چکوال، 2200سے زائد بوتل شراب برآمد، دو افراد گرفتار

ہفتہ 18 مئی 2019 18:05

چکوال ۔ (اُردو پوائنٹ اخبارتازہ ترین - اے پی پی۔ 18 مئی2019ء) کرسچین کالونی چکوال سے 2200سے زائد بوتل شراب برآمد ہونے پر سٹی پولیس نے چار مختلف مقدمات درج کر کے دو افراد کو گرفتار کیا ہے۔ اے ایس آئی ضمیر حسین نے حشمت سورج ولد بابو عمانیول کے قبضے سے 756بوتل شراب بمہ اسٹکر اور بوتلوں کے 200ڈھکن برآمد کر کے اسکو گرفتار کیا۔ جبکہ اے ایس آئی شاہد بلال نے آصف مسیح ولد یعقوب مسیح کے گھر پر چھاپہ ماراتو ملزم پولیس پارٹی کو دیکھ کر رات کی تاریکی میں فرار ہوگیا۔

(جاری ہے)

پولیس نے گھر کے باہر سے 182بوتل شراب برآمد کرلی۔ اُدھر اے ایس آئی عبدالرحمن نے مخبر کی اطلاع پر انور ٹینڈ عرف ای ٹی او ساکن کرسیچن کالونی کے قبضے سے 1ہزار کُپی شراب برآمد کی۔ سب انسپکٹر وقاص الرحمن نے ایک اور کارروائی میں فرخ سیار ولد طارق فرانسس کے گھر پر چھاپہ ماراتو ملزم پولیس پارٹی کو دیکھ کر فرار ہوگیا۔ اس کے گھر کے باہر سی310بوتل شراب اسٹیکر اور ڈھکن برآمد کر کے ملزمان کیخلاف منشیات ایکٹ اور جعلسازی دھوکہ فراڈ کے مقدمات درج کر لیے گئے۔