قاتلانہ حملے میں شدید زخمی ہونے والے پی پی رہنما ملک شاہان حاکمین جان کی بازی ہار گئے

ملک شاہان پر جنازے میں شرکت کیلئے جاتے ہوئے فائرنگ کی گئی، سر پر گولی لگنے کے بعد فوری ہسپتال منتقل کیا گیا، ڈاکٹرز نے موت کی تصدیق کر دی

muhammad ali محمد علی بدھ 7 جولائی 2021 20:31

قاتلانہ حملے میں شدید زخمی ہونے والے پی پی رہنما ملک شاہان حاکمین جان ..
اٹک (اردوپوائنٹ اخبارتازہ ترین۔ 07 جولائی2021ء) قاتلانہ حملے میں شدید زخمی ہونے والے پی پی رہنما ملک شاہان حاکمین جان کی بازی ہار گئے۔ تفصیلات کے مطابق اٹک میں پیپلزپارٹی کے سابق ایم پی اے ملک شاہان حاکمین پر قاتلانہ حملہ ہوا، جس میں شاہان ملک فائرنگ سے شدید زخمی ہوگئے، جس کے بعد انہیں تشویشناک حالت میں ہسپتال منتقل کیا گیا۔

(جاری ہے)

پولیس ذرائع کے مطابق پیپلزپارٹی کے سابق شاہان ملک جنازے میں شرکت کے لیے جارہے تھے کہ ان پر نامعلوم ملزمان نے فائرنگ کردی، جس سے شاہان ملک شدید زخمی ہوگئے، بتایا گیا ہے کہ گولی شاہان ملک کے سر پر لگی، ملک شاہان کو سر پر گولی لگنے کے باعث تشویشناک حالت میں اٹک ہسپتال منتقل کیا گیا، جہاں وہ جان کی بازی ہار گئے۔

ڈاکٹرز نے پی پی رہنما کی موت کی تصدیق کر دی۔ دوسری جانب فائرنگ واقعے کی اطلاع ملتے ہی پولیس جائے وقوعہ پر پہنچ گئی، پولیس نے جائے وقوعہ سے شواہد اکٹھے کیے اور ملزمان کی گرفتاری کیلئے قانونی کاروائی شروع کردی ہے۔ ملک شاہان پیپلزپارٹی کے سابق اور پارلیمنٹیرین ملک حاکمین مرحوم کے بیٹے ہیں۔

متعلقہ عنوان :

اٹک شہر میں شائع ہونے والی مزید خبریں:

Your Thoughts and Comments