Zid Nahi Karna - Article No. 2515
ضد نہیں کرنا - تحریر نمبر 2515
عائشہ نے گھر آ کر مما سے اپنی ہٹ دھرمی کی معافی مانگی اور کہا کہ میں آج کے بعد سردیوں میں آئس کریم کھانے کی ضد کبھی نہیں کروں گی۔
منگل 9 مئی 2023
”مما!مجھے آئس کریم لے کر دیں۔میں نے آپ سے پہلے بھی کہا تھا“ ننھی عائشہ اپنی مما سے بار بار آئس کریم کھانے کی فرمائش کر رہی تھی۔”بیٹا!میں نے آپ سے کہا نا کہ بچے سردیوں میں آئس کریم نہیں کھاتے ورنہ وہ بیمار ہو جاتے ہیں۔“اُس کی مما اُسے کئی بار یہ الفاظ کہہ چکی تھیں لیکن اُس پر کوئی اثر نہیں ہوا۔دراصل آج دوپہر کو سکول سے چھٹی کے بعد گھر واپس آتے ہوئے عائشہ نے آئس کریم بیچنے والے کو دیکھا تھا۔آئس کریم اُس کی بہت پسندیدہ چیز تھی،تبھی اُس کے منہ میں پانی بھر آیا۔اُس نے آئس کریم والے سے اُس کی قیمت پوچھی تو اُس نے پندرہ روپے بتائی۔عائشہ نے آئس کریم خریدنے کیلئے جیب میں ہاتھ ڈالا تو صرف نو روپے باقی بچے تھے۔
(جاری ہے)
اُسے بہت غصہ آیا کہ مما اُسے اتنے کم پیسے کیوں دیتی ہیں حالانکہ وہ روزانہ پچاس روپے پاکٹ منی لیتی تھی۔
گھر آتے ہی اُس نے مما سے کہنا شروع کر دیا کہ اُسے آئس کریم لا کر دیں۔مما نے اُس کو بہت سمجھایا کہ سردیوں میں آئس کریم نہیں کھانی چاہیے۔تنگ آ کر انہوں نے کہا کہ اُس کے پاپا شام کو آفس سے واپسی پر آئس کریم لے آئیں گے۔بڑی مشکل سے عائشہ راضی ہوئی۔رات کو اُس کے پاپا نے فون پر بتایا کہ آفس میں کام بہت زیادہ ہے،اس لئے وہ آج گھر نہیں آ سکیں گے۔عائشہ کو یہ پتا چلا تو اُس نے دوبارہ ضد شروع کر دی۔آخر مما نے اپنے ملازم فضلو کو بلایا اور اُس کو مارکیٹ سے آئس کریم لانے بھیج دیا۔عائشہ نے مزے لے لے کر آئس کریم کھائی اور پھر سو گئی صبح وہ اُٹھی تو اُس کے گلے میں شدید درد تھا اُس کے تو حلق سے آواز نہ نکل پا رہی تھی۔ساتھ تیز بخار بھی ہو گیا تھا،اس وجہ سے وہ سکول بھی نہ جا سکی۔تھوڑی دیر بعد پاپا گھر آئے تو مما نے اُنہیں ساری بات سے آگاہ کیا۔وہ عائشہ کو لے کر ڈاکٹر کے پاس گئے اور دوا لے کر آئے۔ڈاکٹر نے بتایا کہ ٹھنڈی شے کھانے کے باعث اُس کا گلا بیٹھ گیا تھا۔شام تک ٹھیک ہو جائے گا۔عائشہ نے گھر آ کر مما سے اپنی ہٹ دھرمی کی معافی مانگی اور کہا کہ میں آج کے بعد سردیوں میں آئس کریم کھانے کی ضد کبھی نہیں کروں گی۔مما نے اسے معاف کرتے ہوئے پیار سے اپنی گود میں بٹھا لیا۔
ننھے ساتھیو!سردی میں آئس کریم اور دیگر ٹھنڈی اشیاء کھانے سے احتیاط کیجئے ورنہ خدانخواستہ بیمار پڑ گئے تو کڑوی دوائیاں کھانی ہو گی اور ہو سکتا ہے موٹی سی سوئی والے انجکشن کی تکلیف سے بھی دوچار ہونا پڑے اس لئے بے جا ضد کرنا اچھا نہیں ہوتا۔
Browse More Moral Stories
افواہ سازی
Afwah Sazi
عقل کا آلہ
Aqal Ka Aala
بے چارہ جاسوس ۔۔تحریر: مختار احمد
Bechara Jasoos
سانپ کی خصلت
Sanp Ki Khaslat
شیروں کی باتیں
Sheron Ki Batain
مْنّی کے جوتے۔۔تحریر:مختار احمد
Munni Ke Jute
Urdu Jokes
یاد
yaad
گدھے کا گوشت
gadhe ka gosht
بے وقوف انسان
Bewakoof Insan
سوٹ
Suit
جواہر لعل نہرو
Jawaharlal Nehru
سمجھ دار بیٹا
samajh daar beta
Urdu Paheliyan
ایک ناری نے آفت ڈھائی
ek naari ny aafat dhai
جنت میں جانے کا حیلہ
jannat mein jaane ka hela
کوئی ہڈی اور نا بال
koi haddi or na baal
ایک جگہ پر چکر کھائے
aik jaga par chakkar khaye
دنیا میں ہے ایک خزانہ
duniya mein hai ek khazana
دھرتی سے نکلا اک بالک
dharti se nikla ek balak