اسلام رواداری ‘محبت ‘ اور امن کا پیغام دیتا ہے‘ضلعی امن کمیٹی بہاولنگر

بدھ 22 ستمبر 2021 13:13

بہاولنگر (اُردو پوائنٹ اخبارتازہ ترین - این این آئی۔ 22 ستمبر2021ء) ڈپٹی کمشنر بہاولنگر شفقت اللہ مشتاق کی زیر صدارت ضلعی امن کمیٹی کا اجلاس منعقد ہوا. جسمیں ڈسٹرکٹ پولیس آفیسر محمد ظفربزدار، ایڈیشنل ڈپٹی کمشنر ریونیو عابد حسین بھٹی ،تحصیلوں کے اسسٹنٹ کمشنرز، ڈی ایس پی، ممبران ضلعی امن کمیٹی، تمام مکاتب فکر سے تعلق رکھنے والے علماء کرام و مشائخ، ممبران انجمن تاجران اور ویڈیو لنک سے تحصیل امن کمیٹی کے ممبران نے شرکت کی.

ڈپٹی کمشنر شفقت اللہ مشتاق نے کہا کہ تمام مکاتب فکر سے تعلق رکھنے والے علمائ کرام،سول سوسائٹی کے ممبران اور ہم سب کی مشترکہ ذمہ داری ہے کہ امن، بھائی چارہ اور اتحاد بین ا لمسلمین کو فروغ دیں. انہوں نے کہا کہ اسلام رواداری ‘محبت ‘ اور امن کا پیغام دیتا ہی. انہوں نے کہا کہ چہلم حضرت امام حسین علیہ السلام کیے موقع پر جلوس و مجالس کے تمام انتظامات کرلئے گئے ہیں.

امن و امان کے قیام کے لئے معاشرہ کے تمام افراد اپنا کردار ادا کریں تاکہ ملک دشمن عناصر اپنے مذموم مقا صد حاصل نہ کرسکیں. ڈسٹرکٹ پولیس آفیسر محمد ظفر بزدار نے کہا کہ چہلم حضرت امام حسین علیہ السلام کے جلوس روٹس اور مجالس مقامات کی سیکورٹی کے فول پروف انتظامات کو یقینی بنایا گیا ہی.انہوں نے کہا کہ امن و امان کے قیام اور اتحاد و یگانگت کو فروغ دیا جائے اس سلسلہ میں تمام مکاتب فکر سے تعلق رکھنے والے علماء کرام، انجمن تاجران کے نمائندگان اور سول سوسائٹی کے ممبران اپنا کردار ادا کریں

(جاری ہے)

بہاولنگر شہر میں شائع ہونے والی مزید خبریں:

Your Thoughts and Comments