Urdu Hamari Zuban - Article No. 2045
اردو ہماری زبان - تحریر نمبر 2045
اردو ہماری قومی زبان ہے اور آج بھی دنیا کی تیسری سب سے زیادہ بولی اور سمجھی جانے والی زبان ہے
منگل 24 اگست 2021
اردو ایک زندہ زبان ہے اور زندہ زبان کی یہ خوبی ہوتی ہے کہ وقت اور زمانے کے ساتھ اس میں تبدیلیاں واقع ہوتی ہیں۔اردو مغلیہ عہد میں پھلی پھولی۔وہیں اس کو عروج حاصل ہوا جو بہت کم زبانوں کو نصیب ہوا۔اردو سے پہلے برصغیر میں فارسی کے ساتھ ہندی بولی جاتی تھی،لیکن یہ عروج اس کو کبھی حاصل نہ ہو سکا۔
اردو ہماری قومی زبان ہے اور آج بھی دنیا کی تیسری سب سے زیادہ بولی اور سمجھی جانے والی زبان ہے۔
اردو کو خدا نے ایسے ادیب و شعرا عطا کیے،جنھوں نے اس کو زندگی بخشی۔ان میں ولی دکنی،میرتقی میر،مرزا ادیب،سودا،ابراہیم،ذوق وغیرہ کے نام بہت نمایاں ہیں۔
ہمارے ہاں اردو زوال کا شکار ہے۔اس کی اہمیت میں دن بدن کمی آرہی ہے،آخر اس کی وجہ کیا ہے؟ایک دور تھا جب داغ دہلوی نے یہ شعر کہا تھا:
اردو ہے جس کا نام ہم ہی جانتے ہیں داغ
سارے جہاں میں دھوم ہماری زباں کی ہے
لیکن پھر ایک وقت آیا کہ انگریزوں نے برصغیر پر قبضہ کر لیا اور پھر جہاں ہماری تہذیب کو نقصان پہنچا وہیں اردو کے راستے میں بھی رکاوٹ پیدا ہوئی۔
(جاری ہے)
زبان کی ترقی اور تنزلی اس کو بولنے والے یعنی اہلِ زبان کے ہاتھ میں ہوتی ہے۔اب ہم کیا کر سکتے ہیں اردو کی ترقی کے لئے؟میں ایک سچی مثال پیش کرتا ہوں:
میرے خالہ زاد بھائی اظہر اعلیٰ تعلیم کے لئے چین گئے،پہلے ایک سال انھوں نے صرف چینی زبان سیکھی،جب وہ واپس آئے تو میں نے پوچھا:”اظہر بھائی!وہاں تو ابتداء میں آپ کو بہت مشکل ہوئی ہو گی؟“
انھوں نے جواب دیا:”بہت!وہاں کسی کو انگریزی آتی ہی نہیں اور اگر کسی کو آتی بھی ہے تو وہ شرم کے مارے نہیں بولتا۔“
یہ ہوتی ہے زندہ اقوام کی پہچان وہ اپنی زبان سے بے پناہ محبت کرتے ہیں اور اپنی زبان و تہذیب پر کسی اور زبان اور تہذیب کو فوقیت نہیں دیتے۔آپ کو یہ سن کر حیرت ہو گی کہ دنیا میں سب سے زیادہ بولی اور سمجھی جانے والی زبان بھی چینی ہے۔جب کہ دوسرا نمبر انگریزی کا ہے،اس کے بعد اردو کا نمبر ہے۔
کچھ عرصہ قبل اردو کو پاکستان کی دفتری زبان کا درجہ بھی دے دیا گیا۔اب ہماری ذمے داری ہے کہ ہم فروغ اردو کے لئے کوشش کریں،اردو بولیں،لکھیں،پڑھیں اور اس پر فخر محسوس کریں۔اردو کے ساتھ ساتھ اپنی مادری اور علاقائی زبانوں سے محبت کرنا اور انھیں سیکھنا بھی ایک قابل قدر کام ہے۔اردو کی ترقی جب ہی ممکن ہے جب پوری قوم مل کر کوشش کرے۔
Browse More Moral Stories
جیب کترا
Jaib Katra
خوبصورت تحفہ
Khubsurat Tohfa
جشن آزادی مبارک ہو۔۔۔تحریر: مختار احمد
Jashn E Azadi Mubarak Ho
چاند کہاں سے آیا
Chand Kahan Se Aya
دادا اور سلام
Daad Aur Salam
تِل
Til
Urdu Jokes
جج ملزم سے
Judge mulzim se
ضرورت ملازمت
Zaroorat mulazmat
ایک جہاز کے ڈوبنے کا خطرہ
aik jahez ke doobne ka khatra
استاد نے شاگرد سے کہا
Ustaad ne shagird se kaha
ٹیچر
Teacher
بیمہ ایجنٹ
bima agent
Urdu Paheliyan
مارو کوٹو لے لو کام
maro koto lelo kaam
اک رہ پہ دو بہنیں جائیں
ek raah pe do behne jaye
جس کے پاؤں کے نیچے آئے
jis k paon ke neeche ae
روشنی یا اندھیرا لاتا ہے
roshni ya andhera lata hy
بنے ہوئے ہیں ایسے دو گھر
bane huye hain aisy do ghar
ایک ہی گھر میں رہنے والے
ek hi ghar me rehne waly