Sacha Sathi - Article No. 2297

سچا ساتھی - تحریر نمبر 2297
ہمیں جانوروں کے ساتھ اچھا سلوک کرنا چاہئے
ہفتہ 2 جولائی 2022
ایک دفعہ کا ذکر ہے کہ سلطانہ نامی ایک لڑکی اپنے والد کے ساتھ ایک چھوٹے سے گاؤں میں رہتی تھی۔اس کی والدہ کا بچپن میں ہی انتقال ہو گیا تھا۔وہ اپنے گھر کا کام خود ہی کرتی تھی اور پھر کالج بھی جاتی تھی۔کالج جاتے ہوئے وہ ہر روز راستے میں ایک جگہ پر پرندوں کو کھانا کھلایا کرتی تھی۔اس کے گھر میں بھی دو پرندے تھے،وہ انہیں روزانہ کھلایا کرتی تھی۔ایک دن زمیندار کے بیٹے نے اسے پرندوں کو کھانا کھلاتے دیکھا۔تو اس نے اپنے والد کے پاس جا کر کہا کہ وہ سلطانہ سے شادی کرنا چاہتا ہے۔
زمیندار نے سلطانہ کے والد سے بات کی اور اپنے بیٹے کی شادی سلطانہ سے کروا دی۔سلطانہ اپنے پرندوں کا پنجرے کے ساتھ اپنے سسرال کے گھر گئی۔وہ پرندوں کو روزانہ کھلاتی تھی۔
(جاری ہے)
سلطانہ کی ساس کو یہ بات بالکل پسند نہیں تھی۔
وہ ان پرندوں کو تنگ کرتی تھی۔وہ ان کے دانے زمین میں پھینک دیتی تھی۔ایک دن سلطانہ کی ساس نے پرندوں کا پنجرا زمین پر پھینک دیا۔سلطانہ نے اسے یہ کرتے دیکھ لیا۔جب سلطانہ نے اپنی ساس کو منع کیا تو اس کی ساس نے اسے ڈانٹ دیا۔سلطانہ اپنی ساس کی ان سب چیزوں سے پریشان ہونے لگی۔ایک دن جب سلطانہ کے شوہر نے پریشانی کی وجہ پوچھی تو اس نے ساری بات بتا دی۔اس کا شوہر سلطانہ کو پرندوں کی بھلائی کے لئے انہیں پارک میں چھوڑنے کا مشورہ دیتا ہے۔اپنے شوہر کے کہنے پر سلطانہ نے باقی پرندوں کے ساتھ دونوں پرندوں کو بھی پارک میں چھوڑ دیا۔
وہ کبھی کبھی کھانا دینے پارک میں جاتی تھیں۔اب پارک کے سارے پرندے سلطانہ کے اچھے دوست بن چکے تھے۔پرندوں نے بھی اب سلطانہ کے گھر آنا شروع کر دیا۔جب سلطانہ کی ساس کو یہ پتہ چلا تو وہ ناراض ہو جاتی ہے۔ایک دن وہ سلطانہ کو اپنے ساتھ ڈاکٹر کے پاس لے کر جا رہی تھی کہ راستے میں،کچھ چوروں نے سلطانہ کی ساس کے زیورات چوری کرنے کی کوشش کی۔تب سلطانہ کے پرندے آئے اور چوروں پر حملہ کیا۔جس کی وجہ سے چور فرار ہو گئے۔اس کے بعد سلطانہ اور اس کی ساس گھر لوٹ گئیں۔
اب سلطانہ کی ساس نے پرندوں کے بارے میں اپنا ذہن بدل لیا تھا۔اس نے سلطانہ سے کہا کہ اب ہم دونوں پرندوں کو کھانا دینے اور پہلے دو پرندوں کو گھر واپس لانے کے لئے جائیں گے۔یہ سن کر سلطانہ بہت خوش ہوئی۔یہ کہانی ہمیں سبق دیتی ہے کہ ہمیں جانوروں کے ساتھ اچھا سلوک کرنا چاہئے۔
Browse More Moral Stories

چڑیا کی کہانی
Chirya Ki Kahani

صلہ رحمی
Silla Rehmi

سکون کی لہر
Sukoon Ki Leher

دادا ابو
Dada Abu

بارہ پیٹھے تیرہ لاگی
12 Paithay 13 Laagi

بُستان صاحب کی سیڑھی
Bustan Sahib Ki Seerhi
Urdu Jokes
سکھ
Sikh
طوطے کی نیلامی
Totai ki neelami
نیلام گھر
Neelam Ghar
شرم کسے آئے
sharam kaise aaye
استاد
Ustaad
ماں
Maa
Urdu Paheliyan
اک شے سب کی دیکھی بھالی
ek shay sab ki dekhi bhali
اک شے کے ہیں پوت ہزار
ek shai ke hen poot hazar
تن کی لمبی سر کی چھوٹی
tun ki lambi sar ki choti
گھوم گھوم کر گیت سنائے
ghoom ghoom ke geet sunaye
جس کے پاؤں کے نیچے آئے
jis k paon ke neeche ae
جب وہ بولے ایک اکیلا
jab wo bole aik akela