Rawalpindi PurIsrar Chaku Bardar K Narsoon Per Hamle
راولپنڈی، پراسرار چاقوبردار کے نرسوں پر حملے
ایک نرس جاں بحق دوسری شدید زخمی علاقے میں خوف واہرس تھانہ مورگاہ خواتین کیلئے نوگوایریاین گیا۔اگرچہ پولیس بھی کوئی اور واردات نہ ہونے اور ملزم کی گرفتاری کیلئے رتجگے میں رہی لیکن ملزم نے بھی گرفتاری تک پولیس اور اہلیان علاقہ کو اپنی پراسراریت سے خوف تگنی کا ناچ نچائے رکھا۔
پیر 22 اگست 2016
گزشتہ کئی مہینوں سے راولپنڈی کے تھانہ مورگاہ کے علاقے میں کئی خواتین کو چاقوکے وار کرکے زخمی کرنے کے واقعات ہوتے چلے آرہے تھے لیکن اکثر واقعات میں خواتین کے ورثاء نے تھانے کا رخ کرنے کی بجائے چپ سادھناسی مناسب جانا۔ چند دن قبل نامعلوم موٹر سائیکل سوار نے فوجی فاؤنڈیشن ہسپتال کی نرس انعم ناز اور ارم شہزادی کو راولپنڈی کینٹ میں شاپنگ کے بعد واپسی پر ہسپتال کے گیٹ کے قریب چاقو کے واروں سے زخمی کیا اس دوران انعم ناز زندگی کی بازی ہار گئی جبکہ ارم شہزادی بروقت طبی امداد ملنے سے بچ گئی ۔ دونوں نرسیں سرگودھا کی رہائشی تھیں اور فوجی فاؤنڈیشن ہسپتال سے وابستہ تھیں اس واقعہ کے رونماء ہونے کے بعد راولپنڈی کے پولیس حکام سی پی اواسرار احمد خان عباسی، ایس پی یوٹھوہارمحمد عتیق طاہر، ڈی ایس پی سول لائن سرکل فرحان اسلم ایس ایچ او ملک کوثر کے ہمزرہ پورے علاقے کے دورے کرنے میں مصروف ہوگئے پولیس نامعلوم حملہ آور کی تلاش میں زیروٹالرینس کی پالیسی پر چلنے لگی جب پولیس کے سامنے حملہ آور کی شناخت کیلئے کوئی مدد گار پہلو نہ آیا تو اس کی تفتیش اور گرفتاری کیلئے چھاپے، سرچ آپریشن اندھیرے میں ٹاک ٹوئیوں سے زیادہ کچھ نہ تھے۔
(جاری ہے)
ہسپتال میں زیر علاج نرس ارم شہزادی ہوش میں آئی اور اس ملزم کے حلیہ کے بارے میں پولیس کو بتایا تو اس کی روشنی میں ملزم کے بنائے گئے خاکے کی مدد سے بالآخر سی ٹی ڈی پولیس نے ملزم کو مورگاہ کے علاقے سے گرفتار کرلیا اور اس طرح پولیس کیلئے عرصہ سے چھلاوابنا ملزم محمد علی سکنہ ناڑہ مٹور کہوٹہ اس کے ہتھے چڑھ گیا اور اس پراسرار ڈرامے کا ذراپ سین ہوگیا۔ اس سلسلے میں سی پی اور راولپنڈی اسرار احمد خان عباسی نے بتایا کہ اس واردات معلوم کے ملزم کا نرس ارم شہزادی کے بیان کے روشنی میں اس کاخاکہ تیار کیا گیا تھا جس کے بعد ہمیں ملزم کے حلئے سے مشابہہ جو بھی نظر آیا ہم نے اسے پکڑ کرشامل تفتیش کر لیا اور وارداتوں میں استعمال ہونے والا آلہ ضرر بھی برآمد ہوگیا ہے۔ ایس پی پوٹھوہار محمد عتیق طاہر نے بتایا کہ ٹیکنیکل ذرائع سے بھی ملزم کی تلاش اور شناخت میں مدد لی گئی جس کے بعد عوام کو اس کی گرفتاری کی جلد خوشخبری سنانے کا عندیہ بھی دیاگیا تھا۔ پولیس جب ہسپتال میں زیر علاج زخمی نرس کا بیان لینے گئی تو ارم شہزادی نے بتایاکہ ملزم حلئے سے پتلے چہرے اور لمبی ناک والا کالے رنگ کا شخص تھا جس نے سرپر ڈوپٹے کے مشابہہ رومال اوڑھ رکھا تھا دریں اثناء تھانہ مورگاہ کے علاقے میں جتنے بھی چاقوزنی کے واقعات ہوئے ان سب میں حملہ آور ایک ہی تھا۔ جاں بحق ہونے والی نرس انعم ناز کے والد محمد اشرف نے بتایا کہ میں راولپنڈی میں محلہ حضرت عباس کالونی میں کرائے کے مکان میں اپنی بیٹی کے ساتھ رہائش پذیر تھا۔ میری بیٹی اپنی ساتھی نرس ارم شہزادی کے ہمراہ جارہی تھی کہ ایک شخص نے چاقو سے دونوں پر حملہ کیاجس میں مدعی کی بیٹی جاں بحق ہوگئی جبکہ ارم شہزادی زخمی ہوئی ہے اس ایف آئی آر کے اندراج کے بعد سے تھانہ مورگاہ کے علاقے میں مکین شدید خوف وہراس سے دوچار ہیں۔ اگرچہ پولیس بھی کوئی اور واردات نہ ہونے اور ملزم کی گرفتاری کیلئے رتجگے میں رہی لیکن ملزم نے بھی گرفتاری تک پولیس اور اہلیان علاقہ کو اپنی پراسراریت سے خوف تگنی کا ناچ نچائے رکھا۔
Rawalpindi PurIsrar Chaku Bardar K Narsoon Per Hamle is a khaas article, and listed in the articles section of the site. It was published on 22 August 2016 and is famous in khaas category. Stay up to date with latest issues and happenings around the world with UrduPoint articles.
راولپنڈی کے مزید مضامین :
بہت سی کائناتوں کا نظریہ
Bahut si kaenatoN ka nazria
راولپنڈی، پراسرار چاقوبردار کے نرسوں پر حملے
Rawalpindi PurIsrar Chaku Bardar K Narsoon Per Hamle
”دہشت گردی کے خلاف پیچیدہ جنگ؟“
DehshaatGardi K Khilaf Paicheda Jang
کشمیر بر صغیر کی تقسیم کا نامکمل ایجنڈا ہے۔۔۔۔
Raheel Sharif ne Youm e Difa K Moqa Per Qoumi Muaqaf Bayan Kar Diya
راولپنڈی۔۔۔ اسلام آبادمیٹرو لاکھوں شہری مستفید ہونگے
Rawalpindi Islamabad Metro
راولپنڈی کنٹونمنٹ اور چکلالہ کنٹونمنٹس میں 20میں سے19 نشستیں مسلم لیگ ن نے جیت لیں
Rawalpindi Or Chaklala Cantonment Main Muslim League N Kamyab
راولپنڈی کا المناک سانحہ
Rawalpindi Ka ALamnak Saneha
عدم برداشت نے جذبات کو بے قابو کر دیا
Adam Bardasht Ne Jazbat Ko BeQabo Kar Diya
راولپنڈی مسلم لیگ (ن) کا لینن گراڈ کیا کوئی جماعت سر کرے گی !
RawalPindi Ka Lenon Grand
راولپنڈی عرف پنڈی!!
Rawalpindi
راولپنڈی چھاؤنی پھر خون میں نہا گئی
RawalPindi Chaoni Phir Khoon Main Naha Gaaye
راولپنڈی کا خودکش حملہ ، حکومتی حفاظتی انتظامات کو ”چیلنج“ !
Rawalpindi Blast
راولپنڈی سے متعلقہ
پاکستان کے مزید مضامین
-
سیلاب کی تباہکاریاں اور سیاستدانوں کا فوٹو سیشن
-
مقبرہ جانی خان
-
خاموش سلطنت، میانی صاحب قبرستان
-
جاوید منزل کی تاریخی اہمیت
-
کھابے ، گلگت بلتستان کے ۔۔۔
-
چنیوٹ کا تاج محل
-
1965 کی جنگ میں پاکستان کی بحری افواج کا کردار
-
جوائنٹ میری ٹائم انفارمیشن کو آرڈینیشن سینٹر ۔ میری ٹائم انفارمیشن کا مرکز
-
میانوالی (پنجاب کا پختونخواہ)
-
علی چوہدری کی”ڈیجیٹل سلطنت“
-
پاک بحریہ: سات دہائیوں کی داستان
-
بلواکانومی کی ترقی کے لیے سمندر کے حوالے سے لاعلمی ختم کرنے کی ضرورت