سابق ق لیگی ایم پی اے کے بھتیجوں کو بلاوجہ حبس بے میں رکھنے پر ایس ایچ او سمیت 10افراد کیخلاف مقدمہ درج

جمعہ 14 دسمبر 2018 20:00

ڈسکہ (اُردو پوائنٹ اخبارتازہ ترین - اے پی پی۔ 14 دسمبر2018ء) سابق ق لیگی ایم پی اے کے بھتیجوں کو بلاوجہ حبس بے میں رکھنے پر ایس ایچ او سمیت 10افراد کیخلاف مقدمہ درج کرلیا گیا ۔

(جاری ہے)

گوجرانوالہ کا حامد نواز گزشتہ روز اپنے ننیال تھانہ موترہ کے علاقہ بھلوالی میں سابق ایم پی اے عنصر اقبال بریار کے بھائی سلیم بریار کے گھر آیاہواتھا حامد نواز اپنے کزن مدثر سلیم بریار اور جاویداقبال کے ہمراہ گاڑی میں بیٹھ کر اپنی فیکٹری کی طرف جارہے تھے جب وہ کمالپور کے قریب پہنچے توان کو پیچھے سے آنیوالی پولیس کی گاڑی جس میں ایس ایچ او تھانہ ایمن آباد منظر سعید اور اے ایس آئی غلام فرید سمیت 8ملازم سوار تھے انہوںنے گاڑی روک کر حامدنواز ‘مدثر سلیم بریار اور جاویداقبال کوگاڑی سے اتار کر اپنے ساتھ تھانہ لے گئے اور وہاں پر بلاوجہ حبس بے جامیں رکھ لیا جس پر تھانہ موترہ پولیس نے ایس ایچ او تھانہ ایمن آباد منظر سعید‘اے ایس آئی غلام فرید اور 8ملازموں کیخلاف مقدمہ درج کرکے تفتیش شروع کردی ہے۔