وزیرستان میں صاف پانی کی فراہمی کیلئے کام تیزی سے جاری ہے ،اسد اللہ غالب

بنوں(اُردو پوائنٹ اخبارتازہ ترین - آن لائن۔ 24 اکتوبر2020ء) وزیرستان کے تینوں تحصیلوں میں پینے کے صاف پانی کی فراہمی کیلئے 20کروڑ روپے کی لاگت سے ٹیوب ویلز کی تنصیب پر کام تیزی سے جاری تحصیل شوا میں مساجد کو سولریشن پر منتقل کرنے کیلئے پانچ کروڑ روپے کی خطیر رقم سے مساجد کے منصوبے مکمل کئے گئے ہیں حسن خیل میں رابطہ پلوں کی بحالی کیلئے فنڈز منظور کیا گیا ہے پارٹی کو شمالی وزیرستان کے تحصیل سے لیکر ولیج کونسل تک مضبوط قوت بناکر ترقیاتی منصوبے شروع کئے گئے ہیں تاکہ وزیرستان کی محرومیوں کا ازالہ ہوسکے ان خیالات کا اظہار پاکستان تحریک انصاف میرعلی ڈویژن کے جنرل سیکرٹری اور صوبائی وزیر ریلیف کے کوارڈنیٹر اسد اللہ غالب نے بنوں پریس کلب میں میڈیا کے نمائندوں کو بریفنگ دیتے ہوئے کیا انہوں نے کہا کہ صوبائی وزیر ریلیف وآباد کاری اقبال وزیر کی قیادت میں شمالی وزیرستان کے تمام پسماندہ علاقوں کو ترقی کی رہ پر گامزان کرنے کیلئے سڑکوں آبنوشی آبپاشی کے منصبوں پر کام تیزی سے جاری ہے ان منصبوں کی تکمیل سے یہاں پر عوام کے دیرینہ مسائل حل ہونگے اور وزیرستان ی پسماندگی کا خاتمہ ممکن ہوگا انہوں نے کہا کہ وزیراعظم عمران خان اور وزیر اعلیٰ محمود خان کے ویژن کے مطابق صوبائی وزیر ریلیف اقبال وزیر نے بلاتفریق تمام تحصیلوں میں بنیادی سہولیات کی فراہمی یقینی بنانے کیلئے نیک نیتی کے ساتھ ترقیاتی منصوبے منظور کئے جس سے پارٹی کارکن اور علاقائی مشران کے دیرینہ مطالبات گھر کے دہلیز پر حل ہورہے ہیں انہوں نے کہا کہ شمالی وزیرستان کے تحصیل سپین وام ،تحصیل میرعلی اور تحصیل شوا کو ماڈل بنانے کے منصوبے کے تحت اربوں روپے خصوصی پیکج منظوری کرایا گیا ہے جس سے نئے سڑکوں کی تعمیر آبنوشی منصوبے مکمل کئے جائینگے اور رابطہ پلوں کی دوبارہ بحالی اور نئے سرے سے تعمیر بھی شامل ہے انہوں نے مزید کہا کہ صوبائی حکومت اور صوبائی وزیر ریلیف شمالی وزیرستان کی محرومیوں کے ازالے کیلئے خصوصی توجہ دے رہی ہے ان شاء اللہ وزیرستان کے کونے کونے میں ترقیاتی منصوبوں کا جال پھیلایا جائیگا ۔