ایوب ٹیچنگ ہسپتال میں کورونا وائرس کے دو مریضوں کو مکمل صحت یابی کے بعد ڈسچارج کر دیا گیا

ہسپتال کا عملہ مستعدی سے کورونا کی روک تھام اور علاج میں مصروف ہے، عوام کورونا فنڈ میں عطیات جمع کرائیں۔ ترجمان

جمعہ 3 اپریل 2020 21:51

ایبٹ آباد۔ (اُردو پوائنٹ اخبارتازہ ترین - اے پی پی۔ 03 اپریل2020ء) ایوب ٹیچنگ ہسپتال ایبٹ آباد میں کورونا وائرس کے دو مریضوں کو مکمل صحت یابی کے بعد ڈسچارج کر دیا گیا ہے۔ ہسپتال انتظامیہ نے کورونا فنڈ قائم کر کے عوام سے تعاون کی اپیل کی ہے۔ کورونا وائرس کی وبائی مرض میں ایوب ٹیچنگ ہسپتال کا عملہ نہایت مستعدی سے اس مرض کی روک تھام اور علاج میں مصروف ہے، ہسپتال میں داخل کرونا وائرس کے دو مریض مکمل صحت یاب ہونے کے بعد ڈسچارج کر دیئے گئے ہیں، ہسپتال میں داخل باقی کنفرم اور مشتبہ مریضوں کی حالت بھی بالکل ٹھیک ہے۔

ہسپتال کے کرونا بلاک میں اب تک 33 مریضوں کو داخل کیا گیا ہے جن میں سے 25 مریضوں کے ٹیسٹ نیگیٹو آنے کے بعد انہیں گھر بھیج دیا گیا ہے جبکہ چار مریضوں کے رزلٹ آنے کا انتظار ہے، 4 مریضوں کے ٹیسٹ رزلٹ پازٹیو آنے کے بعد ان کا علاج شروع کر دیا گیا ہے جس کے بعد دو مریض مکمل طور پر صحت یاب ہو چکے ہیں جبکہ باقی دو کا علاج جاری ہے۔

(جاری ہے)

ایوب ٹیچنگ ہسپتال کی ترجمان امبر جاوید کے مطابق ہسپتال ہر سال لاکھوں مریضوں کو طبی سہولیات فراہم کرتا ہے اور اس کڑے وقت میں بھی بڑھ چڑھ کر عوام کی خدمت میں مصروف ہے لیکن ہسپتال کو اس وقت فنڈز کی شدید کمی کا سامنا ہے، اس وباء سے لڑنے کیلئے ایوب ٹیچنگ ہسپتال نے کورونا فنڈ قائم کیا ہے، مخیر حضرات سے گذارش ہے کہ وہ اس وبائی مرض سے لڑنے کیلئے ہمارا ساتھ دیجئے اور اپنے عطیات اس اکائونٹ ABPA001002487000186 PK # BAN 0010024387000186-ABL میں جمع کروائیں۔

واضح رہے کہ ہسپتال میں کرونا وائرس سے نمٹنے کیلئے 70 کمروں پر مشتمل کورونا بلاک بنایا گیا ہے جو مرکزی عمارت سے بالکل علیحدہ ہے اور ڈیوٹی کرنے والے سٹاٖف کی رہائش کا انتظام بھی اسی بلڈنگ میں کیا گیا ہے۔ ڈین پروفیسر ڈاکٹر عمر فاروق نے اپنے پیغام میں کہا ہے کہ ایوب ٹیچنگ ہسپتال کو آپ کے تعاون کی ضرورت ہے، ہمارا ساتھ دیجئے تاکہ ہم آپ کیلئے لڑ سکیں۔

Facebook Twitter Reddit Pinterest Whatsapp

ایبٹ آباد میں شائع ہونے والی مزید خبریں

مانسہرہ پولیس نے موبائل فونز چوری کر کے فروخت کرنے والے ملزمان کو گرفتار کر لیا

ایڈیشنل ڈپٹی کمشنر ایبٹ آباد کی زیر صدارت ڈیزاسٹر مینجمنٹ یونٹ ریلیف کا اجلاس

علمائے کرام دشمنیوں کے خاتمے،منشیات اور دیگر معاشرتی جرائم کے خلاف عوام میں شعور بیدار کریں،ڈی پی او

وزیراعظم کا فرض کی ادائیگی کے دوران جام شہادت نوش کرنے والے افسران اور اہلکاروں کیلئے شہدا پیکیج کا ..

وزیر اعظم کی ایبٹ آباد آمد،شہید کسٹمز انسپکٹر سید حسنین علی ترمذی کے والد اور بچوں سے اظہار تعزیت

صوبائی حکومتوں کیساتھ مل کر اسمگلنگ کا خاتمہ ضروری، اسمگلنگ کی روک تھام میں آرمی چیف کی معاونت پر شکر ..

ایبٹ آباد ،ڈی پی او کا وی وی آئی پی موومنٹ کی سکیورٹی انتظامات کا جائزہ

وزیرِاعظم شہبازشریف کی ایبٹ آباد آمد، شہید کسٹمز انسپکٹر سید حسنین علی ترمذی کے والد اور بچوں سے ..

سمگلنگ کا خاتمہ کئے بغیر معیشت مضبوط نہیں ہوسکتی،شہباز شریف

اسسٹنٹ کمشنر ایبٹ آباد ا کا کالج روڈ کا دورہ

ایوب میڈیکل کالج کی نان ٹیچنگ سٹاف ایسوسی ایشن کا جنرل باڈی اجلاس، مرزا طارق منظور صدر اور امتیاز احمد ..

ایبٹ آباد، برمی گلی میںسکول وین کے حادثہ میں 15 خواتین اساتذہ زخمی

ایوب ٹیچنگ ہسپتال میں کورونا وائرس کے دو مریضوں کو مکمل صحت یابی کے بعد ڈسچارج کر دیا گیا

ہسپتال کا عملہ مستعدی سے کورونا کی روک تھام اور علاج میں مصروف ہے، عوام کورونا فنڈ میں عطیات جمع کرائیں۔ ترجمان

متعلقہ عنوان :

ایبٹ آباد میں شائع ہونے والی مزید خبریں

ایبٹ آباد سے متعلقہ

پاکستان کی تازہ ترین خبریں

پاکستان کے مشہور شہروں کی خبریں