انتظامی و دیگر افسران دیانتداری اور فرض شناسی کو شعار بنائیں گے تو انہیں کوئی مشکل پیش نہیں آئے گی‘ چیف سیکرٹری

ایبٹ آباد۔ (اُردو پوائنٹ اخبارتازہ ترین - اے پی پی۔ 18 اکتوبر2019ء) چیف سیکرٹری خیبر پختونخواہ محمدسلیم نے اس امر پر اطمینان کا اظہار کیا ہے کہ ہزارہ ڈویژن سمیت صوبہ بھر میں سول افسران اور پولیس سمیت تمام اداروں کے مابین مثالی رابطہ اور نظم و ضبط قائم ہے جس کی بدولت عوام کی بھرپور خدمت میں مدد مل رہی ہے۔ انہوں نے کہا کہ انتظامی و دیگر افسران دیانتداری اور فرض شناسی کو شعار بنائیں گے تو انہیں کوئی مشکل پیش نہیں آئے گی ۔

تاہم انہوں نے کہا کہ افسران کو اپنی پیشہ ورانہ مہارت میں مزید اضافہ کرنا ہوگا تاکہ ان کی کارکردگی بہتر ہونے کے ساتھ ساتھ وہ مجوزہ سول ایڈمنسٹریشن ایکٹ کی منظوری کی صورت میں اپنی ذمہ داریاں مزید احسن طریقے سے انجام دینے کے قابل ہو سکیں۔

(جاری ہے)

ان خیا لا ت کا اظہا ر انہو ں نے جمعہ کے روز کمشنر ہا ئو س ایبٹ آباد میں ہزارہ ڈویژن کے تما م اضلاع کے انتظا می افسرا ن کے اجلاس کی صدا رت کر تے ہو ئے کیا۔

اس موقع پر کمشنر ہزارہ ڈویژن سید ظہیر الاسلام ،ہزارہ ڈویژن کے تما م اضلاع کے ڈپٹی کمشنرز ،ایڈ یشنل ڈپٹی کمشنرز،ڈسٹر کٹ پو لیس آفیسر ایبٹ آباد ،اسسٹنٹ کمشنر ایبٹ آباد،سیکر یٹری ٹو کمشنر کے علا وہ دیگر بھی مو جو د تھے ۔ چیف سیکریٹری محمد سلیم نے کہا کہ صوبے کے دیگر اضلاع کی طرح ہزارہ ڈویژن کے سول افسران نے بھی مثالی کارکردگی کا مظاہرہ کیا ہے جس پر وہ اپنی مدت ملازمت کے خاتمہ پر ان افسروں کی حوصلہ افزائی کے لئے خود ہزارہ آئے ہیں۔

انہوں نے کہا کہ خیبر پختونخواہ دہشت گردی کی جنگ سے متاثرہ صوبہ ہے اس لئے انتظامی افسروں کو صوبے کی ترقی اور خوشحالی کے لیے معمول سے ہٹ کر بھی اپنا کردار ادا کرنا ہو گا۔اجلاس میں کمشنر ہزارہ ڈویژن سید ظہیر الاسلام نے اظہار خیال کرتے ہوئے کہا کہ چیف سیکرٹری محمدسلیم نے ملازمت کے دوران صوبائی محکموں میں بہترین نظم و ضبط قائم کر کے عوام کی بھرپور خدمت کی ہے ان کے تعاون اور بھرپور سپورٹ کی وجہ سے افسران نے بھی مثالی کارکردگی دکھائی ہے ۔

انہوں نے کہا کہ سلیم خان نے انتہائی عزت اور دیانتداری سے اپنے فرائض انجام دئیے ہیں جو افسران کے لئے مشعل راہ ہے۔ افسران ان کی ہدایات پر عمل کرکے بہترین آفیسر اور عام للے خدمت گزار ثابت ہو سکتے ہیں۔چیف سیکر یڑی محمدسلیم نے اس موقع پر کمشنر ہا ئو س کے سبزازار میں دیودار کا پودا بھی لگایاجب کہ کمشنر ہزارہ سید ظہیر الاسلام ، ڈسٹر کٹ پو لیس آفیسر ایبٹ آباد ،ڈپٹی کمشنر ایبٹ آباد اور دیگر نے چیف سیکر یٹری کویاد گا ری شیلڈ زبھی پیش کیں۔