Lahore Police Ka Masjid Main Adal O Insaaf Ki Farahami Ka Faisla
لاہور پولیس کامسجدمیں عدل و انصاف کی فراہمی کا پروجیکٹ
جمعرات 21 اگست 2014
(جاری ہے)
مسجد کی یہ حیثیت نبی رحمت ﷺ کے زمانے سے لیکر صدیوں بعد تک قائم رہی ۔اسلام کے مثالی دور میں مسجد ہی عدل و انصاف کا مرکز تھی ۔ خود نبی رحمت ﷺ ،خلفائے راشدین اور ان کے تمام حکام مسجد میں ہی بیٹھ کر لوگوں کے معاملات کو سنتے اور یہاں ہی عدل و انصاف کے پیمانوں کے مطابق فیصلے صادر کرتے تھے۔
تاریخ گواہ ہے کہ جب تک مسجد کا یہ مقام باقی رہا امت مسلمہ امت واحدہ کی حیثیت سے اپنا فریضہ احسن طریقے سے سرانجام دیتی رہی لیکن جب یہ رشتہ کمزور ہوا اور اجتماعی زندگی کی مرکزیت مسجد سے منتقل ہو کر دوسری سمتوں اور مرکزوں میں چلی گئی تو امت دین سے دور ہو کر ملی وحدت سے کٹ کر انتشارکا شکار ہو گئی۔دور حاضر میں ہماری اجتماعی زندگی کا شیرازہ بکھر چکا ہے جو امت کے لئے زہر قاتل ثابت ہو رہا ہے ۔ یہی وجہ ہے کہ امت واحدہ قرار دئے جانے والی امت اب مختلف فرقوں ،
گروہو ں اور گروپوں میں تقسیم ہو چکی ہے۔ہمارا معاشرہ بگاڑ ،انتشاراور خلفشار کا بھیانک نمونہ پیش کر رہا ہے ۔بے چینی ،بد امنی،بے سکونی ،وحشت و دہشت گردی عام ہے۔قتل و غارت ،ڈاکہ زنہ،رہزنی ،بددیانتی ،بد عہدی،رشوت خوری،دھوکہ دہی،ملاوٹ،جھوٹ اور فریب کا دور دورا ہے۔ان عذابوں سے نجات حاصل کر نے کے لئے ایسے اقدامات کی ضرورت ہے جو قرون اولیٰ میں کئے گئے تھے کہ جن کی بدولت معاشرہ امن وسکون،محبت و آشتی،اور خوشحالی کا ایسا بے مثال نمونہ بن کے ابھرا تھا کہ یمن کے دار الخلافہ صنعا ء سے ایک اکیلی عورت حج کے لئے تما م زیب و زینت اور زیوارت پہن کر چلتی ہے تو مکہ تک کسی شخص کو اس کی طرف نظر اُٹھانے کی ہمت نہ ہوتی تھی۔آج درد دل رکھنے والے امت مسلمہ کے ہر فرد میں یہ تڑپ اورخواہش مو جود ہے کہ مایوسیوں اور نا امیدیوں کی وجہ سے ہر جانب منحو سیت چھائے ہو ئے ان حالات میں ایک دفعہ پھر قرون اولیٰ کا با برکت اور خیر سے بھر پور امن و امان والا ماحول میسر آسکے۔
قارئین !اس ماحول کو پروان چڑھانے اور مسجد سے لوگوں کے تعلق کو جوڑنے کے لئے لا ہور پولیس کے ڈی، آئی،جی آپریشن نے مسجدوں میں کھلی کچہریوں کا اہتما م کر کے مو قع پر ہی لوگوں کے لڑائی جھگڑوں اور دوسرے معاملات جن کی وجہ سے معاشرہ انتشار کی جانب بڑھ رہا ہے کو عدل وانصاف کے تقاضوں کو مد نظر رکھتے ہوئے حل کرنے کا ”نسخہ کیمیا“تشکیل دیا ہے جس کی جتنی بھی تعریف کی جائے کم ہے۔ڈاکٹر حیدر اشرف کا تعلق پولیس کے ان چند پولیس افسران میں ہوتا ہے جن کا اس ادارے میں قحط پڑتا جا رہا ہے اور جنہیں تلاش کرنے کے لئے دیکھنے والی آنکھ اور دور بین کی ضرورت ہو تی ہے۔ فیصل آباد میں پولیس کے چیف ہونے کے ناطے انہوں نے امن و امان کو قائم رکھنے اور دہشت و وحشت کا بازار گرم رکھنے والے مافیاز کے خلاف جس طور پر کاروائی کی ہے وہ بھی قابل تحسین ہے۔ تھانوں سمیت پولیس ریکارڈ کو کمپیوٹرائزد کرنے،خصوصی ہاٹ لائن کے ذریعے چوبیس گھنٹے عوام کی شکایات کو سن کر فوری ان کی داد رسی کر نا ان کا خاصہ ہے۔ڈاکٹر صاحب میرٹ کو مقدم جانتے ، عوام کو صبح سے شام اپنے دفتر میں دستیاب ہو نے ،پولیس اور عوام کے درمیان نفرتوں کی دیوار کو منہدم کر نے سمیت انقلابی وژن رکھنے والے شخص ہیں ۔
قارئین کرام !امید کی جا سکتی ہے کہ ڈاکٹر حیدر اشرف کے مسجدوں میں عدل و انصاف کی فراہمی والے اس پروجیکٹ کے ثمرات بہت جلد معاشرے میں دیکھنے کو ملیں گے ۔ کیونکہ اس بات میں کسی بھی قسم کا کوئی شک نہیں ہے کہ اسلامی معاشرے کی بہتری میں مساجد کا کردار نمایاں اور عیاں ہے۔ ضرورت اس بات کی ہے کہ آج کے اس پُر فتن دور میں ہمیں اصلاح معاشرہ اور عدل و انصاف کی فراہمی کے لئے مسجد کے کردار کو پھر سے فعال بنانا ہو گااور انہی خطوط پر عمل پیرا ہو نا پڑے گا جنہیں اپنا کر عرب کے بُدودنیا کے امام و رہبر بن گئے تھے۔ اللہ کرے ایسا ہو جائے۔
ادارہ اردوپوائنٹ کا کالم نگار کی رائے سے متفق ہونا ضروری نہیں ہے۔
Urdu Column Lahore Police Ka Masjid Main Adal O Insaaf Ki Farahami Ka Faisla Column By Hafiz Zohaib Tayyab, the column was published on 21 August 2014. Hafiz Zohaib Tayyab has written 368 columns on Urdu Point. Read all columns written by Hafiz Zohaib Tayyab on the site, related to politics, social issues and international affairs with in depth analysis and research.
لاہور کے مزید کالمز :
مون سون اور لاہور(شہریار عباسی)
Monsoon Aur Lahore
الیکٹرانک میڈیا تفریح کے نام پر کیا دے رہا ہے؟؟(ملک محمد سلمان)
Electronic Media Tafreeh K Naam Per Kiya De Raha Hai
تھینک یو میاں صاحب!(محمد عرفان ندیم)
Thank You Mian Sahab
تباہی کے دہانے پر کھڑا محکمہ صحت(حافظ ذوہیب طیب)
Tabahi K Dahane Per Khara Mehkama Sehat
بلدیاتی الیکشن کی تیاریاں(میاں اشفاق انجم)
Baldiyati Election Ki Tiyariyaan
لاہور کی بے ہنگم ٹریفک بمقابلہ طیب حفیظ چیمہ(حافظ ذوہیب طیب)
Lahore Ki Behangum Traffic
لاہور چین دوستی چہ معنی دارد!(ارشاد محمود)
Lahore China Dosti
کراچی والے اور لاہور والے ایک دوسرے کے بارے میں کیا سوچتے ہیں(حُسین جان)
Karachi Or Lahore Wale Aik Dosre K Bare Main Kiya Sochte Hain
خادم اعلیٰ اور چیف جسٹس لاہور ہائیکورٹ کی توجہ کیلئے(حافظ ذوہیب طیب)
Khadim E Aala Or Chief Justice Lahore High Court Ki Tawaja K Liye
فسطائی جماعت نے لاہور بند کر دیا(جاہد احمد)
Fustai Jamat Ne Lahore Band Kar Diya
جناب چیف جسٹس لاہور ہائیکورٹ!ان لوگوں کو آپ کی توجہ درکار ہے(حافظ ذوہیب طیب)
Janab Chief Justice Lahore High Court
لاہور پولیس کامسجدمیں عدل و انصاف کی فراہمی کا پروجیکٹ(حافظ ذوہیب طیب)
Lahore Police Ka Masjid Main Adal O Insaaf Ki Farahami Ka Faisla
لاہور سے متعلقہ
پاکستان کے کالمز
-
رابطہ پلوں کی خستہ حالی حکومتی کارکردگی پر سوالیہ نشان
(ناصرعالم)
-
سوات میں ناقص سیوریج سسٹم عوام کے لئے وبال جان
(ناصرعالم)
-
پسرور کے قابل فخر سرجن ڈاکٹر میاں ولید انجم کا خصوصی اعزاز
(محمد صہیب فاروق)
-
ایک نہیں بہت سی بلڈنگیں گرنے کو ہیں
(سید عارف مصطفیٰ)
-
سوات کے عوام کو ریلیف ملے گا؟
(ناصرعالم)
-
ترقیاتی منصوبوں کا رخ ادھر بھی ہونا چاہیے
(فیاض محمود خان)
-
صحت سہولیات کیلئے ترستے عوام۔۔۔؟؟
(ناصرعالم)
-
سوات میں بدترین مہنگائی اور عوام کی دہائی
(ناصرعالم)