Ramzan Mian - Article No. 1727

رمضان میاں

سال کے بارہ مہینوں میں ایک رمضان ہی کے مہینے میں تو اسے کچھ سکون میسر آتا تھا ۔

منگل 12 مئی 2020

Ramzan Mian
محمد علیم اللہ اصلاحی
جیسے جیسے عید کا دن قریب آرہا تھا رمضان میاں کی الجھن بڑھتی جا رہی تھی ۔سال کے بارہ مہینوں میں ایک رمضان ہی کے مہینے میں تو اسے کچھ سکون میسر آتا تھا ۔اب وہ بھی ختم ہونے کو تھا ۔
کچھ سال پہلے تک حالات اتنے دگرگوں نہ تھے ۔وہ محنت مزدوری کرکے کسی نہ کسی طرح گھر کا خرچ پورا کر لیتا تھا ،لیکن گزشتہ کچھ سالوں سے کمر توڑ مہنگائی اور اقتصادی بحران نے تو جینا ہی مشکل کر دیا تھا ۔اب اس قلیل آمدنی میں پورے گھر کا خرچ چلانا بہت مشکل ہو رہا تھا ۔
روزگار کے مواقع بھی کچھ بہتر نہ تھے۔ اور اوپر سے حکومت کی نت نئی پالیسیوں نے تو سب کچھ تباہ کرکے رکھ دیا تھا۔
ان حالات میں ایک مزدور کی گزر اوقات بہت مشکل ہو گئی تھی ۔گھر میں ایک بوڑھی ماں ،بیوی اور تین بچے تھے، چھ افراد کے اخراجات کسی پہاڑ سے کم نہ تھے ۔

(جاری ہے)

بڑوں کو تو سمجھایا جا سکتا تھا لیکن بچے ماننے میں کہاں آتے تھے ۔ان کو تو بس ایک ہی دھن تھی کہ عید آرہی ہے اب نئے کپڑے بنیں گے گھر میں سویاں تیار ہو گی۔ اوروں کی طرح ہمیں بھی عیدی ملے گی۔
رمضان شروع ہوا تو تھوڑا سکون ملا تھا۔
چلو اب ایک وقت ہی کے کھانے کا بندوبست کرنا پڑے گا ۔بیمار ماں نے بھی روزے رکھنے شروع کر دئیے کہ اس بہانے بیٹے کو کچھ سکون ملے گا۔ بیوی نے ان بچوں کو جن پر ابھی روزے فرض بھی نہ ہوئے تھے ثواب کا لالچ دے کر روزے رکھنے کے لئے راضی کر لیا تھا ۔
اب صرف ایک وقت کے کھانے کا امکان باقی تھا۔ اس کے علاوہ بستی کے کھاتے پیتے لوگ بھی کبھی کبھی افطاری کے نام پر کچھ پکوان اور پھل وغیرہ بھیج دیتے ،جس سے کچھ گزر اوقات ہو جاتی تھی۔ رمضان میاں سوچ رہے تھے ،عید آنے کو ہے لیکن یہ مہینہ تو جیسے پر لگا کر اڑتا جا رہا تھا بس اب آخری عشرہ باقی رہ گیا تھا ۔
عید آنے کو ہے ۔اب کیا ہو گا ؟بچوں کے کپڑے کہاں سے بنیں گے ؟گھر میں سوئیاں وغیرہ کا تو کوئی انتظام ہی نہیں ہے، اور آگے پھر سے دو وقت کی روٹی کا اہتمام کرنا پڑے گا۔ کاش کہ ساری عمر رمضان کا ہی مہینہ ہوتا۔

مزید اخلاقی کہانیاں

Batakh K Anday

بطخ کے انڈے

Batakh K Anday

Kahani Quaid E Azam Ki

کہانی قائداعظم رحمتہ اللہ کی

Kahani Quaid E Azam Ki

Paariyaan Aur Chamkeela Pathar

پریاں اور چمکیلا پتھر

Paariyaan Aur Chamkeela Pathar

Eheem Cheez

اہم چیز

Eheem Cheez

Gumshuda Anguthi

گمشدہ انگوٹھی۔۔تحریر:مختار احمد

Gumshuda Anguthi

Eid Card

عید کارڈ

Eid Card

Azad Parinda

آزاد پرندہ

Azad Parinda

گفتگو کا سلیقہ

Guftagu Ka Saleeqa

Khazanay Ki Chori

خزانے کی چوری۔۔تحریر:مختار احمد

Khazanay Ki Chori

Zalim Badsha

ظالم بادشاہ

Zalim Badsha

Gharoor Ki Saza

غرورکی سزا

Gharoor Ki Saza

Jazba

جذبہ

Jazba

Your Thoughts and Comments