بہاولپور، ڈائریکٹر سمال ریومیننٹ لائیو سٹاک کی خاتون وٹرنری آفیسر سے فحش کلامی

بہاولپور(اُردو پوائنٹ اخبار تازہ ترین۔ 26 مئی۔2015ء ) ڈائریکٹر سمال ریومیننٹ لائیو سٹاک ملتان کی خاتون وٹرنری آفیسر سے فحش کلامی ،تقریب میں چمڑی اُدھیڑ دینے کی دھمکی ،خاتون آفیسر تقریب میں زاروقطار رو پڑیں،بعد ازاں وٹرنری آفیسر سے بھی بد کلامی ۔

(جاری ہے)

تفصیل کے مطابق ڈرنگ اسٹیڈیم بہاولپور میں ہونیوالی پر وقار تقریب جسمیں بیواؤں کو وزیراعلی پنجاب میاں شہباز شریف کی جانب سے مفت جانور تقسیم کرنا تھے میں موجود ڈائریکٹر سمال ریومیننٹ ملتان ڈاکٹر منصور ملک نے خاتون وٹرنری آفیسر گوٹھ لشکر ڈاکٹر مہوش اکبر سے انتہائی فحش کلامی کرتے ہوئے انکی چمڑی اُدھیڑ دینے سمیت سنگین نتائج کی دھمکیاں دیں جس پر خاتون آفیسر دلبرداشتہ ہو کر زاروقطار رو پڑیں ذرائع نے انکشاف کیا ہے کہ ڈاکٹر منصور ملک قبل ازیں بھی اس خاتون وٹرنری آفیسر ڈاکٹر مہوش اکبر کو تنگ کرنے کیلئے مختلف حربے استعمال کرتے رہے ہیں اس بارے میں ایک لائیو سٹاک کے ملازم نے اپنا نام ظاہر نہ کرتے ہوئے بتایا کہ ڈاکٹر منصور ملک ملازمین سے انتہائی ہتک آمیز رویہ اختیار کرتے ہیں پہلے یہ صرف مرد ملازمین سے اس طرح پیش آتے تھے اب انہوں نے خواتین ملازمین کیساتھ بھی فحش کلامی کرنا شروع کررکھی ہے اور موصوف اپنے آپ کو سیکرٹری لائیو سٹاک نسیم صاد ق کا خاص آدمی کہتے ہیں جبکہ موصوف وٹرنری آفیسر ڈاکٹر حسن کو بھی کپڑوں سے پکڑ کرکھسیٹتے رہے خواتین آفیسرز ڈائریکٹر کے اس عمل سے شدید عدم تحفظ کا شکار ہیں اور انکے اند ر شدید خوف و ہراس پایا جاتا ہے عوامی سماجی حلقوں نے شدید احتجاج کرتے ہوئے وزیراعلی پنجاب میاں شہباز شریف ،چیف سیکرٹری پنجاب ،سیکرٹری لائیو سٹاک پنجاب سے مطالبہ کیا ہے کہ فوری نوٹس لیکر اس معاملے کی تحقیقات کرائیں تاکہ خواتین ملازمین آزادانہ اپنی ڈیوٹی سرانجام دے سکیں ۔