منی بجٹ قومی معیشت کے تابوت میں آخری کیل ثابت ہوگا‘چوہدری ساجد ساہو

گورنر پنجاب کے بیان کے مطابق موجودہ حکمرانوں نے پورا ملک آئی ایم ایف کے پاس گروی رکھ دیا ہے‘صدر انجمن تاجران

جمعہ 3 دسمبر 2021 13:10

بہاولنگر (اُردو پوائنٹ اخبارتازہ ترین - این این آئی۔ 03 دسمبر2021ء) منی بجٹ قومی معیشت کے تابوت میں آخری کیل ثابت ہوگا گورنر پنجاب کے بیان کے مطابق موجودہ حکمرانوں نے پورا ملک آئی ایم ایف کے پاس گروی رکھ دیا ہے آئی ایم ایف کے پاس جانے پر خود کو گولی مارنے والے وزیر اعظم عمران خان اب اپنے گورنر کے بیان کا خود جواب دیں گورنر پنجاب کے بیان کے بعد ملکی معیشت کا جہاں دیوالیہ نکلا ہے وہاں پر سٹاک ایکسچینج بھی کریش ہوگئی ہے اب ہمیں سوچنا ہوگا کہ ملک کو کس نہج پر پہنچایا جارہا ہے ان خیالات کا اظہار صدر انجمن تاجران چوہدری ساجد سدھو نے کیا انہوں نے کہا کہ ہمارے پاس معاشی ٹیم موجود ہے مگر اس ٹیم نے معیشت کی بہتری کی بجائے معیشت کا بیڑہ غرق کردیا ہے اب تو خود حکومتی وزرائ بھی موجودہ حکومت کی پالیسیوں سے گھبرانے لگے ہیں جب تک عمران خان اقتدار میں ہے تو یہ لوگ ان کیساتھ ہیں جونہی حکومت کا خاتمہ ہوگا وزیر اعظم کو اپنی جماعت کے ٹکٹ پر الیکشن لڑنے والے امیدوار بھی دستیاب نہیں ہونگے ساجد سدھو نے کہا کہ ہر معاملے میں بیورو کریسی نے حکومت کو ناکام بنادیا ہے آئے روز وزیر اعظم کے بیانات عوام کیلئے بہترین لطیفوں کے سوائ کچھ نہیں رہے اب عوام نے گھبرانا شروع کردیا ہے یہ نہ ہو کہ گھبراہٹ میں قوم سڑکوں پر نکل آئے۔

بہاولنگر شہر میں شائع ہونے والی مزید خبریں:

Your Thoughts and Comments