علماء دیوبندکی تمام جماعتوں کے اتحادسے ملک دشمنوں کی نیندیں حرام ہوچکی ہیں ،مولانا سید پیر محمد شاہ نقشبندی،

بہاول پور(اُردو پوائنٹ تاز ترین اخبار۔ 25نومبر 2014ء) علماء دیوبندکی تمام جماعتوں کے اتحادسے ملک دشمنوں کی نیندیں حرام ہوچکی ہیں علماء کرام کایہ اتحاد وطن عزیز کی سلامتی اورملک میں اسلامی نظام کیلئے سنگ میل ثابت ہوگا ان خیالات کااظہار امیرعالمی جماعت نقشبندیہ سرپرست جمعیت علماء اسلام پنجاب مولانا سیدپیرمحمدشاہ نقشبندی آف مسکین پور شریف نے اپنے ایک بیان میں کیاانہوں نے کہاکہ ملک بھرکی روحانی اورخانقائی شخصیات بھی اس اتحاد کی تائید کریں اورساتھ دیں جے یوآئی کے کارکنان علماء دینی مدارس اورمساجد کے تحفظ کیلئے کسی قربانی سے دریغ نہیں کریگے ناموس رسالت ایکٹ میں کسی قسم کی ترمیم برداشت نہیں کی جائیگی دینی جماعتوں کااتحاد ناموس رسالت ناموس صحابہ واہل بیت اسلامی تشخص اورشرعی قوانین کے تحفظ کیلئے عملی کرداراداکریگا علماء کرام کے اتحاد کے ساتھ اعلی مقاصد کیلئے جدوجہدجاری رہے گی انہوں نے کہاکہ یہ اتحاد اگرپہلے قائم ہوجاتا توعلماء دیوبندکے مدارس مساجد اورعلماء کرام کی ٹارگٹ کلنگ سے جونقصان ہواہے وہ نہ ہوتا اہل حق کی دینی جماعتوں کااتحاد وطن عزیز کی سلامتی کے ساتھ ساتھ ملک میں ہونے والی بے حیائی اوردہشت گردی کے خاتمہ کیلئے معاون ثابت ہوگا انہوں نے کہاکہ ہم امیرکاروان اہل حق مولانا ڈاکٹرعبدالرزاق اسکندراوراہل حق ابن امیرشریعت مولانا سیدعطاء المومن شاہ بخاری کی کاوشوں کوسراہتے ہیں اہل حق کے اتحاد اورسپریم کونسل کے قیام پر تمام دینی جماعتوں کے قائدین کواتحاد پرمبارکبادپیش کرتے ہیں ۔