کو معلوم ہو چکا تھا کہ جنگل میں ہر جانور اہم ہے۔اُس کا غرور خاک میں مل چکا تھا۔اُس نے سب جانوروں سے معافی چاہی اور چوہے کو اپنا پکا دوست بنانے کا اعلان بھی کیا۔سب جانور ہنستے ہوئے اپنے گھروں کی طرف چلے گئے۔سچ ہے جو مشکل میں کام آئے وہ دوست ہے۔
Browse More Moral Stories
جھوٹ
Jhoot
آمنہ اور ایلیا
Amna Aur Elia
ہر ہاتھ ملانے والا شخص دوست نہیں ہوتا
Har Hath Milane Wala Shakhash Dost Nahi Hota
کیمرہ
Camera
شیر اور چوہا۔۔تحریر:ابوعبدالقدوس محمد یحییٰ
Sher Aur Chooha
بلی کی بد دعا
Billi Ki Bad Dua
Urdu Jokes
ایک بے وقوف
aik bewakoof
فٹ بال آئندہ چاند پر نہ آئے
Football ainda chand par na aaye
ایک بچہ دوسرے بچے سے
ek bacha Dusre bache se
آوارہ شوہر
awara shohar
دو دوست
Do dost
سلامی
Salami
Urdu Paheliyan
جوں جوں آگے قدم بڑھائے
jo jo agy qadam barhao
سب کو دیکھے اور پہچانے
sabko dekhe aur pehchane
نہیں انگوٹھے میں انگلی میں ہے
nahi angothe me ungli hai
مفت کسی کا ہاتھ نہ آیا
muft kisi ke hath na aaya
دیکھ کر اس کا کمال اس کا ہنر
dekh kar uska kamal uska hunar
اک کپڑا ایسا کہلایا
ek kapra esa kehlaya