Parda Poshi - Article No. 1308
پردہ پوشی - تحریر نمبر 1308
کہتے ہیں کہ کسی ملک میں ایک نہایت ہی انصاف پسند اور عوام کے دکھ درد بانٹنے والا بادشاہ رہتا تھا مگر جسمانی طور پر ایک ٹانگ اور ایک آنکھ سے محروم تھا۔
بدھ 27 فروری 2019
کہتے ہیں کہ کسی ملک میں ایک نہایت ہی انصاف پسند اور عوام کے دکھ درد بانٹنے والا بادشاہ رہتا تھا مگر جسمانی طور پر ایک ٹانگ اور ایک آنکھ سے محروم تھا۔ ایک دن بادشاہ نے اپنی مملکت کے ماہر مصوروں کو اپنی تصویر بنوانے کیلئے بلوا لیا۔اور وہ بھی اس شرط پر، کہ تصویر میں اُسکے یہ عیوب نہ دکھائی دیں۔ سارے کے سارے مصوروں نے یہ تصویر بنانے سے انکار کر دیا۔
اور وہ بھلا بادشاہ کی دو آنکھوں والی تصویر بناتے بھی کیسے جب بادشاہ تھا ہی ایک آنکھ سے محروم ۔ اور وہ کیسے اُسے دو ٹانگوں پر کھڑا ہوا دکھاتے جبکہ وہ ایک ٹانگ سےبھی معزور تھا۔ لیکن اس اجتماعی انکار میں ایک نہایت ہی ہوشیار مصور نے کہا:بادشاہ سلامت میں بناؤں گا آپکی تصویر۔اور جب تصویر تیار ہوئی تو اپنی خوبصورتی میں ایک مثال اور شاہکار تھی۔(جاری ہے)
وہ کیسے؟؟
تصویر میں بادشاہ شکارکرتا دیکھائی دے رہا تھا جس کے ہاتھ میں تیر کمان تھا اور وہ گھوڑے پر سوار تھا۔ اور شکار کرتے ہوئے اس نے ایک آنکھ بند کررکھی تھی جس آنکھ سے وہ محروم تھا۔ اور جس ٹانگ سے وہ معزور تھا وہ ٹانگ گھوڑے کے دوسری جانب تھی جو کہ دیکھائی نہ دیتی تھی اور اس طرح بڑی آسانی سے ہی بادشاہ کی بے عیب تصویر تیار ہو گئی تھی۔ بادشاہ نےاس مصور کو اس عیب پوشی پر بے انتہا
انعام سے نوازا۔
دوستوں یہ صرف کہانی نہیں بلکہ ایک سبق ہے۔ کیوں ناں ہم بھی اِسی طرح دوسروں کی بے عیب تصویر بنا لیا کریں۔ اور اپنے رب کریم سے انعامات حاصل کیا کریں۔ آج اس نفسا نفسی کے دور میں ہر ایک دوسرے کے عیب اچھالنے میں مصروف ہے۔ حالانکہ ہمارے اندر بھی بے شمار عیب موجود ہیں۔ آج ہم دوسرے مسلمانوں کے عیوب پر پردہ ڈالیں گے کل ان شاء اللہ رب رحیم ہمارے عیوب سے درگزر فرمائے گا۔
تو آج سے کوشش کریں دوسرے کے عیوب کو چھپایا کریں گے۔خواہ انکے عیب کتنے ہی واضح ہی نظر آ رہے ہوں۔اور جب بھی لوگوں کی تصویر دوسروں کے سامنے پیش کیا کریں. اُنکے عیبوں کی پردہ پوشی کریں گے۔کیونکہ انبیاء کے علاوہ کوئی شخص بھی تو عیبوں سے خالی نہیں ہوتا۔
ایک حدیث پاک کا مفہوم ہے کہ
( جو شخص مسلمان کی پردہ پوشی کرے گا، اللہ تعالیٰ قیامت کے دن اس کی پردہ پوشی کرے گا).
Browse More Moral Stories
نااتفاقی کا انجام
Na Itefaqi Ka Anjaam
چڑیا کا انتقام
Chirya Ka Intiqam
یوٹرن
U Turn
بھوکا مسافر
Bhooka Musafir
ماں (آخری حصہ)
Maa - Aakhri Hissa
عقل کا آلہ
Aqal Ka Aala
Urdu Jokes
شوہر بیوی سے
Shohar biwi se
ایک بے وقوف
aik bewakoof
چوری
chori
ماسٹر صاحب فیل؟
master sahib fail ?
چائے پارٹی
chay party
کمرہ امتحان
kamra e imtihan
Urdu Paheliyan
ایک جدائی لانے والی
ek judai lane wali
تول میں پوی لے کر آئے
toul me pori le kar aye
اک لمبے کا سنو افسانہ
ek lambay ka suno afsana
بند آنکھوں نے جو دکھلایا
band ankhon ne jo dikhlaya
اس نے سب کے کام سنوارے
us ne sab ke kam sanwary
لاتیں کھائے بھاگی جائے
laten khae bhagi jae