Pinki Aur Miki Ki Dosti - Article No. 2085
پنکی اور میکی کی دوستی - تحریر نمبر 2085
بارہ سالہ پنکی کو تین دن سے سخت بخار تھا اور اُس کا خوبصورت سا کتا میکی اس کے پاس بیٹھا ہوا تھا
پیر 11 اکتوبر 2021
بارہ سالہ پنکی کو تین دن سے سخت بخار تھا اور اُس کا خوبصورت سا کتا میکی اس کے پاس بیٹھا ہوا تھا۔میکی بار بار پنکی کی طرف دیکھتا اور جب پنکی کو سویا ہوا پاتا تو افسردگی سے اپنی گردن فرش پر رکھ لیتا۔اُسے اچھا نہیں لگ رہا تھا کہ اُس کی سب سے اچھی دوست بیمار ہے اور وہ اپنی دوست کے لئے کچھ کر بھی نہیں سکتا۔پنکی کو بھی یہ دن بہت بور لگ رہے تھے اور وہ تندرست ہونا چاہتی تھی اس لئے وہ ڈاکٹر صاحب کے کہنے پر تین دن سے بیڈ ریسٹ کر رہی تھی۔
پنکی ایک کروٹ لیٹ لیٹ کر تھک گئی تھی،جب پنکی نے دوسری طرف کروٹ لی تو اس کی آہٹ پر میکی نے فوراً سر اُٹھا کر پنکی کے چہرے کی طرف دیکھا۔پنکی نے غنودگی میں اپنی آنکھیں کھولیں اور میکی کی طرف دیکھا تو اس کے چہرے پر ہلکی سی مسکراہٹ آئی۔
(جاری ہے)
پنکی نے کہا۔”میکی تم پریشان مت ہو،ہم بھی بہت جلد باہر کھیلیں گے،بس مجھے تھوڑا ٹھیک ہونے دو۔“یہ سن کر میکی خوش ہو گیا اور بھونکنے لگا اسے خیال آیا کہ کیوں نہ پنکی کو اس کی پسندیدہ گڑیا لا کر دی جائے تاکہ وہ کچھ دیر اس کے ساتھ کھیل سکے اس طرح اُس کا دل بہل جائے گا۔ میکی نے بیڈ سے چھلانگ لگائی اور پنکی کی الماری سے پنکی کی پسندیدہ گڑیا لینے چلا گیا۔پنکی کو پتا چل گیا تھا کہ میکی کہاں گیا ہے۔وہ خوش تھی کہ اپنی گڑیا کے ساتھ کھیلے گی۔ابھی پنکی سوچ ہی رہی تھی کہ میکی پنکی کی گڑیا لے آیا اور اس نے جوش میں آکر گڑیا پنکی کی طرف اُچھالی تو گڑیا ایک طرف دیوار کے قریب جا کر گری،گڑیا کو دیکھتے ہی پنکی جیسے ہی بیڈ سے اُتری تو فرش پر بکھرے کچھ کیلوں پر اُس کا پاؤں آگیا اور پنکی کے پاؤں سے خون بہنے لگا۔پنکی درد سے رونے لگی تو میکی اسے دیکھ کر پریشان ہو گیا۔اس کے اردگرد چکر کاٹنے لگا اور زور زور سے بھونکنے لگا۔میکی کی آواز سن کر امی ابو بھی آگئے اور وہ پنکی کو فوراً ہسپتال لے گئے۔میکی بے چارہ پنکی کے بغیر اُداس ہو گیا اور بار بار اس جگہ کو دیکھ کر غمگین ہو گیا کہ اس کی وجہ سے اس کی دوست کو چوٹ لگ گئی ہے۔
وہ گیٹ کے باہر جا کر بیٹھ گیا اور پنکی کا انتظار کرنے لگا جب کافی دیر ہو گئی تو اُسے اچانک کچھ خیال آیا تو وہ اندر بھاگ گیا۔!
پنکی کو تھوڑی گہری چوٹ لگی تھی جس کی وجہ سے اس کو شام تک ہسپتال میں رُکنا پڑا اور جب ڈاکٹر کی تسلی ہو گئی تو پنکی کو جانے کی اجازت دے دی گئی۔پنکی گھر آئی تو میکی دروازے پر ہی بیٹھا ہوا تھا اور وہ پنکی کو دیکھ کر خوش ہو گیا اور دُم ہلاتے ہوئے پنکی کے پاؤں چاٹنے لگا۔پنکی نے اسے اُٹھایا اور پیار کرنے لگی۔سب اندر آگئے تو میکی پنکی کو کچھ دکھانا چاہتا تھا،بار بار اس کو اپنی طرف کھینچ رہا تھا لیکن امی میکی کو پنکی سے دور کر رہی تھیں جب پنکی نے دیکھا تو پنکی نے کہا۔!”امی۔۔۔مجھے لگتا ہے میکی مجھے کچھ دکھانا چاہ رہا ہے میں اپنے کمرے میں جانا چاہتی ہوں۔“
پنکی کے بابا پنکی کو سہارا دے کر کمرے میں لے گئے تو میکی بھی ان کے پیچھے پیچھے آگیا،جب سب کمرے میں آئے تو میکی اس جگہ پر جا کر کھڑا ہو گیا جہاں پنکی کو کیل لگا تھا اور پنکی نے دیکھا اس جگہ پر کوئی بھی کیل نہیں تھے۔پھر میکی ایک نکر میں گیا تو سب نے دیکھا اب سارے کیل ایک طرف رکھے ہوئے ہیں جو کہ میکی نے کیے تھے تاکہ دوبارہ پنکی کا پاؤں ان پر نہ آجائے۔سب نے میکی کی طرف دیکھا تو ان کو احساس ہو گیا کہ میکی کو لگ رہا تھا کہ پنکی کو اس کی وجہ سے چوٹ لگی ہے تو پنکی نے بڑے پیار سے میکی کو پیار کرتے ہوئے کہا۔”میکی اس میں تمہارا کوئی قصور نہیں تھا،تمہاری کوئی غلطی نہیں ہے،بس میں نے تھوڑی جلد بازی کی مجھے بستر سے نہیں اُٹھنا چاہیے تھا۔میری ذرا سی غلطی سے مجھے مزید دو دن اور بستر پر رہنا پڑے گا لیکن تم فکر مت کرو۔دو دن بعد ہم بھی باہر کھیلنے جائیں گے۔یہ سن کر میکی نے چھلانگ لگائی اور پنکی کی گود میں بیٹھ گیا،پنکی اسے پیار کرنے لگی۔
Browse More Moral Stories
سام ہاؤس آخری قسط
Sam House Aakhri Qist
مستقبل کا قیدی
Mustaqbil Ka Qaidi
جادو کا آئینہ۔۔۔۔۔تحریر:مختاراحمد
Jadu Ka Aaina
تبدیلی ۔۔۔۔ ایک خوشگوار تبدیلی جسے سب نے محسوس کیا تھا۔۔۔۔
Tabdeeli
آم کا درخت
Aam Ka Darakhat
قیمتی تحفہ
Qeemti Tohfa
Urdu Jokes
شیو
Shave
قیمتی بکرا
Qeemati bakra
رکشا ڈرائیور
rickshaw driver
ایک مالدار
Aik maldar
گوروں کی پناہ
goron ki panah
نئی نویلی دلہن
nai noyli dulhan
Urdu Paheliyan
زباں لٹکا کے ہی باہر وہ
zuban latka ke hi bahr wo har bat kehti hy
اک مپرزہ جو لے کر آیا
aik purza jo lay kar aya
دیکھا ہم نے ایک گدھا
dekha hamne ek gadha
یک تلوار سی ہے دو دھاری
aik talwar si hy do dhari
دیکھے ہیں ایسے بھی سمندر
dekhe hain aise bhi samandar
مخمل کے پردے خوشبو کا گھر
makhmal ke parde khushboo ka ghar