باجوڑ میں پولیو قطرے پینے کیوجہ سے 7بچوں کی حالت غیر ہوگئی

منگل 23 اپریل 2019 00:04

باجوڑ(اُردو پوائنٹ اخبارتازہ ترین - این این آئی۔ 22 اپریل2019ء) باجوڑ میں پولیو قطرے پینے کیوجہ سے 7بچوں کی حالت غیر ہوگئی ۔ ذرائع کے مطابق ضلع باجوڑ کے مختلف علاقوں میں پیر کے دن سے شروع ہونیوالے پولیو مہم کے دوران پولیو قطرے پینے سے 7بچوں کی حالت غیر ہوگئی ہیں جن کو فوری طورپر علاج کیلئے ڈسٹرکٹ ہیڈکوارٹر ہسپتال خار میں داخل کروایاگیا ہیں۔

(جاری ہے)

متاثرہ بچوں میں جنید احمد ولد عبداللہ سکنہ گل ڈھیرئی ، احمد شاہ ولد عبداللہ سکنہ گل ڈھیرئی ، محمد الیاس ولد وحید اللہ سکنہ گل ڈھیرئی ، سمعیہ بی بی دختر جان سید سکنہ کگہ ماموند ، تحسین اللہ ولد جان محمد سکنہ بابڑہ چارمنگ ، مریم بی بی دختر غازی رحمان اور زیت الرحمن ولد جان محمد سکنہ بابڑہ چارمنگ شامل ہیں۔ دریں اثناء ڈسٹرکٹ ہسپتال خار کے ایم ایس ڈاکٹر عزیز الرحمن نے بچوں کے متاثر ہونے کی تصدیق کرتے ہوئے میڈیا کو بتایا کہ پولیو کیساتھ وٹامن اے کے قطرے بھی پلوائے گئے تھے اور شاید اُس کیوجہ سے ردعمل آیا ہے لیکن اتنی تشویش کی بات نہیں ہے اور الحمد اللہ بچوں کی حالت بہتر ہے ۔