چارسدہ ،پولیس کی کاروائی، سگے بھائی کو قتل کرنے والے ملزم سمیت موٹر سائیکل چور گرفتار کرلیا گیا

بدھ 28 اگست 2019 23:18

چارسدہ (اُردو پوائنٹ اخبارتازہ ترین - این این آئی۔ 28 اگست2019ء) چارسدہ پولیس کی کاروائی، سگے بھائی کو قتل کرنے والے ملزم سمیت موٹر سائیکل چور گرفتار کرلیا گیا۔ تفصیلات کے مطابق ایس ایچ او بٹگرام ظاہر شاہ خان نے جاری کر دہ پریس ریلیز میں کہا ہے پذیر گل ولد محمد گل سکنہ بٹگرام نے پولیس کو رپورٹ درج کر تے ہوئے بتایا کہ ان کے بیٹے یاسر نے زبانی تکرار پر اپنے بھائی محسن کو اسلحہ آتشین سے فائرنگ کرکے قتل کیا تھا جس پر انہوں نے کاروائی کر تے ہوئے نامز د ملزم یاسر کو گرفتار کرکے ان کے قبضہ سے آلہ قتل برآمد کر لیا۔

(جاری ہے)

دوسری کاروائی میں ڈی ایس پی سٹی بشیر احمد یوسفزئی نے میڈیا کو تفصیلات بتا تے ہوئے کہا کہ گزشتہ دنوں اقبال ولد سیف الرحمان سکنہ سرڈھیری نے تھانہ سٹی میں رپورٹ درج کر تے ہوئے کہا کہ انہوں نے چارسدہ ہسپتال میں اپنی موٹر سائیکل پارک کر دی جب واپس آیا تو ان کا موٹر سائیکل غائب تھا جس پر کاروائی کر تے ہوئے موٹر سائیکل چور لطیف خان ولد جعفر خان سکنہ خیشگی نوشہر ہ کو گرفتار کر لیا ۔ ملزم کے قبضے سے چوری شدہ موٹر سائیکل سمیت مزید تین موٹر سائیکلیں بھی برآمد ہوئی جن کو ملزم نے صرف 3500ہزار روپے کے عوض فروخت کی تھی۔