ایبٹ آباد یونیورسٹی آف سائنس اینڈ ٹیکنالوجی میں وائس چانسلر ڈاکٹر طاہر عرفان کی زیرصدارت رجسٹرار سیکشن کا اجلاس

جمعہ 10 جولائی 2020 17:25

ایبٹ آباد۔ (اُردو پوائنٹ اخبارتازہ ترین - اے پی پی۔ 10 جولائی2020ء) ایبٹ آباد یونیورسٹی آف سائنس اینڈ ٹیکنالوجی میں رجسٹرار سیکشن کے زیر اہتمام اجلاس منعقد ہوا ۔اجلاس کی صدارت وائس چانسلر پروفیسر ڈاکٹر طاہر عرفان خان نے کی۔ اجلاس میں وائس چانسلرکو رجسٹرار سیکشن کے حوالہ سے رجسٹرارڈاکٹر محمد رضوان، ایڈیشنل رجسٹرار اکیڈمکس ڈاکٹر اعظم حیات، ڈپٹی رجسٹرار شاہ روم خان، اسسٹنٹ رجسٹرار کیڈمکس عارف خان اور اسسٹنٹ رجسٹراراسٹیبلشمنٹ ملک ضیاء نے بریفنگ دی جس پر وائس چانسلرنے ان کی خدمات کو سہراتے ہوئے کہا کہ ہمیںیونیورسٹی کے رجسٹرار سیکشن کو مزید مضبوط بنانا ہے تاکہ یونیورسٹی کو ترقی کے راستے پر گامزن ہونے میں کوئی دشواری پیش نہ آئے اور یونیورسٹی کے تمام اہم فیصلے میرٹ کی بنیاد پر کئے جائیں۔

(جاری ہے)

ہمیں اکیڈمکس کے شعبہ کو مزید فعال کرناہے جس کے ذریعے یونیورسٹی کے طلبہء وطالبات کے ساتھ ساتھ یونیورسٹی سے الحاق شدہ کالجز اور ان کے طلبہء وطالبات کو تعلیمی سہولیات سے آراستہ کرنا ہے۔وائس چانسلرنے رجسٹرارڈاکٹر محمد رضوان سے کہا کہ یونیورسٹی کے ملازمین بھی ماضی کی طرح کلیدی کردار ادا کرتے ہوئے یونیورسٹی کی تعمیر و ترقی میں اہم کردار ادا کریں جو اس ادارے اور علاقے کے لیے باعث فخر ہو اجلاس کے اختتام پروائس چانسلرپروفیسر ڈاکٹر طاہر عرفان خان نے تمام شرکاء کا شکریہ ادا کیا۔

متعلقہ عنوان :

ایبٹ آباد میں شائع ہونے والی مزید خبریں