پولیس نے عثمان عرف ماناںگینگ کے تین ملزمان کو سرغنہ سمیت گرفتار کر کے پانچ موٹر سائیکلیں برآمد کر لیں

ہفتہ 22 ستمبر 2018 20:19

چیچہ وطنی۔22 ستمبر(اُردو پوائنٹ اخبارتازہ ترین - اے پی پی۔ 22 ستمبر2018ء) پولیس نے سرقہ موٹرسائیکل کی وارداتیں کرنے والے بدنام زمانہ عثمان عرف ماناںگینگ کے تین ملزمان کو سرغنہ سمیت گرفتار کر لیا ۔ ملزمان کے قبضہ سے لاکھوں روپے مالیت کی مسروقہ موٹر سائیکلیں برآمد کر لیں گئیں، ڈسٹرکٹ پولیس آفیسر ساہیوال غلام مبشر میکن نے یہاں میڈیا کو بریفنگ میں بتایا کہ یہ گینگ شہر کے مختلف مقامات سے موٹرسائیکل چوری کرنے کی وارداتیں کرتا تھا۔

اس گینگ کی گرفتاری کے لئے ڈی ایس پی آرگنائزڈ کرائم یونٹ رانا فواد احمد کی زیر نگرا نی انچارج آرگنائزڈ کرائم یونٹ سب انسپکٹرمحمد ریاض ،اسسٹنٹ سب انسپکٹر صبح صادق ودیگر ملازمان پر مشتمل ایک ٹیم تشکیل دی گئی ۔ جنہوں نے جدید طریقہ تفتیش کے ذریعے اس گینگ کے سرغنہ عثمان عرف ماناں اوراس کے دودیگر ساتھیوں شہزاد اور عبدالرحیم کو گرفتار کر کے ان کے قبضہ سے لوٹا ہوا مال05عدد موٹرسائیکلیں مالیتی02لاکھ55ہزارروپی برآمد کرلیں۔

(جاری ہے)

ملزمان سے مزید انکشافات کی توقع ہے ۔اس گینگ کے باقی ملزمان کی نام ٹریس ہو چکے ہیں جن کے نام صیغہ راز میں رکھے گئے ہیںجن کی گرفتاری کی کوشش جاری ہے اوران سے مزید برآمدگی کی توقع ہے۔ انہوں نے پولیس ٹیم کی کارکردگی کو سراہتے ہوئے نقد انعام اور سرٹیفکیٹس کا اعلان کیا۔