قوم کی تاریخ کے بہترین صفحات ان شہیدوں کے خون سے لکھے جاتے ہیں جو بے خوف ہو کر ملک و قوم پر جان نچھاور کرتے ہیں
شہید ہمیشہ زندہ ہوتا ہے مگر ان کی وقتی جدائی کا درد ان کے خاندان سے بڑھ کر اور کسی کو نہیں ہو سکتا، آئی جی خیبر پختونخوا
جمعہ 24 مئی 2019 22:00
(جاری ہے)
ریجنل پولیس آفیسر، ضلعی پولیس آفیسر اور متعلقہ دیگر اعلیٰ پولیس حکام بھی اس موقع پر موجود تھے۔ پولیس شہداء کے ورثاء سے خطاب میں آئی جی پی نے کہا کہ اپنا آج قوم کے کل پر قربان کرنے والے ہمارے اصلی ہیرو ہیں، شہید کی موت در حقیقت قوم کی حیات ہے، ان کی جُدائی کے خلا کو پُر کرنا کسی کے بس کی بات نہیں ہے۔
آئی جی پی نے شہداء کے ورثاء سے کہا کہ ہم کسی صورت آپ کے درد کے درمیان نہیں ہو سکتے تاہم خیبر پختونخوا پولیس صوبہ کے وسائل کے اندر رہتے ہوئے شہید پیکیج کے ذریعہ آپ کی زندگی کو سہل بنانے کی ہر ممکن کوشش کرے گی۔ آئی جی پی نے کہا کہ شہداء کے بچوں کی بھرتی کیلئے انہوں نے وزیراعلیٰ سے 200 مخصوص آسامیوں کی استدعا کی ہے جو بہت جلد منظور ہو جائیں گی جس سے شہید کے بچوں کی بھرتی کے حوالہ سے درپیش مشکلات بھی ختم ہو جائیں گی۔ آئی جی پی نے اس موقع پر موجود اعلیٰ پولیس افسروں کو شہداء کے بچوں کو ان کا حق کماحقہ ادا کرنے کی بھی ہدایت کی۔ انہوں نے مزید ہدایت کی کہ وہ شہدا کے ورثاء کے گھروں کی دہلیز پر جا کر ان کو درپیش مسائل و مشکلات سے آگاہی حاصل کریں اور انہیں ترجیحی بنیادوں پر حل کرنے کو یقینی بنائیں۔ آئی جی پی نے کہا کہ اگر انہیں کسی علاقہ سے شہید کے بچوں کے مسائل حل نہ کرنے کی شکایت موصول ہوئی تو ذمہ دار افسروں کو کسی بھی صورت معاف نہیں کیا جائے گا۔ اس موقع پر شہداء کے ورثاء نے فرداً فرداً اپنے مسائل آئی جی پی کے نوٹس میں لائے۔ آئی جی پی نے ان کے تمام مسائل غور سے سنے اور ان کے حل کیلئے موقع پر ضروری احکامات جاری کئے۔ ایبٹ آباد میں واقع تنازعات کے حل کے کونسل کے ارکان سے خطاب کرتے ہوئے آئی جی پی نے کہا کہ جرگہ یا مصالحت کا یہ نظریہ حقیقت میں ہمارا طرز زندگی ہے۔ آئی جی پی نے ایبٹ آباد ڈی آر سی کی مقدمات نمٹانے کی شرح کو بہترین قرار دیتے ہوئے کہا کہ گذشتہ پانچ سال میں اس فورم کے ذریعہ عوام کے جتنے مسائل حل ہوئے اس کی کوئی مثال نہیں ملتی۔ آئی جی پی نے کہا کہ اس کا سارا کریڈٹ کونسل کے ممبران کو جاتا ہے جنہوں نے بے لوث خدمت، لگن اور خدمت خلق کے جذبہ سے سرشار ہو کر فریقین کے مسائل نمٹائیں، تنازعات کے حل کی کونسلوں پر ایک نوجوان بیرسٹر نے ایک مفصل جائزہ رپورٹ تیار کی ہے جس میں ڈی آر سی کی کامیابیوں و کامرانیوں کا بھر پور احاطہ کیا گیا ہے جو ہمارے لئے قابل فخر ہے۔ قبل ازیں ڈی آر سی کے چیئرمین جنرل (ر) ایاز سلیم رانا نے سپاسنامہ پیش کرتے ہوئے کہا کہ مصالحت کرنا اور کروانا ہماری تہذیب کا حصہ ہے، پولیس نے غیر روایتی جرگہ کو ادارہ کی شکل دیکر ایک بہت بڑا تاریخی کارنامہ سرانجام دیا ہے۔ انہوں نے کہا کہ ایبٹ آباد میں ڈی آر سی کی کامیابی کا راز یہاں کی پولیس کے مرہون منت ہے، 2014ء سے کیسز کی تعداد میں مسلسل اضافہ ہو رہا ہے جو عوام کا اس فورم پر بھر پور اعتماد کا آئینہ دار ہے۔ انہوں نے کہا کہ یہ بات باعث فخر ہے کہ ایبٹ آباد ڈی آر سی میں آج تک جتنے بھی کیسز نمٹائے گئے، اُن میں کوئی بھی عدالت میں چیلنج نہیں ہوا۔ انہوں نے گذشتہ تین سالوں کے کیسز اور ان کے حل کے اعداد و شمار بھی پیش کئے جنہیں ہر حوالہ سے بہترین قرار دیتے ہوئے سراہا بھی گیا۔ اس موقع پر آئی جی پی نے بہترین نمایاں کارکردگی پر ڈی آر سی میں ڈیوٹی انجام دینے والے پولیس اہلکاروں میں نقد انعامات بھی تقسیم کئے۔ قبل ازیں آئی جی پی سے ریٹائرڈ پولیس ملازمین کے ایک وفد نے بھی ملاقات کی۔ آئی جی پی نے پولیس محکمہ کیلئے ان کی گراں قدر خدمات کی تعریف کی اور کہا کہ ضرورت پڑنے پر محکمہ کیلئے ان کے تجربات سے بھرپور استفادہ کیا جائے گا۔ایبٹ آباد میں شائع ہونے والی مزید خبریں
مخالفین جائیداد ہتھیانے کی خاطر مارنا چاہتے ہیں، سابق کونسلر ملک جہانگیر
ایبٹ آباد، نرخ کی خلاف ورزی پر نانبائیوں پر جرمانے
نوتعینات ایس ڈی پی او حویلیاں عارف خان کی زیر صدارت تمام ایس ایچ اوز، آپریشن اور انوسٹی گیشن سٹاف کے ..
ڈسٹرکٹ ایجوکیشن آفس (زنانہ) ایبٹ آباد میں درجہ چہارم ملازمین کی بھرتی کیلئے انٹرویو 2 سے 4 مئی کو ہو گا
صوبائی وزیرارشد ایوب سے علی خان جدون، افتخار جدون اور تحصیل ناظم لوئر تناول جنید تنولی کی ملاقات
رکن صوبائی اسمبلی افتخارخان جدون کی چیف انجینئر پیسکو سردار ساجد سے ملاقات
ایبٹ آباد پولیس کی کارروائی میں منشیات فروش چرس سمیت گرفتار
امن و امان کے قیام کے لیے علماء کرام کا کردار اہمیت کا حامل ہے،ڈی پی او لوئر کوہستان
نتھیا گلی ، موٹرسائیکل کھائی میں گرنے سے 3 افراد زخمی ہوگئے
واسا نے گورنمنٹ گرلز ڈگری کالج نواں شہر کے تعاون سے سلہڈ ڈمپنگ گراؤنڈ میں 300 پودے لگا دیئے
موجودہ سیکورٹی صورتحال کے پیش نظر ایس ایس پی ٹریفک ایبٹ آبادکی زیر نگرانی سینئر افسران کی میٹنگ
ایبٹ آباد کینٹ بورڈ میں کھلی کچہری کاانعقاد، کینٹ ایگزیکٹوآفیسر نے شہریوں کے مسائل سنے
ایبٹ آباد سے متعلقہ
پاکستان کی تازہ ترین خبریں
-
صدرمملکت آصف علی زرداری سے انٹرنیشنل اسلامی یونیورسٹی کے صدر ڈاکٹر هذال بن حمود العتيبي اور ریکٹر ڈاکٹر ثمینہ ملک کی ملاقات
-
پولیس نے چارملزمان کوگرفتارکرکے 38 لٹر دیسی شراب برآمد کرلی
-
ہم ایک ایسا معاشرہ بنائیں گے جس کا خواب قائد نے دیکھا تھا، وزیراعظم شہباز شریف
-
جو نام بانی پی ٹی آئی دیں گے وہی چیئرمین پی اے سی ہو گا، عمرایوب
-
پارٹی کے اندرونی معاملات پر پارٹی میں ہی بحث کرنی ہے، چیئرمین پی ٹی آئی کا شیرافضل مروت کو انتباہ
-
پی ٹی آئی کے نئے انٹرا پارٹی انتخابات پر بھی اعتراضات عائد، 30 اپریل کو پیشی کا نوٹس جاری
-
پاکستان سٹاک ایکسچینج میں تیزی کا نیاریکارڈقائم، انڈکس 692.49 پوائنٹس(0.97) اضافہ کے بعد72051.89پوائنٹس پربند
-
پی ٹی آئی کی پانچ فرنچائز ہیں ہر کسی کا اپنا مؤقف ہے،ندیم فضل چن ، فیصل کریم کنڈی
-
وزیراعظم شہا ز شریف کی مزار قائد پر حاضری، پھول چڑھائے اور فاتحہ خوانی کی
-
تحریک انصاف کی پانچ فرنچائز ہیں ہر کسی کا اپنا مؤقف ہے
-
گزشتہ 4سال نئی اسکیمز میں وفاق نے سندھ کو نظر انداز کیا، وزیر اعلی سندھ کا وزیراعظم سے شکوہ
-
تیز رفتار کار فٹ پاتھ پر سوئے افراد پر چڑھ گئی، 6 افراد زخمی