Roza Rakhne Ka Shouq - Article No. 2228

روزہ رکھنے کا شوق - تحریر نمبر 2228
رضیہ اور شبانہ نے ماما سے وعدہ کیا کہ اب وہ صرف اللہ کی خوشنودی کی خاطر روزہ رکھیں گی
ہفتہ 9 اپریل 2022
شبانہ اور رضیہ رمضان کی آمد پر بہت خوش تھیں،دونوں نے پورے روزے رکھنے کا ارادہ کیا تھا رات کے کھانے کے بعد سب بیٹھے ٹی وی دیکھ رہے تھے کہ رضیہ نے امی سے اپنے ارادے کا ذکر کیا ”ماما میں نے اس رمضان میں پورے روزے رکھنے ہیں“ اور شبانہ بولی ”ماما میں بھی پورے روزے رکھوں گی“ اچھا ماما نے کہا ”تم مجھے سچ سچ بتاؤ کہ روزے کیوں رکھنا چاہتی ہو مجھے بالکل سچ بتاؤ کہ تم کیوں ایسا چاہتی ہو کیا تم رمضان اور اس کی اہمیت سے واقف ہو؟“
رضیہ نے شرماتے ہوئے کہا اصل میں․․․!
شرماؤ نہیں ماما نے کہا مجھے بتاؤ؟تو رضیہ بولی ”اصل میں ماما آپ مجھے فاسٹ فوڈ کھانے سے روکتی ہیں کہ پیزا اور برگر وغیرہ نہ کھایا کرو زیادہ فاسٹ فوڈ نقصان دہ ہوتا ہے لیکن روزہ رکھنے کے بعد اگر میں افطاری کے وقت ضد کرتی ہوں کہ گھر کا کھانا نہیں بلکہ مجھے برگر چاہئے یا مجھے پیزا منگوا دیں تو آپ منگوا دیتی ہیں کہ روزہ کھولنے کے بعد کھانا نہیں کھائے گی تو کمزور اور بیمار ہو جائے گی۔
(جاری ہے)
شبانہ نے کہا ”ماما میں رضیہ سے بڑی ہوں اس لئے آپ مجھے ہر کام کہہ دیتی ہیں،چائے بنا لاؤ،چھوٹے بہن بھائیوں کے کپڑے استری کر دو،لیکن رمضان میں اگر میں روزے سے ہوتی ہوں اور آپ سے کہتی ہوں مجھے روزہ لگ رہا ہے کام نہیں کرنا تو آپ مجھے کچھ نہیں کہتیں بلکہ خود ہی کر لیتی ہیں“ یعنی تم بھی روزے کا غلط استعمال کرنا چاہتی ہو،ماما تھوڑی دیر خاموش رہیں پھر بولیں ”میری باتیں اب تم دونوں غور سے سنو․․․․!میں تمہیں ڈانٹوں گی نہیں کیونکہ تم دونوں نے سچ بولا ہے اور میرے پوچھنے پر اپنے صحیح ارادے مجھے بتا دیئے،میں تمہیں روزے کی اہمیت بتانا چاہتی ہوں،اللہ تعالیٰ نے فرمایا روزہ میرے لئے ہے اور میں خود اس کی جزا دوں گا۔“
روزہ صرف اور صرف اللہ کی خوشنودی کی خاطر اور فرض سمجھ کر رکھنا چاہیے ایسا فرض جو اللہ نے ہمارے فائدے کے لئے ہم پر عائد کیا ہے تاکہ رمضان کے مہینے میں ہماری ٹریننگ ہو جائے اور ہم غلط کاموں سے بچے رہیں،بھوک پیاس کی شدت میں ہمیں دوسروں کی تکلیف کا احساس ہو اور کسی بھوکے پیاسے کی تکلیف دور کرکے خوشی ہو،روزہ رکھ کر دوسروں کی برائی کرنے سے بچیں اور زیادہ سے زیادہ اچھے کام کریں،روزہ رکھنے کے بعد ہماری شخصیت میں اچھی تبدیلی آئے ”رضیہ اور شبانہ نے ماما سے وعدہ کیا کہ اب وہ صرف اللہ کی خوشنودی کی خاطر روزہ رکھیں گی۔“
Browse More Moral Stories

بی لومڑی سدھر گئیں
Bi Lomri Sudhar Gayin

آدھی موت
Aadhi Maut

پہچان
Pehchan

مور کی اُداسی
Moor Ki Udassi

ادھوری عید
Adhoori EID

چمکتا چاند ستارہ رہے (آخری قسط)
Chamakta Chand Sitara Rahe (Akhri Qist)
Urdu Jokes
اقبال احمد سے
Iqbal ahmad se
کامران دکان دار سے
Kamran dukaan daar se
چائے کے دانت
Chaye Ke Dant
بہت سی غلطیاں
bahut si galtiyan
ایک شخص
Aik shakhs
ایک صاحب نے اپنے بٹیے
aik sahib ne apne bete
Urdu Paheliyan
کتیا بھونک کہ جو کہتی ہے
kutiya bhounk ke jo kehti hai
ایک کھیتی کی شان نرالی
ek kheti ki shaan nirali
آندھی ہو یا تیز ہوا
aandhi ho ya taiz hawa
رکھی تھی وہ چپ چاپ کیسی
rakhi thi wo chup chaap kaise
وہ چھوٹے ہیں یا وہ بڑے ہیں
wo choty hen ya wo bary hen
اس نے سب کے کام سنوارے
us ne sab ke kam sanwary