Samsung Galaxy M10 and M20 go official with Infinity-V displays, wide cameras

سام سنگ نے Infinity-V ڈسپلے اور وائیڈ کیمرا کے ساتھ سام سنگ گلیکسی ایم 10 اور ایم 20 متعارف کرا دئیے

سام سنگ نے بھارت میں اپنی نئی مڈ رینج لائن اپ کے پہلے دو سمارٹ فون گلیکسی ایم 10 اور گلیکسی ایم 20 متعارف کرائے ہیں۔ان دونوں سمارٹ فونز میں Infinity-V سکرین، بیک پر 13 میگا پکسل کا ریگولر اور 5 میگا پکسل کے الٹرا وائیڈ اینگل کیمرے، ڈوئل سم اور فیس انلاک فیچرز ہیں۔

سام سنگ گلیکسی ایم 20

گلیکسی ایم 20 کا ڈسپلے 6.3 انچ 2340x1080px IPS LCD ہے۔ اس کی واٹر ڈراپ نوچ میں 8MP f/2.0 کا سیلفی کیمرہ ہے جو فیس انلاک کے لیے بھی کام آتا ہے۔ فون کی بیک پر 13MP f/1.9 پرائمری اور 5MP f/2.2 وائیڈ اینگل کیمرہ کے ساتھ فنگرپرنٹ سکینر بھی ہے۔

گلیکسی ایم 20 میں سام سنگ کا ہی ایگزینوس 7904 (14nm, 4x Cortex-A73 @ 1.8GHz اور 4x Cortex-A53 @ 1.8GHz) چپ سیٹ، 3 جی بی یا 4 جی بی ریم اور 64 جی بی انٹرنل سٹوریج ہے۔

(جاری ہے)

انٹرنل سٹوریج کو مائیکرو ایس ڈی کارڈ سے بڑھایا بھی جا سکتا ہے۔
گلیکسی ایم 20 کا ایک زبردست فیچر 15Wوائرڈ چارجنگ سپورٹ کے ساتھ 5000 ایم اے ایچ کی بیٹری ہے۔

گلیکسی ایم 20 میں Samsung Experience 9.5 کے ساتھ اینڈروئیڈ 8.1 اوریو انسٹال ہے۔ فون میں 3.5 ایم ایم ہیڈ فون جیک اور ہائبریڈ ڈوئل سم سلاٹ ہے۔

سام سنگ گلیکسی ایم 10
سام سنگ گلیکسی ایم 10 کا ڈسپلے 6.2 انچ ایل سی ڈی ہے۔

اس کی ریزولوشن کچھ کم یعنی 1520x720 پکسل ہے۔ اس کے Infinity-V ڈسپلے کی نوچ میں 5MP f/2.0 سیلفی کیمرہ ہے۔ اس فون میں فنگر پرنٹ سکینر نہیں ہے۔
فون کا رئیر کیمرہ ایم 20 کی طرح ہی 13 میگا پکسل ریگولر اور 5 میگا پکسل الٹرا وائیڈ ہے۔ اس فون میں ایگزینوس 7870 (14nm 8x Cortex-A53 @ 1.6GHz) چپ سیٹ، 2 جی بی یا 3 جی بی ریم اور انٹرنل سٹوریج 32 جی بی ہے۔

گلیکسی ایم 10 میں ریگولر چارجنگ کے ساتھ 3430 ایم اے ایچ کی بیٹری ہے۔
یہ دونوں فون ایمزون انڈیا اور سام سنگ کے اپنے سٹور پر دستیاب ہونگے۔ گلیکسی ایم 20 کے 3 جی بی ریم ماڈل کی قیمت 11 ہزار بھارتی روپے یا 135 یورو اور 4 جی بی ریم ماڈل کی قیمت 13 ہزار بھارتی روپے یا 160 یورو ہے۔

گلیکسی ایم 10 کے 2 جی بی ماڈل کی قیمت 8 ہزار بھارتی روپے یا 100 یورو اور 3 جی بی ماڈل کی قیمت 9 ہزار بھارتی روپے یا 110 یورو ہے۔ دونوں سمارٹ فونز کی فراہمی کا اغاز 5 فروری سے ہوگا۔