بہاولنگر میں خواتین کے ساتھ جنسی زیادتی کے واقعات تھم نہ سکے، ایک اور سولہ سالہ لڑکی مبینہ زیادتی کا شکار ہوگئی

بدھ 24 نومبر 2021 16:05

بہاولنگر میں خواتین کے ساتھ جنسی زیادتی کے واقعات تھم نہ سکے، ایک اور سولہ سالہ لڑکی مبینہ زیادتی کا شکار ہوگئی
بہاولنگر (اُردو پوائنٹ اخبارتازہ ترین - این این آئی۔ 24 نومبر2021ء) بہاولنگر میں خواتین کے ساتھ جنسی زیادتی کے واقعات تھم نہ سکے جہاں ایک اور 16 سالہ لڑکی مبینہ زیادتی کا شکار ہو گئی۔

(جاری ہے)

پولیس کے مطابق بہاولنگر کے تھانہ تخت محل کے علاقے بستی صادیکا میں 16 سالہ لڑکی کے ساتھ مبینہ جنسی زیادتی کا واقعہ سامنے آیا جس میں یاسمین کو گن پوائنٹ پر اپنی حوس کا نشانہ بنانے والا کوئی اور نہیں بلکہ متاثرہ لڑکی کا حقیقی چچا زاد ہے۔

پولیس نے متاثرہ لڑکی کے والد محمد افضل کی مدعیت میں مقدمہ درج کرلیا۔ متاثرہ لڑکی کے والد کے مطابق لڑکی کا چچا زاد ملزم ندیم یاسمین پر بری نظر رکھتا تھا اور اسی وجہ پر اسے گھر میں آنے سے منع کیا۔متاثرہ لڑکی کے والد کا کہنا تھا کہ ملزم ندیم میرا حقیقی بھتیجا اور پڑوسی ہے جو واردات کے بعد فرار ہوگیا۔ پولیس کے مطابق واقعہ کا مقدمہ درج کرلیا گیا اور ملزم کی تلاش میں چھاپے مارے جارہے ہیں۔

متعلقہ عنوان :

بہاولنگر شہر میں شائع ہونے والی مزید خبریں:

Your Thoughts and Comments