بنوں:ڈسٹرکٹ پولیس آفیسر یاسر آفریدی کی خصوصی ہدایات

ڈی ایس پیز کی زیرِ قیادت ضلع بنوں میں مختلف ایس ایچ اوز نے پولیس نفری کے ہمراہ مختلف مقامات پر جرائم پیشہ افراد کے خلاف بلا تفریق کاروائیاں کرکے ذیل گرفتاریاں اور برآمدگیاں عمل میں لائی گئیں

جمعرات 23 مئی 2019 21:36

بنوں (اُردو پوائنٹ اخبارتازہ ترین - آن لائن۔ 23 مئی2019ء) ڈسٹرکٹ پولیس آفیسر یاسر آفریدی کی خصوصی ہدایات پر ڈی ایس پیز کی زیرِ قیادت ضلع بنوں میں مختلف ایس ایچ اوز نے پولیس نفری کے ہمراہ مختلف مقامات پر جرائم پیشہ افراد کے خلاف بلا تفریق کاروائیاں کرکے ذیل گرفتاریاں اور برآمدگیاں عمل میں لائی گئیں۔

(جاری ہے)

تھانہ کینٹ،تھانہ سٹی، تھانہ بسیہ خیل، تھانہ ٹاؤن، تھانہ ڈومیل، تھانہ غوریوالہ، تھانہ میریان، تھانہ بکا خیل، تھانہ ککی، تھانہ میرا خیل اور تھانہ منڈان نے کاروائیاں کرکی16مجرمان اشتہاری اور117مشتبہ افراد گرفتار کیے۔

اسی طرح دیگر ملزمان کے قبضے سی04 عدد کلاشنکوف، 01عدد کالاکوف، 05عدد بندوق، 19عدد پستول معہ547عدد کارتوس مختلف بور اور 1000ڈبے ماچس بم /چائینہ پٹاخے برآمد کیں۔ ڈسٹرکٹ پولیس آفیسر کا کھلا پیغام ہے کہ رمضان المبارک کا دوسرا عشرہ شروع ہے اس لئے عوام کو چاہیے کہ صبر و تحمل سے کام لیں اور ہر قسم کے ہوائی فائرنگ، چائینہ پٹاخے، آتش بازی، ون ویلنگ سے گریز کریں۔ خلاف ورزی کرنے والوں کے خلاف سخت قانونی کاروائی عمل میں لائی جائے گی۔